# Gōa-gí lâng-miâ, tē-hō-miâ, sū-bu̍t miâ tio̍h ēng khi-jī (chhiâ-jī)? #phiauchún #POJ **URL:** \ **Category:** 台語文 Tâi-gí-bûn\ **Created:** [2024 二月 15 17:32 UTC](https://chiahpa.be/t/goa-gi-lang-mia-te-ho-mia-su-bu-t-mia-tio-h-eng-khi-ji-chhia-ji-phiauchun-poj/1515 "2024-02-15T17:32:24Z")\ **Posts on this page:** 8\ **Page:** 1
**Author:** ![Thiⁿ](https://chiahpa.be/letter_avatar_proxy/v4/letter/t/bcef8e/32.png) [@Thiⁿ](https://chiahpa.be/u/Thi%E2%81%BF)\ **Post date:** [2024 二月 15 17:32 UTC](https://chiahpa.be/t/goa-gi-lang-mia-te-ho-mia-su-bu-t-mia-tio-h-eng-khi-ji-chhia-ji-phiauchun-poj/1515/1 "2024-02-15T17:32:24Z")
Taⁿ nā gōa-gí Lô-má-jī phó͘-thong sû chhah tòa Lô-má-jī Tâi-bûn lāi-té ê sî, khah "chèng-keng" ê tù-chiá á-sī phian-chiá ē ēng khi-jī (ITALICS) á-sī tōa-pún jī lo̍h khì hun-pia̍t. Che kap Eng-gí, Se-pan-gâ-gí téng-téng ê si̍p-koàn it-tì. Chiàu góa siūⁿ, hām gōa-gí Lô-má-jī ê lâng-miâ, tē-hō-miâ, kap sū-bu̍t miâ mā èng-kai án-ne chhú-lí, sui-jiân Eng-gí bô án-ne chò. Thoân-thóng Tâi-bûn ke-kiám ū án-ne iōng (tōa-pún jī). M̄ chai ta̍k ê ê ì-kiàn siáⁿ khoán? ---
**Author:** ![Kongthui](https://chiahpa.be/user_avatar/chiahpa.be/kongthui/32/164_2.png) [@Kongthui](https://chiahpa.be/u/Kongthui)\ **Post date:** [2024 二月 22 07:28 UTC](https://chiahpa.be/t/goa-gi-lang-mia-te-ho-mia-su-bu-t-mia-tio-h-eng-khi-ji-chhia-ji-phiauchun-poj/1515/2 "2024-02-22T07:28:11Z")
Lâng-miâ lóng ū tōa-pún jī. Hiông-hiông tú-tio̍h tōa-pún jī, tō ū phiau-khì ê hāu-kó. M̄-bián koh siá khi-jī. ---
**Author:** ![ALiong\_CPB](https://chiahpa.be/user_avatar/chiahpa.be/aliong_cpb/32/1372_2.png) [@ALiong\_CPB](https://chiahpa.be/u/ALiong_CPB)\ **Post date:** [2024 二月 23 21:58 UTC](https://chiahpa.be/t/goa-gi-lang-mia-te-ho-mia-su-bu-t-mia-tio-h-eng-khi-ji-chhia-ji-phiauchun-poj/1515/3 "2024-02-23T21:58:39Z")
Chāi lâi ē kā gōa bûn ìn ho͘ chhiâ. M̄ koh, bô hoat tō͘ lông kàu chhiú siá ê kui kí góa sī kám kak bô pit iàu kiông chè. ---
**Author:** ![Thiⁿ](https://chiahpa.be/letter_avatar_proxy/v4/letter/t/bcef8e/32.png) [@Thiⁿ](https://chiahpa.be/u/Thi%E2%81%BF)\ **Post date:** [2024 二月 24 05:46 UTC](https://chiahpa.be/t/goa-gi-lang-mia-te-ho-mia-su-bu-t-mia-tio-h-eng-khi-ji-chhia-ji-phiauchun-poj/1515/4 "2024-02-24T05:46:43Z")
Nā chit kù, > Téng pái àn An Giang kòe ê sî, Mai, Lân--á kap Anne chhōa gún khì chia̍h tôm kho tộ kap bún bò. ... chin chē lâng kiaⁿ liáu tha̍k bē tín-tāng. Nā phó͘-thong sû ēng khi-jī, > Téng pái àn An Giang kòe ê sî, Mai, Lân--á kap Anne chhōa gún khì chia̍h _tôm kho tộ_ kap _bún bò._ ... èng-kai ē khah hó tha̍k. M̄-koh nā miâ mā ēng khi-jī, > Téng pái àn _An Giang_ kòe ê sî, _Mai,_ Lân--á kap _Anne_ chhōa gún khì chia̍h _tôm kho tộ_ kap _bún bò._ ... án-ne chiàu kóng siōng hó tha̍k. Tó 1 khoán siōng súi, siōng chheng-khì? Che ū khah chú-koan. Chāi góa khòaⁿ, tē 3 khoán siōng súi, siōng chheng-khì. Nā chún sè-kan Tâi-gí í-gōa kan-ta Au Bí gí-bûn kap Ji̍t-gí Lô-má chù-im, gōa-gí miâ èng-kai "bián" ēng khi-jī bô m̄ tio̍h. In-ūi khòaⁿ 0.1 bió to chai-iáⁿ bē sái ēng POJ ê lí-lō͘ lo̍h khì tha̍k. Éng-kòe Tâi-bûn ū tang-sî-á gōa-gí bô ēng khi-jī, ēng tōa-pún jī. Nā gia̍h pit teh siá ê sî, ēng tōa-pún jī hoān-sè khah si̍t-chāi. ---
