# Kok-kéng ê E-mi-liah

**URL:** <https://chiahpa.be/t/kok-keng-e-e-mi-liah/452>\
**Category:** 戲園 Hì-hn̂g\
**Tags:** 讀册心得\
**Created:** [2021 正月 13 15:23 UTC](https://chiahpa.be/t/kok-keng-e-e-mi-liah/452 "2021-01-13T15:23:21Z")\
**Posts on this page:** 4\
**Page:** 1

<div class="post-metadata">

**Author:** ![Athim](https://chiahpa.be/user_avatar/chiahpa.be/athim/32/226_2.png) [@Athim](https://chiahpa.be/u/Athim)\
**Post date:** [2021 正月 13 15:23 UTC](https://chiahpa.be/t/kok-keng-e-e-mi-liah/452/1 "2021-01-13T15:23:21Z")

</div>

Pài-jī khì chheh-tiàm bé sin ang-á-chheh.  
Chit pún hō-chò "Kok-kéng ê E-mi-liah", che sī chit ê pêng-hêng sè-kài ê kò͘-sū.

 ![](https://upload.cc/i1/2021/01/13/rETZvN.jpg)  
Kò͘-sū pōe-kéng sī án-ne:  
Bīn-tùi Bêng-kun hoat-piáu ê Khai-lô soan-giân, Pho͘-chu-than soan-giân, Ji̍t-pún koat-tēng sio-chiàn kàu-té, Bêng-kun hoat-tōng O͘-lim-phek chok-chiàn kah Ông-koan chok-chiàn, Jı̍t-pún tī 1946 nî 1 goe̍h tâu-hâng, Jı̍t-pún hō͘ Bí-kok kah So͘-liân hun-koah chiàm-niá, kui ê Jı̍t-pún ūi Tang-kiaⁿ hun chò nn̄g ê kok-ka, sai-pêng sī Jı̍t-pún(Sai Jı̍t-pún), tang-pêng sī Jı̍t-pún jîn-bîn kiōng-hô-kok(Tang Jı̍t-pún).  
 ![](https://upload.cc/i1/2021/01/13/40g8ZY.jpeg)  
Tang Jı̍t-pún ūi-tio̍h phiah-bián jîn-bîn cháu--khì tio̍h tī kok-kéng khí âng-mn̂g-thô͘ ê piah.

Sî-kan lâi-kàu 1962 nî lán ê chū-kak E-mi-liah tī Cha̍p-goe̍h kek-bēng chhia-thâu(Ueno chhia-thâu) ê chhan-thiaⁿ thàn-chia̍h, m̄-koh i chin-chiàⁿ ê khang-khòe sī pang-chān siūⁿ-beh khì se Tang-kiaⁿ ê lâng thau-tō͘.

Chit-ê chok-phín chit-má iáu-bô Chi-ná-gí-pán a̍h-sī Tâi-gí-pán, hi-bāng Tâi-oân-lâng chin kín mā thak ē tio̍h.

---

<div class="post-metadata">

**Author:** ![araiguma](https://chiahpa.be/user_avatar/chiahpa.be/araiguma/32/45_2.png) [@araiguma](https://chiahpa.be/u/araiguma)\
**Post date:** [2021 正月 14 02:14 UTC](https://chiahpa.be/t/kok-keng-e-e-mi-liah/452/2 "2021-01-14T02:14:18Z")

</div>

Óa, chit ê chú-tê chiâⁿ sim-sek. Bē-su kā Ji̍t-pún hun chò Tang-tek kah Se-tek.

Góa chhōe tio̍h bāng-lō͘ téng-koân ū tē 1 chi̍p, ē-hiáu Ji̍t-gí ê lâng ē-tàng bóng khòaⁿ.

> **[国境のエミーリャ　１ | 池田邦彦 津久田重吾 | 【試し読みあり】](https://comics.shogakukan.co.jp/book?isbn=9784098500277)**
>
> 【試し読みあり】「国境のエミーリャ　１」の公式コミックス情報をチェック！ 鉄道漫画の旗手・池田邦彦が挑む新境地！！ 『カレチ』『甲組の徹』『グランドステーション』など、数多くの鉄道漫画を生み出してきた池田邦彦が新たに挑むのは「仮想戦後活…

---

<div class="post-metadata">

**Author:** ![lesautres](https://chiahpa.be/user_avatar/chiahpa.be/lesautres/32/54_2.png) [@lesautres](https://chiahpa.be/u/lesautres)\
**Post date:** [2021 正月 14 13:44 UTC](https://chiahpa.be/t/kok-keng-e-e-mi-liah/452/3 "2021-01-14T13:44:16Z")

</div>

> [@araiguma](#):
>
> Bē-su kā Ji̍t-pún hun chò Tang-tek kah Se-tek.

Ū piah lâi phiah-bián jîn-bîn thau-cháu, mā sī chi̍t-tōa-tui lâng chhiúⁿ thau-tō͘, kin-pún to̍h-sī chiàn-āu ê Berlin/beh-lín/ XD M̄-koh tong-sî Sai-Berlin sī khah sêng chi̍t ê ko͘-tó, hō͘ Tang-Tek ûi tī lāi-té.

---

<div class="post-metadata">

**Author:** ![Athim](https://chiahpa.be/user_avatar/chiahpa.be/athim/32/226_2.png) [@Athim](https://chiahpa.be/u/Athim)\
**Post date:** [2021 正月 14 17:16 UTC](https://chiahpa.be/t/kok-keng-e-e-mi-liah/452/4 "2021-01-14T17:16:09Z")

</div>

Góa ē-kì-tit ná-chhiūⁿ ū chı̍t chhut iáⁿ-phìⁿ sī kóng So͘-liân hong-só se Berlin, Bêng-kun sái hoe-lêng-ki sàng bu̍t-chu, m̄-koh góa bē-kì--tit he kiò siáⁿ miâ--ah.
