# 敢有台語友善商店名單ia̍h-sī標章？ **URL:** \ **Category:** 日常 Ji̍t-siông\ **Created:** [2021 正月 6 05:02 UTC](https://chiahpa.be/t/ia-h-si/363 "2021-01-06T05:02:09Z")\ **Posts on this page:** 18\ **Page:** 1
**Author:** ![thooa0w0](https://chiahpa.be/user_avatar/chiahpa.be/thooa0w0/32/1179_2.png) [@thooa0w0](https://chiahpa.be/u/thooa0w0)\ **Post date:** [2021 正月 6 05:02 UTC](https://chiahpa.be/t/ia-h-si/363/1 "2021-01-06T05:02:09Z")
最近有一个「咖啡廳店員講台語，予頭家感覺sông-piah-piah 」ê新聞 ![Eq8_1gWVoAAOO4f](https://chiahpa.be/uploads/default/original/1X/edd52abb8cf887262d05005bcd5e995e6429ca62.jpeg) 予我想起前我一站仔做散工時，嘛會予同事禁講台語，人客koh會ná買ná棄嫌我講台語無標準，橫直台灣ê環境tùi台語真無友善，逐家心內lóng知影。 所以á，敢有人整理「台語友善商店」名單，ia̍h-sī有這種認證？ GOOGLE頂干焦揣tio̍h客語商店。雖罔有台語招呼店，m̄-koh𪜶無整理出一个好查詢的名單出來。 若是你知影佗位有台語友善商店歡迎你留tī答覆，逐家食好鬥相報～感恩(✿◡‿◡) * * * **我目前知影ê台語友善商店：** _台北：_ **永和時代鐘錶** > **[永和時代鐘錶](https://www.facebook.com/YHSD1974/)** > > 永和時代鐘錶. 7,163 likes · 4 talking about this. 在緊湊的生活步調裡 > 多久沒有停下腳步好好休息一下了呢 ? > 辛苦了這麼多年 > 是不是也該好好犒賞自己一下了呢 ? > 我們有最專業的錶款時尚的太陽眼鏡來找我們就對了 ! > 提供您親民的價格、專業的解說、完善的售後服務 > 另有鐘錶眼鏡維修中心，超過40年資歷的師傅值得您的信賴! > 歡迎有空來喝茶交朋友 ~... **心得：** Tī手錶界有名ê「綠茶店」，因為來永和時代鐘錶頭家tio̍h會請你啉綠茶，這間店ê價數ē-sái講全台灣上好，你google tio̍h知影這間店評價偌好。我頂擺去買錶時講台語，頭家娘真歡喜，𪜶嘛用台語回應。 _新竹：_ **強運米粉湯** ![2020-09-09-00-03-52-327](https://chiahpa.be/uploads/default/original/1X/6bf78bc2cb8c5ac2f7206dbfdb76ea425bddfe00.jpeg) [https://restaurant-93030.business.site/?utm\_source=gmb&utm\_medium=referral#summary](https://restaurant-93030.business.site/?utm_source=gmb&utm_medium=referral#summary) **心得：** 環境清氣，湯頭好啉，烏白切鮮koh甜 ---
**Author:** ![Romey911](https://chiahpa.be/user_avatar/chiahpa.be/romey911/32/195_2.png) [@Romey911](https://chiahpa.be/u/Romey911)\ **Post date:** [2021 正月 6 07:21 UTC](https://chiahpa.be/t/ia-h-si/363/2 "2021-01-06T07:21:41Z")
@thooa0w0 lí 好 🙂我有用google Map 來新開一ê「台語友善店」ê地圖。想講ta̍k-ê 會使做伙來編一ê台語友善店ê地圖，未來凡勢也有機會去利便著人。 😃原來有人teh收ah。 > Chìnchêng toh ūlâng teh siuchi̍p chénglí ah > [汝是咱ê寶貝：台湾話台湾人台湾國生活箍仔](https://drive.google.com/open?id=1fenStUXaLB0eULzubdYJz5wAaa6XeIXJ&usp=sharing) ---
