Lí kám ē sái khòaⁿ chi̍t ē lí ê "TaigiUser.cin" tóng-àn tī tó chi̍t ê chu-liāu folder?
1 Likes
Teh kóng góa ê tiān-náu a̍h sī chhiú-ki-á?
2 Likes
To-siā. Góa kóng chèng-keng ·ê. Góa ~5 nî chêng kàu chit-má it-ti̍t bô hoat-tō͘ ēng Sìn-bōng-ài ê chū-tēng sû-khò͘. Góa tú chiah kúi tiám cheng it-ti̍t chhōe tó ūi chhut būn-tê. Kiat-kó sī lēng-gōa hit tè nńg-thé ū chhiong-tu̍t. Góa hit tè thâi tiāu liáu āu chiong-î ē sái ēng. Kàn.
2 Likes
Chin hoaⁿ-hí ē-sái kā lí tàu-saⁿ-kāng,...... gō͘ nî ū kàu kú--ê. 
Án-ne góa kā tô͘ the̍h tiāu ŏ͘, ē-sái--ah hoⁿh?
2 Likes
Góa chit-má ē sái ēng SBA ê chū-tēng sû-khò͘, pài-6 lâi chéng-lí góa teh phah ê chāi-lâi jī hō͘ ta̍k-ke sú-iōng. Án-ne SBA tō piàn-chò siāng hó ê phah-jī-hoat!
3 Likes
Lâi chhì khòaⁿ-māi
2 Likes
Góa āu lâi hoat-hiān FHL ū chi̍t ê BUG, tō sī i it-tēng ài ū notepad.exe chiah ē ēng ·tit. Góa chá tō kā notepad thâi tiāu ·a, só͘-í it-ti̍t lóng m̄ chai sī án-chóaⁿ góa bô hoat-tō͘ phian-chhip hia ê sû-khò͘. Góa koh kā notepad an-chong ·khiài tō kái-koat ·a!
2 Likes
Góa mā lâi chhì khòaⁿ-māi!
Siat-tēng liáu, Iōng sìn-bōng-ài phah ū-kàu kín, chán ŏ͘ !
4 Likes
chhiáⁿ-mn̄g Ruby jī án-chóaⁿ phah ？
4 Likes
{Lí|你} {nā-sī|若是} {ēng|用} {tiān-náu|電腦} {sìn-bōng-ài|信望愛} {su-ji̍p-hoat|輸入法}, {ài|愛} {khì|去} {siat-tēng|設定} {lāi-té|內底}
{kā|共} {beh|卜} {phah|拍} {RUBY|汝米} {jī|字} {giauh|撓} {khí-lâi|起來}
{Koh-lâi|閣來}, {kā|共} {pún-té|本底} {ê|个} {bô͘-pán|模板} {kái-chò|改做} {%2|%1}
{Án-ne|按呢} {to̍h|著} {ē|會} {cháu|走} {chhut-lâi|出來} {ā|也}！
{Iōng|用} {tiān-náu|電腦} {phah-jī|拍字} {ê|个} {ōe-bīn|畫面} {seⁿ-chò|生做} {án-ne|按呢} 
5 Likes
Che teh phah to̍h ū iáⁿ kài kín, ē-sái khòaⁿ sim-chêng lâi sú-iōng, m̄-koh ài chim-chiok kéngjī, nā-bô ēcháu chit-tui koài-koài ê hàn-jī chhut-lâi, choân-lô góa to̍h lóng bô sáⁿ leh kéng, im nā tio̍h to̍h chún kòe.
4 Likes
Būn-tê tō chhut tī chia.. SBA khiàm chiok chē chāi-lâi jī...
3 Likes
Tú-chiah chhì kòe, nā iōng kí-sūpún ka-thiam êchāi-lâi hàn-jī, bô hoat tō͘ chū-tōng 女米, ài sûn chhiú-kang.
3 Likes
{chin|真} {to-siā|多謝} {lín|恁} {tāi-ke|大家} {chin-chán|真贊}
4 Likes
%2 to̍h che, lí 1 kah 2 ê ūi sio-ōaⁿ to̍h ē-sái.
sìn-bōng-ài ê siat-tēng hia.
Chi̍t-chióng sī hàn-jī tī téng-koân chi̍t-chióng sī lô jī tī téng-koân
2 Likes
Tī chia ài siá án-ne: {ē bīn|téng bīn}. Sìn-bōng-ài ê:
-
%1= Hàn-jī -
%2= Lô-jī.
Án-ne phah-jī-hoat ài siat-tēng (ti̍t-chiap khó͘-pih che tō ē sái ·tit):
{%2|%1}
3 Likes
Bô͘-pán chhiūⁿ ↑ án-ne to̍h-sī Hàn-jī tī téng-bīn.
Nā-beh pe̍h-ōe-jī tī téng-bīn, kā kài chò {%1|%2} tiō ē-ēng-chit.
3 Likes
Góa mā chhiú-kang kho-pih-tah. XDD
3 Likes
chin to-siā lín tāi-ke chin-chán
2 Likes
Hián-sī ê mi̍h-kiāⁿ chin pháiⁿ copy,thâu-bóe ē làu-kau khì,án-chóaⁿ copy chiah ē oân-chéng
1 Likes