# Ta̍k-ke kám-ū khòaⁿ kòe lo̍k-á kah iûⁿ-á ê ba̍k-chiu? **URL:** \ **Category:** 日常 Ji̍t-siông\ **Created:** [2021 正月 10 14:20 UTC](https://chiahpa.be/t/ta-k-ke-kam-u-khoa-koe-lo-k-a-kah-iu-a-e-ba-k-chiu/417 "2021-01-10T14:20:35Z")\ **Posts on this page:** 13\ **Page:** 1
**Author:** ![miau715](https://chiahpa.be/user_avatar/chiahpa.be/miau715/32/20_2.png) [@miau715](https://chiahpa.be/u/miau715)\ **Post date:** [2021 正月 10 14:20 UTC](https://chiahpa.be/t/ta-k-ke-kam-u-khoa-koe-lo-k-a-kah-iu-a-e-ba-k-chiu/417/1 "2021-01-10T14:20:36Z")
Kin-á-ji̍t kah pêng-iú kóng tio̍h lo̍k-á ê ba̍k-chiu kah iûⁿ-á chin sêng, ba̍k-khang lóng sī hoâiⁿ--ê tn̂g sì-kak-hêng, chí-sī lo̍k-á ê ba̍k-chiu-jîn khah chhim-sek, bô iûⁿ-á hia bêng-hián. Pêng-iú: "Siáⁿ-mih! Góa it-ti̍t kiò-sī iûⁿ-á ê ba̍k-chiu khòaⁿ khí-lâi án-ne sī in ba̍k-chiu bî-bî--neh!!!" Góa: "Lí ná-ē bô kám-kak in bî ū-káu kú kán-ná bî chi̍t-sì-lâng?" Ū-kàu hàm 😑 M̄ chai-iáⁿ ta̍k-ke kám-ū khòaⁿ-kòe lo̍k-á kah iûⁿ-á ê ba̍k-chiu? lâi tah chi̍t tiuⁿ google lâi ê lo̍k-á: ![image](https://chiahpa.be/uploads/default/original/1X/815a35dff62689f4d32c8134216501e5f30933d5.jpeg) ---
**Author:** ![lesautres](https://chiahpa.be/user_avatar/chiahpa.be/lesautres/32/54_2.png) [@lesautres](https://chiahpa.be/u/lesautres)\ **Post date:** [2021 正月 10 14:34 UTC](https://chiahpa.be/t/ta-k-ke-kam-u-khoa-koe-lo-k-a-kah-iu-a-e-ba-k-chiu/417/2 "2021-01-10T14:34:49Z")
Góa mā thâu-chi̍t-pái chai, chìn-chêng mā kah lí pêng-iú kāng-khoán 🙈 ---
**Author:** ![aióng](https://chiahpa.be/user_avatar/chiahpa.be/ai%C3%B3ng/32/17_2.png) [@aióng](https://chiahpa.be/u/ai%C3%B3ng)\ **Post date:** [2021 正月 10 15:03 UTC](https://chiahpa.be/t/ta-k-ke-kam-u-khoa-koe-lo-k-a-kah-iu-a-e-ba-k-chiu/417/3 "2021-01-10T15:03:15Z")
Góa mā m̄ bat thiaⁿ ·ne. @miau715 sī án-ná ē ián-hòa pìⁿ chò tn̂g 4-kak ê ba̍k-chiu? Kám sī piⁿ-·a khòaⁿ khah khoah ê kak-tō͘ ? ---
**Author:** ![kángTo͘](https://chiahpa.be/user_avatar/chiahpa.be/k%C3%A1ngto%CD%98/32/70_2.png) [@kángTo͘](https://chiahpa.be/u/k%C3%A1ngTo%CD%98)\ **Post date:** [2021 正月 10 15:16 UTC](https://chiahpa.be/t/ta-k-ke-kam-u-khoa-koe-lo-k-a-kah-iu-a-e-ba-k-chiu/417/4 "2021-01-10T15:16:06Z")
> [@miau715](#): > > "Lí ná-ē bô kám-kak in bî ū-káu kú kán-ná bî chi̍t-sì-lâng?" Ē hō͘ lí chi̍t kù chhiò--sí! 🤣 🤣 🤣 Sī kóng kám-ū hit-chióng ba̍k-chiu khang sī ti̍t--ê? Ū hoⁿh, niau-á tio̍h bô? ---
**Author:** ![miau715](https://chiahpa.be/user_avatar/chiahpa.be/miau715/32/20_2.png) [@miau715](https://chiahpa.be/u/miau715)\ **Post date:** [2021 正月 10 15:18 UTC](https://chiahpa.be/t/ta-k-ke-kam-u-khoa-koe-lo-k-a-kah-iu-a-e-ba-k-chiu/417/5 "2021-01-10T15:18:38Z")
Tio̍h-ah! Hoâiⁿ--ê ba̍k-khang ē-tàng khòaⁿ khah khoah, chhōe tio̍h chi̍t tiuⁿ tô͘ ōe chhut bé-á ê sī-iá chin-chiàⁿ ū-kàu khoa: ![image](https://chiahpa.be/uploads/default/original/1X/add03020066c6a2199270c9125674ccd506beb49.png) Án-ne ē-tàng khòaⁿ-tio̍h ùi piⁿ-á, āu-piah lâi ê ui-hia̍p, khah an-choân. Chia̍h chháu ê khah chē chit-khoán hoâiⁿ ba̍k-khang. Chhiūⁿ niau-á hit-khoán tit--ê ba̍k-khang khòaⁿ khah e̍h, m̄-koh ē-tàng khòaⁿ chhut kah la̍h-bu̍t chi-kan ê kū-lî. Chia̍h bah ê khah chē tit ba̍k-khang~ ---