**Author:** ![bisoat](https://chiahpa.be/user_avatar/chiahpa.be/bisoat/32/295_2.png) [@bisoat](https://chiahpa.be/u/bisoat)\ **Post date:** [2021 正月 6 07:38 UTC](https://chiahpa.be/t/ia-h-si/363/3 "2021-01-06T07:38:46Z")
Tī佇 ū有 miâ-toaⁿ名單 chhut--lâi出來 í-chêng以前, góa我 kám-kak感覺 ē-sái會使 lóng攏 chhì試 khòaⁿ-māi看覓. Bīn-phôe面皮 khah較 kāu厚 leh咧. Hûiⁿ-ti̍t橫直 ke̍k-ke極加 tō就 sī是 hông chhiò笑, bē袂 kiám減 chi̍t一 teh塊 bah肉. Góa我 tī佇 Tâi-pak台北 siōng-pan上班 ê的 sî時, lóng攏 kah佮 bē賣 pn̄g飯 ê的 thâu-ke-niû頭家娘 kóng講 Tâi-gí台語, kiat-kó結果 i伊 tiāⁿ-tiāⁿ定定 ke加 hō͘予 góa我 chiok足 chē濟 liāu料. Kui-ē規个 lâng人 lóng攏 hō͘予 i伊 chhī飼 tōa大 kho͘箍 XD góa我 tī佇 lâm-pō͘南部 tō就 m̄毋 bat捌 hoân-ló煩惱 chit這 chióng種 tāi-chì代誌... ---
**Author:** ![TiâuÛiLâu](https://chiahpa.be/user_avatar/chiahpa.be/ti%C3%A2u%C3%BBil%C3%A2u/32/338_2.png) [@TiâuÛiLâu](https://chiahpa.be/u/Ti%C3%A2u%C3%9BiL%C3%A2u)\ **Post date:** [2021 正月 6 07:51 UTC](https://chiahpa.be/t/ia-h-si/363/4 "2021-01-06T07:51:31Z")
Chìnchêng toh ūlâng teh siuchi̍p chénglí ah [汝是咱ê寶貝：台湾話台湾人台湾國生活箍仔](https://drive.google.com/open?id=1fenStUXaLB0eULzubdYJz5wAaa6XeIXJ&usp=sharing) ---
**Author:** ![Hêbí](https://chiahpa.be/user_avatar/chiahpa.be/h%C3%AAb%C3%AD/32/34_2.png) [@Hêbí](https://chiahpa.be/u/H%C3%AAb%C3%AD)\ **Post date:** [2021 正月 6 11:17 UTC](https://chiahpa.be/t/ia-h-si/363/5 "2021-01-06T11:17:43Z")
Góa lâi chhòng 1-ê hō͘ lâng ka-tī ìn--ê chhì khòaⁿ-māi. Tiōng-tiám sī ài ū lâng chhui-sak. Che khah hùi-khì.. ---
**Author:** ![1115](https://chiahpa.be/user_avatar/chiahpa.be/1115/32/208_2.png) [@1115](https://chiahpa.be/u/1115)\ **Post date:** [2021 正月 6 13:01 UTC](https://chiahpa.be/t/ia-h-si/363/6 "2021-01-06T13:01:57Z")
> **[沐-大人味 手作布丁 プリン](https://www.facebook.com/MokuPudding/)** > > 沐-大人味 手作布丁 プリン, 台中市. 488 likes · 113 talking about this · 119 were here. ◆門市： > 台中市北區中華西街97、101號之間的巷子裡 > ◇訂單與匯款請在當日21：30前完成 > ◆確認匯款完成後，才會保留製作喔 > ◇交貨時口罩請確實配戴，防疫人人有責 ---
**Author:** ![thooa0w0](https://chiahpa.be/user_avatar/chiahpa.be/thooa0w0/32/1179_2.png) [@thooa0w0](https://chiahpa.be/u/thooa0w0)\ **Post date:** [2021 正月 8 10:40 UTC](https://chiahpa.be/t/ia-h-si/363/7 "2021-01-08T10:40:37Z")
Kám-siā hun-hiáng 💕💕💕 ---
