# Hûn-lîm-koān Goân-chióng-hiong ê chng-á-thâu

**URL:** <https://chiahpa.be/t/hun-lim-koan-goan-chiong-hiong-e-chng-a-thau/598>\
**Category:** 地方 Tē-hng\
**Created:** [2021 正月 20 16:05 UTC](https://chiahpa.be/t/hun-lim-koan-goan-chiong-hiong-e-chng-a-thau/598 "2021-01-20T16:05:14Z")\
**Posts on this page:** 6\
**Page:** 1

<div class="post-metadata">

**Author:** ![Tenbeens](https://chiahpa.be/user_avatar/chiahpa.be/tenbeens/32/251_2.png) [@Tenbeens](https://chiahpa.be/u/Tenbeens)\
**Post date:** [2021 正月 20 16:05 UTC](https://chiahpa.be/t/hun-lim-koan-goan-chiong-hiong-e-chng-a-thau/598/1 "2021-01-20T16:05:14Z")

</div>

![](https://i.imgur.com/ksp4Jek.png)

Chit tiuⁿ sī gún kò͘-hiong, Hûn-lîm-koān Goân-chióng-hiong, chit-jiah ê chng-á-thâu tē-tô͘. Kî-tiong chhiⁿ jī sī Ngô͘-tē Tōa-tang-chng (吳地大東庄) ê hoān-ûi, iā tiō sî góa só͘ tòa--ê chng-á-thâu; Nā âng jī tiō sī Ngô͘-tē Tōa-tang-chng í-gōa ê chng-á-thâu.

Sī kóng chòe chit tiuⁿ kan-na ēng góa chi̍t po͘ ê sî-kan niâ... Bêng-bêng góa sī tha̍k tē-lí-hē--ê, koh m̄ ēng khah choan-gia̍p ê nńg-thé lâi chòe, liân góa to kám-kak kóng ka-kī ū-iáⁿ su-iàu kiám-thó-chi̍t-ē... Hah--hah!

---

<div class="post-metadata">

**Author:** ![araiguma](https://chiahpa.be/user_avatar/chiahpa.be/araiguma/32/45_2.png) [@araiguma](https://chiahpa.be/u/araiguma)\
**Post date:** [2021 正月 21 04:06 UTC](https://chiahpa.be/t/hun-lim-koan-goan-chiong-hiong-e-chng-a-thau/598/2 "2021-01-21T04:06:02Z")

</div>

合和 hām 合東 ê im chiâⁿ te̍k-pia̍t!!

---

<div class="post-metadata">

**Author:** ![Tenbeens](https://chiahpa.be/user_avatar/chiahpa.be/tenbeens/32/251_2.png) [@Tenbeens](https://chiahpa.be/u/Tenbeens)\
**Post date:** [2021 正月 21 06:31 UTC](https://chiahpa.be/t/hun-lim-koan-goan-chiong-hiong-e-chng-a-thau/598/3 "2021-01-21T06:31:29Z")

</div>

Góa ū khì hian bûn-hiàn, lāi-bīn siá kóng Chheng-tāi sī siá-chòe _角婆_, in-ūi í-chá ū chi̍t ê hō-chòe Kak-pô (角婆) ê bîn-chiòng tòa tī hit-jiah, lâng lóng sa i ê miâ lâi chòe tē-hō-miâ. Āu-lâi Ji̍t-pún-lâng kā siá-hoat kái-chòe _合和_, tiō it-ti̍t ēng kàu chit-kú, m̄ koh tha̍k-hoat lóng bô piàn.

_合東_ hoān-sè sī Kok-bîn Chèng-hú lâi lán Tâi-oân liáu-āu chiah ū--ê tē-hō-miâ, ū khó-lêng sī in-ūi hit-jiah tī Kak-pô ê tang-lâm-pêng, chiah ē ū chit-hō tē-hō-miâ.

---

<div class="post-metadata">

**Author:** ![araiguma](https://chiahpa.be/user_avatar/chiahpa.be/araiguma/32/45_2.png) [@araiguma](https://chiahpa.be/u/araiguma)\
**Post date:** [2021 正月 21 07:23 UTC](https://chiahpa.be/t/hun-lim-koan-goan-chiong-hiong-e-chng-a-thau/598/4 "2021-01-21T07:23:38Z")

</div>

Chit ê kò͘-sū chiok chhù-bī!  
Kak-pô ê miâ to̍h án-ne liû-thoân kàu chit-má ā. 🥰

---

<div class="post-metadata">

**Author:** ![Theo](https://chiahpa.be/user_avatar/chiahpa.be/theo/32/541_2.png) [@Theo](https://chiahpa.be/u/Theo)\
**Post date:** [2021 正月 22 02:56 UTC](https://chiahpa.be/t/hun-lim-koan-goan-chiong-hiong-e-chng-a-thau/598/5 "2021-01-22T02:56:06Z")

</div>

Binchong hoan binchiong 民壯 還 民眾？

---

<div class="post-metadata">

**Author:** ![hkter](https://chiahpa.be/user_avatar/chiahpa.be/hkter/32/464_2.png) [@hkter](https://chiahpa.be/u/hkter)\
**Post date:** [2021 二月 3 11:25 UTC](https://chiahpa.be/t/hun-lim-koan-goan-chiong-hiong-e-chng-a-thau/598/6 "2021-02-03T11:25:53Z")

</div>

Kám-siā! Chin hó!  
合和 hām "kak-pô" nn̄g im oân-choân bô tī-tāi.  
M̄-koh Tâi-oân Pó-Tô͘ (台灣堡圖) khak-si̍t phiau chòe カッぼー

 ![Screenshot_2021-02-03-06-20-58-592_com.android.chrome](https://chiahpa.be/uploads/default/original/1X/9979b11745165d87407455ea6459176700a3bf9b.jpeg)
