# Tâi-oân chhùi-chhiⁿ 台灣翠青

**URL:** <https://chiahpa.be/t/tai-oan-chhui-chhi/826>\
**Category:** 音樂 Im-ga̍k\
**Created:** [2021 二月 20 02:10 UTC](https://chiahpa.be/t/tai-oan-chhui-chhi/826 "2021-02-20T02:10:23Z")\
**Posts on this page:** 4\
**Page:** 1

<div class="post-metadata">

**Author:** ![png](https://chiahpa.be/letter_avatar_proxy/v4/letter/p/58f4c7/32.png) [@png](https://chiahpa.be/u/png)\
**Post date:** [2021 二月 20 02:10 UTC](https://chiahpa.be/t/tai-oan-chhui-chhi/826/1 "2021-02-20T02:10:23Z")

</div>

Tâi-oân chhùi-chhiⁿ, chit tè ū pe̍h-ōe-jī koa-sû. Tiúⁿ-ló kàu-hōe Tēⁿ Jî-gio̍k bo̍k-su chok sû, Siau Thài-jiân kok-pó chok khek.

Pe̍h-ōe-jī koa-sû ū chi̍t kù hām chhiùⁿ ê bô kâng, pe̍h-ōe-jī koa-sû siá "to̍k-li̍p taⁿ teh chhut-thâu-thiⁿ", chhiùⁿ sī chhiùⁿ "to̍k-li̍p kim chāi chhut-thâu-thiⁿ", pe̍h-ōe-jī koa-sû chit kù siá liáu khah pe̍h-ōe, góa leh chhiùⁿ, hoān-sè ē chiàu pe̍h-ōe-jī koa-sû lâi chhiùⁿ.

Koh ū chi̍t kù, pe̍h-ōe-jī koa-sû siá "Chá-chêng hō͘ gōa-pang thóng-tī", chhiùⁿ sī chhiùⁿ "Chá-chêng siū gōa-pang thóng-tī", góa ā sī kám-kak pe̍h-ōe-jī koa-sû chit kù siá liáu khah pe̍h-ōe, góa leh chhiùⁿ, hoān-sè ē chiàu pe̍h-ōe-jī koa-sû lâi chhiùⁿ.

[![](https://img.youtube.com/vi/uQNWwigiPU8/hqdefault.jpg "Tâi oân chhùi chhiⁿ 台灣翠青") ](https://www.youtube.com/watch?v=uQNWwigiPU8)

---

<div class="post-metadata">

**Author:** ![alan850627](https://chiahpa.be/user_avatar/chiahpa.be/alan850627/32/369_2.png) [@alan850627](https://chiahpa.be/u/alan850627)\
**Post date:** [2021 四月 28 07:37 UTC](https://chiahpa.be/t/tai-oan-chhui-chhi/826/2 "2021-04-28T07:37:50Z")

</div>

Kám-siā hun-hióng! Che góa ū te̍k-pia̍t gián-kiú kòe... Lí kóng--ê hit nn̄g-ê pe̍h-ōe-jī kah lo̍k-im bô-kāng-khoán ê só͘-chai tong-jiân sī ha̍p-chhiùⁿ-thoân chhiùⁿ m̄-tio̍h khì. Ùi 1995 nî kàu chit-má, ha̍p-chhiùⁿ-thoân khe̍h ê phó͘ lóng kan-na siá Hàn-jī, chhiùⁿ ê sî-chūn tiāⁿ-tiāⁿ chhiùⁿ m̄-tio̍h.

Góa chhōe chiok-kú khah chhōe tio̍h chit-ê chhiùⁿ liáu chèng-khak ê lo̍k-im (in-ūi 鄭兒玉 tī hiān-tiûⁿ--mah... chhiùⁿ m̄-tio̍h tō chhám--ah):

[![](https://img.youtube.com/vi/_Kt_vvuKfxc/hqdefault.jpg "福爾摩沙之聲 in 國家音樂廳 ( 2013.08.08 )") ](https://www.youtube.com/watch?v=_Kt_vvuKfxc&t=1182)

Lí kóng ê nn̄g-tiám í-gōa, kî-si̍t koh ū chi̍t-ūi: "Kiàn-kok taⁿ..." kah "To̍k-li̍p taⁿ..." ê chha-pia̍t. "To̍k-li̍p" sī kha kū--ê koa-sû, "Kiàn-kok" sī 鄭兒玉 kái--ê, khah chèng-khak.

Siau Thài-jiân chiok-chē Tâi-gí koa lóng ū kāng-khoán chit-chióng būn-tê (chhiūⁿ téng-koân chit-ê lo̍k-im tō kā "M̄-thang hiâm Tâi-oân" chhiùⁿ m̄-tio̍h 😅). Ū sî-kan góa siūⁿ-beh lâi ka i chéng-lí--chi̍t-ē...

---

<div class="post-metadata">

**Author:** ![Thiⁿ](https://chiahpa.be/letter_avatar_proxy/v4/letter/t/bcef8e/32.png) [@Thiⁿ](https://chiahpa.be/u/Thi%E2%81%BF)\
**Post date:** [2021 九月 20 13:19 UTC](https://chiahpa.be/t/tai-oan-chhui-chhi/826/3 "2021-09-20T13:19:04Z")

</div>

Pó-kùi ê chu-liāu kap hun-sek. Kám-siā.

---

<div class="post-metadata">

**Author:** ![chhoaniau](https://chiahpa.be/user_avatar/chiahpa.be/chhoaniau/32/158_2.png) [@chhoaniau](https://chiahpa.be/u/chhoaniau)\
**Post date:** [2021 九月 24 10:35 UTC](https://chiahpa.be/t/tai-oan-chhui-chhi/826/4 "2021-09-24T10:35:45Z")

</div>

M̄ bat pe̍h-ōe-jī ·ê tio̍h sī pāi tī chia.