**Author:** ![thooa0w0](https://chiahpa.be/user_avatar/chiahpa.be/thooa0w0/32/1179_2.png) [@thooa0w0](https://chiahpa.be/u/thooa0w0)\ **Post date:** [2021 正月 8 10:44 UTC](https://chiahpa.be/t/ia-h-si/363/8 "2021-01-08T10:44:45Z")
Liáu-kái, góa sī siūⁿ nā-sī chhit-thô sî ē-sái chò chham-khó, ke kā chiah ê tiàm-ke chi-chhî. Góa mā kám-kak ū-sî-chūn kóng Tâi-gí khah ū iu-tāi ψ(｀∇´)ψ ---
**Author:** ![thooa0w0](https://chiahpa.be/user_avatar/chiahpa.be/thooa0w0/32/1179_2.png) [@thooa0w0](https://chiahpa.be/u/thooa0w0)\ **Post date:** [2021 正月 8 10:45 UTC](https://chiahpa.be/t/ia-h-si/363/9 "2021-01-08T10:45:36Z")
Chìn chàn, kám-siā lí ê tap-hok ---
**Author:** ![thooa0w0](https://chiahpa.be/user_avatar/chiahpa.be/thooa0w0/32/1179_2.png) [@thooa0w0](https://chiahpa.be/u/thooa0w0)\ **Post date:** [2021 正月 8 10:46 UTC](https://chiahpa.be/t/ia-h-si/363/10 "2021-01-08T10:46:08Z")
Khòaⁿ-khí-lâi chìn hó-chia̍h( •̀ ω •́ )✧ ---
**Author:** ![Dora333](https://chiahpa.be/user_avatar/chiahpa.be/dora333/32/385_2.png) [@Dora333](https://chiahpa.be/u/Dora333)\ **Post date:** [2021 正月 10 15:40 UTC](https://chiahpa.be/t/ia-h-si/363/11 "2021-01-10T15:40:28Z")
我感覺你拍的字排版足特殊的，是家己同時拍漢字佮羅馬字是毋？ ---
**Author:** ![bisoat](https://chiahpa.be/user_avatar/chiahpa.be/bisoat/32/295_2.png) [@bisoat](https://chiahpa.be/u/bisoat)\ **Post date:** [2021 正月 10 15:53 UTC](https://chiahpa.be/t/ia-h-si/363/12 "2021-01-10T15:53:30Z")
> [@新功能：Ruby字](https://chiahpa.be/t/ruby/92): > > 好、來！台語漢字有冬tang時仔無簡單。用女米lú-bihtō解決唖·a！ 打phah： {女米|lú-bih} ↓ 顯示：女米lú-bih 信望愛打字法 那用Windows个信望愛打字法、閣恰簡單。先点設定： [image] 閣揀「卜打Ruby」个模式、寫 {%1|%2} 按呢： [image] 那卜甲漢字藏起去高頂、換做 {%2|%1}。 市OK！ Hó好、lán咱 lâi來 phah打 chi̍t一 kóa卦 Ruby khòaⁿ看 māi覓！ (To-siā多謝 @hansioux thê-chhéⁿ提醒 ū有 chit只 ê个 kong-lêng功能。) Choan-bûn專門 teh塊 chò做 Tâi-gí台語 ê个 pêⁿ-tâi平台、hoān-sè凡世 ū有 chi̍t-kóa一卦 hó-chhù好處！ 這篇有教ôh! ---
**Author:** ![Tiat-ûi](https://chiahpa.be/user_avatar/chiahpa.be/tiat-%C3%BBi/32/481_2.png) [@Tiat-ûi](https://chiahpa.be/u/Tiat-%C3%BBi)\ **Post date:** [2021 正月 11 00:55 UTC](https://chiahpa.be/t/ia-h-si/363/13 "2021-01-11T00:55:22Z")
台語無「嗎」😉 「敢是家己同時拍漢字佮羅馬字」按呢khah好喔！ ---