**Author:** ![Thiⁿ](https://chiahpa.be/letter_avatar_proxy/v4/letter/t/bcef8e/32.png) [@Thiⁿ](https://chiahpa.be/u/Thi%E2%81%BF)\ **Post date:** [2024 二月 24 06:08 UTC](https://chiahpa.be/t/goa-gi-lang-mia-te-ho-mia-su-bu-t-mia-tio-h-eng-khi-ji-chhia-ji-phiauchun-poj/1515/5 "2024-02-24T06:08:42Z")
LĀI-GŌA KHO KHÀN-HŌ͘-HA̍K ê lē...... ![內外科 欺字 Tanpa Judul](https://chiahpa.be/uploads/default/original/2X/7/7f46cd51304d4ad3cf4f84173e89b49f6a06139e.jpeg) ![內外科 欺字 Tanpa Judul 2](https://chiahpa.be/uploads/default/original/2X/a/aec418e619fddfed57e0db53107d5e5310f2b0f7.jpeg) KÀU-HŌE PÒ, ēng tōa-pún jī...... ![教會報 大本字 欺字 1965 KHKP-0950_頁面_07](https://chiahpa.be/uploads/default/original/2X/e/eab4d6fda1b38fae8231778cee7f822de1dc20d5.png) ---
**Author:** ![Kongthui](https://chiahpa.be/user_avatar/chiahpa.be/kongthui/32/164_2.png) [@Kongthui](https://chiahpa.be/u/Kongthui)\ **Post date:** [2024 二月 24 22:40 UTC](https://chiahpa.be/t/goa-gi-lang-mia-te-ho-mia-su-bu-t-mia-tio-h-eng-khi-ji-chhia-ji-phiauchun-poj/1515/6 "2024-02-24T22:40:56Z")
Khi-jī teh tha̍k bē sū chhut tōa la̍t kā lí cheng. Choân tōa-pún jī koh khah tōa la̍t. Bô pit-iàu. Thâu-bûn-jī sī tōa-pún-jī tō í-keng chai-iáⁿ sī miâ. Miâ bô su-iàu lí-kái. Anne bē kan-taⁿ chhut-hiān chi̍t pái. Ta̍k-pái lóng kā lí cheng, chin kan-khó͘. Kāng-khoán hit-ê goân-chek: hó tha̍k khoài bêng-pe̍k. ---
**Author:** ![Thiⁿ](https://chiahpa.be/letter_avatar_proxy/v4/letter/t/bcef8e/32.png) [@Thiⁿ](https://chiahpa.be/u/Thi%E2%81%BF)\ **Post date:** [2024 二月 25 06:24 UTC](https://chiahpa.be/t/goa-gi-lang-mia-te-ho-mia-su-bu-t-mia-tio-h-eng-khi-ji-chhia-ji-phiauchun-poj/1515/7 "2024-02-25T06:24:01Z")
Nā chiàu Hó Tha̍k, Khoài Bêng-pe̍k, gōa-gí miâ tio̍h ài choán-ōaⁿ chò Pe̍h-ōe-jī, kám m̄ sī? Iā tio̍h sī chhan-chhiūⁿ Ji̍t-gí, Hân-gí, Thài-gí — gōa-gí miâ tio̍h ài lóng-chóng choán-ōaⁿ chò ka-kī ê jī. Lán tòe tha̍k-chheh-hōe, tú tio̍h Hoat-gí lâng-miâ, ta̍k pái lóng tio̍h khê 3, 4 bió, pau-hâm í-keng tú tio̍h kúi cha̍p pái--ê. (Tú tio̍h Oa̍t-lâm-gí lâng-miâ, tē-hō-miâ, hāu-kó hoān-sè koh khah kiaⁿ--lâng.) Ēng khi-jī, khah kóng mā bē koh khah chia̍h la̍t; khi-jī mā sī teh kā tho̍k-chiá thê-chhéⁿ kóng chit ê miâ m̄ bián ēng tha̍k POJ ê khùi-la̍t lo̍h khì tha̍k. M̄-koh nā chiàu Hó Tha̍k, Khoài Bêng-pe̍k, chia ê miâ choa̍t-tùi tio̍h ài choán-ōaⁿ chò POJ, kám m̄ sī? (Á chāi-lâi mā ke-kiám ū tù-chiá án-ne chò.) ---
**Author:** ![Thiⁿ](https://chiahpa.be/letter_avatar_proxy/v4/letter/t/bcef8e/32.png) [@Thiⁿ](https://chiahpa.be/u/Thi%E2%81%BF)\ **Post date:** [2024 二月 25 06:29 UTC](https://chiahpa.be/t/goa-gi-lang-mia-te-ho-mia-su-bu-t-mia-tio-h-eng-khi-ji-chhia-ji-phiauchun-poj/1515/8 "2024-02-25T06:29:23Z")
Ōaⁿ 1 ê kak-tō͘ lâi mn̄g, gōa-gí phó͘-thong sû ēng khi-jī (á-sī tōa-pún jī), gōa-gí miâ ēng phó͘-thong jī: Chāi-lâi kám ū chit tiâu iok-sok?