# 來看1937年 ê 白話字廣告 **URL:** \ **Category:** 台灣史 Tâi-oân Sú\ **Created:** [2021 二月 4 17:20 UTC](https://chiahpa.be/t/1937-e/736 "2021-02-04T17:20:24Z")\ **Posts on this page:** 8\ **Page:** 1
**Author:** ![kángTo͘](https://chiahpa.be/user_avatar/chiahpa.be/k%C3%A1ngto%CD%98/32/70_2.png) [@kángTo͘](https://chiahpa.be/u/k%C3%A1ngTo%CD%98)\ **Post date:** [2021 二月 4 17:20 UTC](https://chiahpa.be/t/1937-e/736/1 "2021-02-04T17:20:24Z")
![20210205_011826](https://chiahpa.be/uploads/default/original/1X/4d332f2d63b9cf04d5ef5e0ebe026188ad533a79.png) 1937年，打狗(Táⁿ-káu) ê 廣告( **台灣教會公報** )，內底是白話字，白話字是去予人禁止使用，毋是無存在--過，毋是這幾年 chiah koh發明出來，白話字有一百五十年歷史，是書寫台語个文字系統，向望 ta̍k-ke 毋通誤解。 咱現主時知影歷史--ah，講台語ê 人，敢欲 kā 咱个文字 koh 學--轉來? 我mā kā 廣告phah 做漢字，nā 看無會使借漢字來了解一下 **補腎丸** 這項藥，無論男婦老幼，病後，產後失元氣--ê，kap [**hā-siau**](https://chhoe.taigi.info/TaijitToaSutian/17502)(kám-siā @lesautres chí-chèng)，白帶--ê；食了 khah chē 大 功效！ 也寒，熱，iau，飽；kan-ta 食，á-是配鹽水，或是 燉，lóng 好！1日食3 pái，1 pái 2錢重。這項藥，好食！便宜！利便！免{儉|khiūⁿ}！人kā 伊號做「散兇人寶藥！」 全島 chē chē 位，再三來注文規10斤！ Taⁿ ài hō͘ 普及，小賣1斤箍6，5斤6箍，9斤10箍；免送料。 **血類需肝乳** 這項是[**癆傷**](https://chhoe.taigi.info/search?method=basic&searchMethod=equals&spelling=l%C3%B4-siang&spellingMethod=poj_unicode)(kám-siā @hkter chí-chèng)，損病，m̄成囡仔 ê 高級滋養品！1矸3箍半。 **猴膠** 上等1兩5角，普通1兩2角。 **消化散** 寒--tio̍h，熱--tio̍h，膨風，飽脹，嘔漏(霍亂)，做纓纏(赤痢)，kap 感嗽，有特效！1磅箍2。 **七厘散** 毋成囡仔 kap lám-身大人ê 胃腸幼藥！ 1 磅2箍4。 **小兒至寶散** 這項藥，囡仔真好用！ 大人日--時會驚，暝時bē睏--得，也有効！1罐4角。 **美國無二膏** Lè 破孔，燒--tio̍h，燙--tio̍h；現抹現止痛！真快過皮！1罐4角。 [http://ip194097.ntcu.edu.tw/memory/TGB/thak.asp?id=975&page=38&fbclid=IwAR3uvm7hX4j11B4QiHZsel5vYFMopzpaxegMszZTH\_wuSjRnBUVAkGnNH38](http://ip194097.ntcu.edu.tw/memory/TGB/thak.asp?id=975&page=38&fbclid=IwAR3uvm7hX4j11B4QiHZsel5vYFMopzpaxegMszZTH_wuSjRnBUVAkGnNH38) ---
**Author:** ![lesautres](https://chiahpa.be/user_avatar/chiahpa.be/lesautres/32/54_2.png) [@lesautres](https://chiahpa.be/u/lesautres)\ **Post date:** [2021 二月 4 17:39 UTC](https://chiahpa.be/t/1937-e/736/2 "2021-02-04T17:39:03Z")
> [@kángTo͘](#): > > bā-siau 字典我查無 Che èng-tong sī [**hā-siau**](https://chhoe.taigi.info/TaijitToaSutian/17502). ---
**Author:** ![kángTo͘](https://chiahpa.be/user_avatar/chiahpa.be/k%C3%A1ngto%CD%98/32/70_2.png) [@kángTo͘](https://chiahpa.be/u/k%C3%A1ngTo%CD%98)\ **Post date:** [2021 二月 4 18:09 UTC](https://chiahpa.be/t/1937-e/736/3 "2021-02-04T18:09:56Z")
Chin ló͘-la̍t, góa lâi kái 1 ē ^^ ---
**Author:** ![ghsrobert](https://chiahpa.be/user_avatar/chiahpa.be/ghsrobert/32/555_2.png) [@ghsrobert](https://chiahpa.be/u/ghsrobert)\ **Post date:** [2021 二月 6 10:43 UTC](https://chiahpa.be/t/1937-e/736/4 "2021-02-06T10:43:35Z")
「得恩堂」我叫是賣目鏡彼間 wwwwwww ---
**Author:** ![lunko](https://chiahpa.be/user_avatar/chiahpa.be/lunko/32/1471_2.png) [@lunko](https://chiahpa.be/u/lunko)\ **Post date:** [2021 二月 6 11:58 UTC](https://chiahpa.be/t/1937-e/736/5 "2021-02-06T11:58:52Z")
Hoān-sè ū koan-hē? [廖得家系（第二代）一覽表](http://www.laijohn.com/archives/pc/Liau/Liau,Tit/family/Chhoa.htm) ---
**Author:** ![hkter](https://chiahpa.be/user_avatar/chiahpa.be/hkter/32/464_2.png) [@hkter](https://chiahpa.be/u/hkter)\ **Post date:** [2021 二月 6 12:21 UTC](https://chiahpa.be/t/1937-e/736/6 "2021-02-06T12:21:55Z")
血類需肝乳， 濁聲sī m̄ sī 癆傷？ ---
**Author:** ![hkter](https://chiahpa.be/user_avatar/chiahpa.be/hkter/32/464_2.png) [@hkter](https://chiahpa.be/u/hkter)\ **Post date:** [2021 二月 6 12:28 UTC](https://chiahpa.be/t/1937-e/736/7 "2021-02-06T12:28:18Z")
To-siā kài-siāu, ū o̍h tio̍h. ---
**Author:** ![kángTo͘](https://chiahpa.be/user_avatar/chiahpa.be/k%C3%A1ngto%CD%98/32/70_2.png) [@kángTo͘](https://chiahpa.be/u/k%C3%A1ngTo%CD%98)\ **Post date:** [2021 二月 9 00:53 UTC](https://chiahpa.be/t/1937-e/736/8 "2021-02-09T00:53:56Z")
Chin ló͘-la̍t, èng-kai sī, nā lô-siang èng-kai to̍h sī hì-lô (結核病) kám-siā chí-chèng! > **[ChhoeTaigi 找台語](https://chhoe.taigi.info/search?method=basic&searchMethod=equals&spelling=l%C3%B4-siang&spellingMethod=poj_unicode)** > > Siōng好用ê台語辭典網站kap手機仔app！