# 台文 tī 中文 Wiki ê 紀錄（修補說明＆發現）

**URL:** <https://chiahpa.be/t/ti-wiki-e/1088>\
**Category:** 日常 Ji̍t-siông\
**Created:** [2021 六月 24 11:49 UTC](https://chiahpa.be/t/ti-wiki-e/1088 "2021-06-24T11:49:30Z")\
**Posts on this page:** 9\
**Page:** 1

<div class="post-metadata">

**Author:** ![Chùnsiâng](https://chiahpa.be/user_avatar/chiahpa.be/ch%C3%B9nsi%C3%A2ng/32/547_2.png) [@Chùnsiâng](https://chiahpa.be/u/Ch%C3%B9nsi%C3%A2ng)\
**Post date:** [2021 六月 24 11:49 UTC](https://chiahpa.be/t/ti-wiki-e/1088/1 "2021-06-24T11:49:30Z")

</div>

![chrome_2021-06-19_22-42-37](https://chiahpa.be/uploads/default/original/1X/7c8c44dec6662552564ef487f91c30b4e56c5764.png)

意外發現 Wiki 有人寫「台灣華語研究」，對這詞我是真無耐心，第一張是原本寫--ê，第二張我照《國家語言發展法》現狀改用詞＆補充詳細來講伊特色到底是「按怎來」，總講一句，殖民，若無台灣各族語伊會真緊乎正中国語同化

 ![chrome_2021-06-19_23-34-42](https://chiahpa.be/uploads/default/original/1X/c83a4c39a2a21eae77b85c3922f0170d0781b9fe.png)

論真有用這詞--ê 我目前看，有日本人開始用，其實日本今有觀光園區連寫台灣語導覽--ê，實際看是繁體中文不是台文，都知影真正會害，ah 日本啞是有出版袂少教真正台語 ê 教科書--lah

 ![2021-06-20_03-11-23](https://chiahpa.be/uploads/default/original/1X/9068338f62353b43f10aba57859988774b380054.png)

圖三是 wiki 寫「國語運動」內有特別講台灣--ê，thiàm--ah，先改一部份，愛有《國家語言發展法》概念，用詞無需要用「本土語言」，最近看著好笑--ê，「本國語文」＆「本土語文」對立，今《國家語言發展法》啞未完全落實咱是愛知影，對這篇是愛加補充台灣各族語是如何一路乎殖民 tī 紙本媒體、音樂、電影、電視受審查／查禁，中語是如何一路 tī 頂講--ê 全有特權

 ![chrome_2021-06-20_02-51-44](https://chiahpa.be/uploads/default/original/1X/d5639069801526ab13b5fc5b8752c137986b3315.png)

圖四是講中華民國國語，補充《國家語言發展法》概念＆相關歷史，名稱照文化部一月規劃 ê 標準，改寫講繼續用國語這詞會無精確，總--是這篇是講中國語--ê，只好先寫講內文用「國語」這詞若無特別說明，實際是指華語。

 ![chrome_2021-06-24_19-40-07](https://chiahpa.be/uploads/default/original/1X/8b0b957ed36d62d2e39f38c73caba18d0fbd3438.png)

圖五是「台語白話文」講「台文」ê Wiki，我去補充有關文化協會1920年代通過台語白話字普及化＆戰後1950年代有台灣省議員要求愛解禁台語白話字 ê 說明．．．

當然我知影我改--ê 是中文wiki，凡勢有人會惡意去改，橫直，精神成本有限，這不是主戰場，算是我偵察所做 ê 聲明（有白話字wiki，ah 伊是用 POJ 寫伊是閩南語--lah．．．）

---

<div class="post-metadata">

**Author:** ![iyumu](https://chiahpa.be/user_avatar/chiahpa.be/iyumu/32/317_2.png) [@iyumu](https://chiahpa.be/u/iyumu)\
**Post date:** [2021 六月 27 15:28 UTC](https://chiahpa.be/t/ti-wiki-e/1088/3 "2021-06-27T15:28:21Z")

</div>

lí eng-kai ē-sái tī "討論" ê ia̍h-bīn hām siá chit phiⁿ ê lâng thó-lūn, jiân-āu kái-siá. a-bó lán mā ē-sái siá lán tâi-bûn ê pán-pún: [Wikipedia, chū-iû ê pek-kho-choân-su](https://zh-min-nan.wikipedia.org/wiki/Th%C3%A2u-ia%CC%8Dh)

---

<div class="post-metadata">

**Author:** ![Chùnsiâng](https://chiahpa.be/user_avatar/chiahpa.be/ch%C3%B9nsi%C3%A2ng/32/547_2.png) [@Chùnsiâng](https://chiahpa.be/u/Ch%C3%B9nsi%C3%A2ng)\
**Post date:** [2021 六月 27 16:04 UTC](https://chiahpa.be/t/ti-wiki-e/1088/4 "2021-06-27T16:04:06Z")

</div>

In sī kóng chiàu chitmà gígiân bé khì pian--ê (tio̍h, ISO, kokchè piauchún siáⁿhòe)  
Ah lán tio̍h bô...kanna ētàng chioh iōng NAN  
He sī in Tiongkok khòngchè ê hunlūi ēkha...  
Gígiân ū koanhē, beh kakī chi̍t bé m̄sī bēsài, ah chitmà tio̍h...

