# Trust levels (Sìn-iōng kip?) **URL:** \ **Category:** 本平台 Pún Pêⁿ-tâi\ **Created:** [2020 十二月 21 01:29 UTC](https://chiahpa.be/t/trust-levels-sin-iong-kip/62 "2020-12-21T01:29:54Z")\ **Posts on this page:** 11\ **Page:** 1
**Author:** ![aióng](https://chiahpa.be/user_avatar/chiahpa.be/ai%C3%B3ng/32/17_2.png) [@aióng](https://chiahpa.be/u/ai%C3%B3ng)\ **Post date:** [2020 十二月 21 01:29 UTC](https://chiahpa.be/t/trust-levels-sin-iong-kip/62/1 "2020-12-21T01:29:54Z")
### TL 1 (_Basic_) **Tiâu-kiāⁿ:** - Khòaⁿ 5 tiâu ōe-tê - Tha̍k 30 phiⁿ pho͘ bûn - Khai 10 hun-cheng teh tha̍k **Kong-lêng:** - Kià su-sìn - Khǹg tô͘ kap hù-kiāⁿ - Gia̍h kî-á - Kā pa̍t ê sú-iōng-chiá tiâu chēng-im ### TL2 (_Regular_) **Tiâu-kiāⁿ:** - 15 kang lâi (bián liân-sòa) - Kah-ì 1 phiⁿ pho͘ bûn - Siá 1 phiⁿ pho͘ bûn hō͘ pa̍t lâng kah-ì - Tap-ho̍k 3 tiâu ōe-tê - Khòaⁿ 20 tiâu ōe-tê - Tha̍k 100 phiⁿ pho͘ bûn - Khai 60 hun-cheng teh tha̍k **Kong-lêng:** - Iau-chhiáⁿ sin ê lâng "1 click ji̍p chām" (khai-hòng liáu bô su-iàu chhiáⁿ thiap mā ē sái chù-chheh, m̄ koh ài seng khak-jīn tiān-phoe) - Chò su-jîn kûn-cho͘ - Phian-chhip ka-tī ê pho͘ bûn iân-chhiân kah 30 kang ### TL3 (_Member_) **Tiâu-kiāⁿ:** Kòe khì 100 kang... - 50 kang lâi - Tap-ho̍k 10 tiâu ōe-tê - Khòaⁿ kòe 25% ê ōe-tê - Tha̍k 25% ê pho͘ bûn - Siu tio̍h 20 ê kah-ì - Kah-ì 30 phiⁿ pho͘ bûn - Bô chhiau-kòe 5 pái hông gia̍h kî-á - Pòaⁿ tang m̄ bat hō͘ koán-lí-oân hoa̍t **Kong-lêng:** - Kā ōe-tê hun tiâⁿ - Siat-tēng phiau-á - Sú-iōng "oân-kang" choan-iōng tiâⁿ - Kā pùn-sò pho͘ bûn thâi tiāu - Siá wiki-sek ê pho͘ bûn ### TL4 (_Leader_) - Koán-lí-oân tēng ê - Phian-chhip jīm-hô pho͘ bûn, phiau-tê (hē-thóng ē chò kì-lo̍k) - Kā ōe-tê koaiⁿ khí lâi, siu khǹg, pín khí lih - Kā 1 tiâu ōe-tê hun chò chē tiâu - Chhú-lí kî-á ---
**Author:** ![aióng](https://chiahpa.be/user_avatar/chiahpa.be/ai%C3%B3ng/32/17_2.png) [@aióng](https://chiahpa.be/u/ai%C3%B3ng)\ **Post date:** [2020 十二月 20 10:10 UTC](https://chiahpa.be/t/trust-levels-sin-iong-kip/62/2 "2020-12-20T10:10:41Z")
> [@lesautres](#): > > hō te̍k-pia̍t ê miâ Chia ū Basic, Regular, Member, Leader. Mā ē sái ōaⁿ pa̍t ê miâ, tio̍h ài hun 4 ê téng-kip, miâ ha̍p-lí tō ē sái. ---
**Author:** ![png](https://chiahpa.be/letter_avatar_proxy/v4/letter/p/58f4c7/32.png) [@png](https://chiahpa.be/u/png)\ **Post date:** [2020 十二月 21 01:24 UTC](https://chiahpa.be/t/trust-levels-sin-iong-kip/62/3 "2020-12-21T01:24:43Z")
> [@aióng](#): > > Basic, Regular, Member, Leader Basic, ki-chân ki-chhó͘ ki-pún Regular, che thài chē--leh Member, sêng-oân Leader thâu-lâng léng-siù léng-tō ---
**Author:** ![aióng](https://chiahpa.be/user_avatar/chiahpa.be/ai%C3%B3ng/32/17_2.png) [@aióng](https://chiahpa.be/u/ai%C3%B3ng)\ **Post date:** [2020 十二月 21 01:34 UTC](https://chiahpa.be/t/trust-levels-sin-iong-kip/62/4 "2020-12-21T01:34:42Z")
> [@獎牌翻譯 Chióng-pâi hoan-e̍k](https://chiahpa.be/t/chiong-pai-hoan-e-k/24/2): > > Góa khióng-kiaⁿ _sìn-iōng-kip_ ē hông siūⁿ-tio̍h "sìn-iōng hun-sò͘", khah bô hó-thiaⁿ 😂. Góa chhiau-tio̍h _koân-hān_ sī Tâi-ji̍t ū siu ê sû, èng-kai ē-tàng ti̍t-chiap ēng? > > Í-chá iàu-bô Bīn-chheh, forum khah sî-kiâⁿ ê sî-chūn, góa ē-kì-tit ū chi̍t-kóa chām ē siá kah ná tiān-tōng ê téng-kip, ta̍k kip lóng ē hō te̍k-pia̍t ê miâ. Hoān-sè mā ē-sái ū chi̍t-kóa chhòng-ì ê chhù-bī kóng-hoat. Chhin-chhiūⁿ _chhài-chiáu-á_, _sai-hū_, chit-khoán. @lesautres koh ū kiàn-gī ēng pa̍t khoán miâ-chheng ---
