Tē-tāng!

Chhău poàn-tiám-cheng chêng ū tē-tāng, ta̍k-ke kám ū kám-kak?

Góa bîn-bîn-á m̄ chai leh bāng sáⁿ, choăn hō͘ iô--chhéⁿ.
Chhéⁿ--khí-lâi koh kám-kak beh ùi phōe-khang chhut-lâi ē kôaⁿ, choăn tó--leh tán i iô soah. :crazy_face:

Kóng tio̍h tē-tāng, to̍h siūⁿ tio̍h góa chi̍t-ê a-tiūⁿ, ta̍k-pái tē-tāng i lóng ē peh--khí-lâi it-ti̍t ău-ău~~ án-ne kiò. Kóng sī in-ūi tē-gû-hoan-sin, só͘-í ài tòe i ău-ău kiò, i khah bē khok-khok-tāng. :joy:

M̄-koh gû sī mŏ͘-mŏ͘, m̄ sī ău-ău ah!!!! :rofl:

6 Likes

Lín a-tiūⁿ chin kó͘-chui neh XD
Sī-kóng che kám sī chiah ê tē-it phiⁿ tē-tāng-bûn?

5 Likes

Kài-sêng sī neh. Lé-pài chái-khí ta̍k-ke lóng koh leh khùn ê khoán. XD

2 Likes

Tú hó tī Tâi-lâm kòe mê, gún mā ū chhéⁿ ·khiài. Bô kài tōa, kúi bió iô soah.

4 Likes

Góa mā hō͘ tē-tāng iô-chhéⁿ, m̄-koh góa siūⁿ kóng bô iô chiok tōa, to̍h kè-sio̍k bih tī mî-chioh-phōe lāi té.

Lín a-tiūⁿ ū-kàu kó͘-chui😂
i ê tē-gû ê phín-chéng kah lâng lóng bô-kāng ê khoáⁿ ŏ, kiò ê siaⁿ chiâⁿ chhù-bī.

3 Likes

我完全無感覺w 7點外hit ê時陣我猶在睏,睏kah若像豬leh。wwww 921 mā 無辦法我搖起來。ww

2 Likes