---

<div class="post-metadata">

**Author:** ![iyumu](https://chiahpa.be/user_avatar/chiahpa.be/iyumu/32/317_2.png) [@iyumu](https://chiahpa.be/u/iyumu)\
**Post date:** [2021 七月 1 14:11 UTC](https://chiahpa.be/t/ti-wiki-e/1088/5 "2021-07-01T14:11:35Z")

</div>

nā chiàu góa só͘ liáu-kái, Wikimedia sī kin-kù SIL téng-koân ê ISO 639 hoan-hō lâi khu-piat gí-giân. lán nā beh ài chhòng chi̍t-ê tâi-gí ê Wikimedia kè-ōe, ài ùi chiah lâi siūⁿ pān-hoat.  
[https://iso639-3.sil.org/code/nan](https://iso639-3.sil.org/code/nan)

---

<div class="post-metadata">

**Author:** ![Chùnsiâng](https://chiahpa.be/user_avatar/chiahpa.be/ch%C3%B9nsi%C3%A2ng/32/547_2.png) [@Chùnsiâng](https://chiahpa.be/u/Ch%C3%B9nsi%C3%A2ng)\
**Post date:** [2021 七月 1 16:54 UTC](https://chiahpa.be/t/ti-wiki-e/1088/6 "2021-07-01T16:54:31Z")

</div>

Bô kokka kiâⁿ bē kàu hia, tosiā chuliāu chhâ--tio̍h.

---

<div class="post-metadata">

**Author:** ![iyumu](https://chiahpa.be/user_avatar/chiahpa.be/iyumu/32/317_2.png) [@iyumu](https://chiahpa.be/u/iyumu)\
**Post date:** [2021 七月 13 10:02 UTC](https://chiahpa.be/t/ti-wiki-e/1088/7 "2021-07-13T10:02:10Z")

</div>

[https://meta.wikimedia.org/wiki/Requests\_for\_new\_languages/Wikipedia\_Taiwanese\_Hokkien](https://meta.wikimedia.org/wiki/Requests_for_new_languages/Wikipedia_Taiwanese_Hokkien)

khah-chá ū lâng sin-chhéng kòe Tâi-oân Hok-kiàn ōe ê Wikipedia, m̄-koh sī iáu-beh sêng-kong. nā ū hèng-chhù, lán ē-sái lâi gián-kiú.

---

<div class="post-metadata">

**Author:** ![Chùnsiâng](https://chiahpa.be/user_avatar/chiahpa.be/ch%C3%B9nsi%C3%A2ng/32/547_2.png) [@Chùnsiâng](https://chiahpa.be/u/Ch%C3%B9nsi%C3%A2ng)\
**Post date:** [2021 七月 13 21:44 UTC](https://chiahpa.be/t/ti-wiki-e/1088/8 "2021-07-13T21:44:41Z")

</div>

Góa chitmà sī khah bô beh chò che...tio̍h, m̄sī tiōngtiám.  
Lán chitê nîtāi, tha̍k--ê iáu bô kàu.

---

<div class="post-metadata">

**Author:** ![PhoeKhahChiunn](https://chiahpa.be/user_avatar/chiahpa.be/phoekhahchiunn/32/212_2.png) [@PhoeKhahChiunn](https://chiahpa.be/u/PhoeKhahChiunn)\
**Post date:** [2021 七月 24 03:23 UTC](https://chiahpa.be/t/ti-wiki-e/1088/9 "2021-07-24T03:23:47Z")

</div>

góa chìn-chêng bat kóng kòe.  
lán Tâi-oân ê chu-liāu tī Wiki bīn-téng  
hō͘ Chi-ná lâng lī-iōng Tōa tiong-hôa khu pa̍k chò-hóe.  
lán beh kái lóng ê hō͘ in kái tńg-khì

---

<div class="post-metadata">

**Author:** ![iyumu](https://chiahpa.be/user_avatar/chiahpa.be/iyumu/32/317_2.png) [@iyumu](https://chiahpa.be/u/iyumu)\
**Post date:** [2021 七月 30 14:16 UTC](https://chiahpa.be/t/ti-wiki-e/1088/10 "2021-07-30T14:16:04Z")

</div>

lán ē-tàng chhì khòaⁿ chō͘ chi̍t-ê "user group", chhiūⁿ che, [Paiwan Wikimedians User Group - Meta](https://meta.wikimedia.org/wiki/Paiwan_Wikimedians_User_Group).

nā thong-kòe koaⁿ-hong ê jīn-tēng, lán thang-hó ū chi̍t-kóa pó͘-chō͘. jiân-āu lán ē-tàng pān oa̍h-tāng chio koh-khah-chē lâng lâi ka-ji̍p tâi-gí wiki.

chìn-chêng góa ū hām wiki ê gí-giân úi-oân-hōe lāi-té ê lâng kau-liû, góa chai-iáⁿ in lāi-té ū lâng chin tiōng-sī choân-kiû chāi-tē-hòa ê hoan-e̍k (translatewiki). lán nā kah bo̍k-chêng bân-lâm-gú (nan) ê translatewiki lāi-té ê iōng-sû lóng-chóng hoan-e̍k. it-tēng ē siū in chù-ì. kàu sî-chūn, lán ē-tàng ū ki-hōe lâi chú-tiuⁿ lán chia-ê chú-iàu kòng-hiàn ê lâng lóng tī tâi-oân. lán ē-sái chiông-án-ne sin-chhéng kái-miâ, chhì-khòaⁿ.