**Author:** ![aióng](https://chiahpa.be/user_avatar/chiahpa.be/ai%C3%B3ng/32/17_2.png) [@aióng](https://chiahpa.be/u/ai%C3%B3ng)\ **Post date:** [2020 十二月 21 09:24 UTC](https://chiahpa.be/t/trust-levels-sin-iong-kip/62/5 "2020-12-21T09:24:12Z")
> [@獎牌翻譯 Chióng-pâi hoan-e̍k](https://chiahpa.be/t/chiong-pai-hoan-e-k/24/2): > > koân-hān Góa chit-má teh ēng _koân-hān_ chò _permission_ ê hoan-e̍k. Phì-lūn kóng: - _Lí bô **koân-hān** khòaⁿ chit ia̍h_ _Trust Level_ tùi góa lâi kóng khah sêng _rank_ ê khài-liām. Nā kóng "hōe-oân-kip" ā sī "sêng-oân-kip", kám hó? ---
**Author:** ![aióng](https://chiahpa.be/user_avatar/chiahpa.be/ai%C3%B3ng/32/17_2.png) [@aióng](https://chiahpa.be/u/ai%C3%B3ng)\ **Post date:** [2020 十二月 21 11:58 UTC](https://chiahpa.be/t/trust-levels-sin-iong-kip/62/6 "2020-12-21T11:58:28Z")
> [@png](#): > > che thài chē--leh Siáⁿ-mih ì-sù? * * * Sêng-oân-kip: 1. Chhài-ah / Chheⁿ-kak (_greenhorn_) 2. Chú-kò͘-kheh 3. Sai-hū 4. Thâu-lâng Án-ne kám-kak siáⁿ khoán? ---
**Author:** ![png](https://chiahpa.be/letter_avatar_proxy/v4/letter/p/58f4c7/32.png) [@png](https://chiahpa.be/u/png)\ **Post date:** [2020 十二月 21 12:14 UTC](https://chiahpa.be/t/trust-levels-sin-iong-kip/62/7 "2020-12-21T12:14:47Z")
hui-siông chi hó www ---
**Author:** ![lesautres](https://chiahpa.be/user_avatar/chiahpa.be/lesautres/32/54_2.png) [@lesautres](https://chiahpa.be/u/lesautres)\ **Post date:** [2020 十二月 24 13:38 UTC](https://chiahpa.be/t/trust-levels-sin-iong-kip/62/8 "2020-12-24T13:38:43Z")
> [@aióng](#): > > Sêng-oân-kip: > > 1. Chhài-ah / Chheⁿ-kak (_greenhorn_) > 2. Chú-kò͘-kheh > 3. Sai-hū > 4. Thâu-lâng Nā-sī beh lēng-gōa hō-miâ, chhiūⁿ bo̍k-chêng án-ne, góa tú-chiah siūⁿ-tio̍h í-chá ū-ê lūn-tân ē kā che téng-kip kiò-chò _hâm-thâu_. Ta̍k-ke khòaⁿ kám-ū sek-ha̍p. ---
**Author:** ![aióng](https://chiahpa.be/user_avatar/chiahpa.be/ai%C3%B3ng/32/17_2.png) [@aióng](https://chiahpa.be/u/ai%C3%B3ng)\ **Post date:** [2020 十二月 24 13:46 UTC](https://chiahpa.be/t/trust-levels-sin-iong-kip/62/9 "2020-12-24T13:46:54Z")
> [@lesautres](#): > > hâm-thâu 目前塊想「_交情坎斬_」、汝按盞看？ ---
**Author:** ![lesautres](https://chiahpa.be/user_avatar/chiahpa.be/lesautres/32/54_2.png) [@lesautres](https://chiahpa.be/u/lesautres)\ **Post date:** [2020 十二月 24 13:57 UTC](https://chiahpa.be/t/trust-levels-sin-iong-kip/62/10 "2020-12-24T13:57:24Z")
_Kau-chêng_ góa kám-kak sī teh kóng kò-jîn chi-kan ê koan-hē, m̄-koh \_\_\_\_\_\_ _khám-chām_ thiaⁿ-liáu bē-bái. ---
**Author:** ![kángTo͘](https://chiahpa.be/user_avatar/chiahpa.be/k%C3%A1ngto%CD%98/32/70_2.png) [@kángTo͘](https://chiahpa.be/u/k%C3%A1ngTo%CD%98)\ **Post date:** [2020 十二月 25 21:34 UTC](https://chiahpa.be/t/trust-levels-sin-iong-kip/62/11 "2020-12-25T21:34:25Z")
**Chú-kò͘-kheh** , kám beh khó-lū khòaⁿ-māi lāu-lâng-kheh / **lāu-chú-kò͘** To̍h sī leh kóng chit ê lâng chok tiāⁿ lâi, ha̍p i ê hêng-ûi ê chheng-hō _交情坎斬_ lán nā ti̍t-chiap iōng **khám-chām** kám hó? **Khám-chām** , to̍h sī tāi-piáu i ê **kip-sò͘** , **pha-sò͘** , góa jīn-ûi ti̍t-chiap khám-chām to̍h kài hó. **Pha-sò͘** lú koân, kháu-chō lú ióng lú oa̍h thiàu. Chham-khó khòaⁿ-māi ^^