**Author:** ![Dora333](https://chiahpa.be/user_avatar/chiahpa.be/dora333/32/385_2.png) [@Dora333](https://chiahpa.be/u/Dora333)\ **Post date:** [2021 正月 11 15:19 UTC](https://chiahpa.be/t/ia-h-si/363/14 "2021-01-11T15:19:20Z")
著乎！一時袂記得，多謝指點 ---
**Author:** ![Tiat-ûi](https://chiahpa.be/user_avatar/chiahpa.be/tiat-%C3%BBi/32/481_2.png) [@Tiat-ûi](https://chiahpa.be/u/Tiat-%C3%BBi)\ **Post date:** [2021 正月 24 14:20 UTC](https://chiahpa.be/t/ia-h-si/363/15 "2021-01-24T14:20:06Z")
Tī 台大 hù-kīn ê 雪可屋ka-pi-thiaⁿ,thiaⁿ tio̍h thâu-ke kah in kiáⁿ leh khai-káng sī kóng Tâi-gí(in kiáⁿ khoàⁿ--khí-lâi beh 10-hòe). Chiok hán-tit tī 台北 thiaⁿ tio̍h gín-á kóng Tâi-gí.🥺 M̄-koh he ê gín-á sī tùi lāu-pē kóng Tâi-gí,tùi lāu-bú kóng Hôa-gí. 雪可屋 106台北市大安區溫州街86號 02 2367 3036 [https://goo.gl/maps/3osQsTYp9ExrgPKP8](https://goo.gl/maps/3osQsTYp9ExrgPKP8) ---
**Author:** ![Hêbí](https://chiahpa.be/user_avatar/chiahpa.be/h%C3%AAb%C3%AD/32/34_2.png) [@Hêbí](https://chiahpa.be/u/H%C3%AAb%C3%AD)\ **Post date:** [2021 二月 3 11:01 UTC](https://chiahpa.be/t/ia-h-si/363/16 "2021-02-03T11:01:15Z")
Góa the̍h chèng-hú--ê lâi kái, án-ne khó-lêng khah ū ōe-tê. ![語言標示貼紙-台灣話版](https://chiahpa.be/uploads/default/original/1X/b528db0e4e616ee8860784a70aeffa165a5f2ba5.jpeg) Tóng-àn tī chia: > **[語言標示貼紙-台灣話版 - Google Drive](https://drive.google.com/drive/folders/1X2OGUDeJYbj9i6ftSlGojjcUoqaCUZJ-?usp=sharing)** ---
**Author:** ![aióng](https://chiahpa.be/user_avatar/chiahpa.be/ai%C3%B3ng/32/17_2.png) [@aióng](https://chiahpa.be/u/ai%C3%B3ng)\ **Post date:** [2021 二月 3 11:13 UTC](https://chiahpa.be/t/ia-h-si/363/17 "2021-02-03T11:13:07Z")
Khòaⁿ khiài sī beh kóng: Kóng Tâi-oân-ōe ê lóng sī ti??? 🤣🤣🤣 ---
**Author:** ![Hêbí](https://chiahpa.be/user_avatar/chiahpa.be/h%C3%AAb%C3%AD/32/34_2.png) [@Hêbí](https://chiahpa.be/u/H%C3%AAb%C3%AD)\ **Post date:** [2021 二月 3 11:19 UTC](https://chiahpa.be/t/ia-h-si/363/18 "2021-02-03T11:19:10Z")
Che tah-chóa sī kóng Tâi-oân-ti khah hó, èng-kai khah bē siūⁿ khì hū-bīn--ê lah... 😹