**Author:** ![kángTo͘](https://chiahpa.be/user_avatar/chiahpa.be/k%C3%A1ngto%CD%98/32/70_2.png) [@kángTo͘](https://chiahpa.be/u/k%C3%A1ngTo%CD%98)\ **Post date:** [2021 正月 10 15:25 UTC](https://chiahpa.be/t/ta-k-ke-kam-u-khoa-koe-lo-k-a-kah-iu-a-e-ba-k-chiu/417/6 "2021-01-10T15:25:36Z")
Kî-si̍t chiah chhù-bī--ê ōe-tê, ē-sái khǹg (pho͘) khì ji̍t-siông ā, kám-kak chin-chiàⁿ bē-bái, 30 kang í-āu siau-sit si̍t-chāi sī bô chhái. ---
**Author:** ![miau715](https://chiahpa.be/user_avatar/chiahpa.be/miau715/32/20_2.png) [@miau715](https://chiahpa.be/u/miau715)\ **Post date:** [2021 正月 10 15:32 UTC](https://chiahpa.be/t/ta-k-ke-kam-u-khoa-koe-lo-k-a-kah-iu-a-e-ba-k-chiu/417/7 "2021-01-10T15:32:23Z")
Che to̍h-sī in-ūi m̄-sī ji̍t-siông chiah-ē ta̍k-ke lóng m̄-chai--ah 😅 ---
**Author:** ![kángTo͘](https://chiahpa.be/user_avatar/chiahpa.be/k%C3%A1ngto%CD%98/32/70_2.png) [@kángTo͘](https://chiahpa.be/u/k%C3%A1ngTo%CD%98)\ **Post date:** [2021 正月 10 15:35 UTC](https://chiahpa.be/t/ta-k-ke-kam-u-khoa-koe-lo-k-a-kah-iu-a-e-ba-k-chiu/417/8 "2021-01-10T15:35:16Z")
Ji̍t siông tiâⁿ: 逐家平安過日子！來閑話、開講、也是分享生活个代誌。 Êng-ōe khai-káng, che to̍h ū kàu tōa hoān-ûi ā. 😁 ---
**Author:** ![aióng](https://chiahpa.be/user_avatar/chiahpa.be/ai%C3%B3ng/32/17_2.png) [@aióng](https://chiahpa.be/u/ai%C3%B3ng)\ **Post date:** [2021 正月 10 15:38 UTC](https://chiahpa.be/t/ta-k-ke-kam-u-khoa-koe-lo-k-a-kah-iu-a-e-ba-k-chiu/417/9 "2021-01-10T15:38:45Z")
> [@miau715](#): > > Chia̍h bah ê khah chē tit ba̍k-khang~ Bo̍k-koài jîn-lūi ba̍k-khang ti̍t ti̍t ti̍t! 🥩 🍖 🥓🍗 🤣 ---
**Author:** ![aióng](https://chiahpa.be/user_avatar/chiahpa.be/ai%C3%B3ng/32/17_2.png) [@aióng](https://chiahpa.be/u/ai%C3%B3ng)\ **Post date:** [2021 正月 10 15:40 UTC](https://chiahpa.be/t/ta-k-ke-kam-u-khoa-koe-lo-k-a-kah-iu-a-e-ba-k-chiu/417/10 "2021-01-10T15:40:42Z")
> [@kángTo͘](#): > > ē-sái khǹg (pho͘) khì ji̍t-siông ā @miau715 góa kā chit,tiâu chhian kòe khì hó bô? ---
**Author:** ![miau715](https://chiahpa.be/user_avatar/chiahpa.be/miau715/32/20_2.png) [@miau715](https://chiahpa.be/u/miau715)\ **Post date:** [2021 正月 10 15:44 UTC](https://chiahpa.be/t/ta-k-ke-kam-u-khoa-koe-lo-k-a-kah-iu-a-e-ba-k-chiu/417/11 "2021-01-10T15:44:40Z")
Lí sī chia ê chú-chhî, nā-sī kám-kak ē-sái khǹg hia, góa tong-liân bô ì-kiàn--ah. Si̍t-chāi sī in-ūi kám-kak che chi̍t-tiám-á lóng bô ji̍t-siông chiah khǹg tī chia--ê 😅 ---
**Author:** ![aióng](https://chiahpa.be/user_avatar/chiahpa.be/ai%C3%B3ng/32/17_2.png) [@aióng](https://chiahpa.be/u/ai%C3%B3ng)\ **Post date:** [2021 正月 10 15:46 UTC](https://chiahpa.be/t/ta-k-ke-kam-u-khoa-koe-lo-k-a-kah-iu-a-e-ba-k-chiu/417/12 "2021-01-10T15:46:16Z")
Bô hia giâm ·la 🤣 ---
**Author:** ![araiguma](https://chiahpa.be/user_avatar/chiahpa.be/araiguma/32/45_2.png) [@araiguma](https://chiahpa.be/u/araiguma)\ **Post date:** [2021 正月 10 17:37 UTC](https://chiahpa.be/t/ta-k-ke-kam-u-khoa-koe-lo-k-a-kah-iu-a-e-ba-k-chiu/417/13 "2021-01-10T17:37:28Z")
Chin-chiàⁿ ū-kàu chhù-bī! Éng-chūn lóng m̄ bat chù-ì tio̍h che. Āu-pái khòaⁿ tōng-bu̍t pîn-tō ài chim-chiok khòaⁿ in ê ba̍k-chiu-jîn sī siáⁿ-mih hêng.