進前看著一篇新聞講立陶宛（姑且念做li̍p-tô-oán）个bì-lù予中國刣定單啊，去查才發現許bì-lù个牌子誠有名neh，
我足好玄，今旦日就去買來啉看覓。即馬是啉酒醉咧寫文章。
酒个價數，一罐八十幾箍，小可仔貴，毋過買三罐有拍折。
酒罐仔頂是寫「精釀啤酒」，啥乜是精釀，我是無啥了解啦，若是有人有即方面个智識，歡迎來補充一下。
許个酒个味，誠特別，以前無啉著過，略仔苦，但是佇苦个所在是不只仔芳，是一種焦芳。
許个味有誠濟層次講袂出來。
我愛試各試各樣个食物，雖然即个酒小可仔貴，但是即个錢我開甲真歡喜。
In ê 國名照in ê講法唸 Lietuva/Lia̍t-thiu-bah m̄知kám 會用得
翻譯有影是真難个代誌......尤其是即馬卜復興台語，有規千規百个詞以前無用台語講个詞，愛開始用台語講。
唸li̍p-tô-oán是綴華語个漢字，若愛注重台語个主體性，可能愛起咱家治个譯名。
而且照亻因原名來音譯，可能嘛是對亻因較尊重淡薄仔（毋知是毋是按呢啦）。
但是最近亻因國家个新聞誠濟，佇台灣个台語新聞已經開始咧試用台語唸亻因个國名啊，我定定看公視台語台就是唸li̍p-tô-oán。若是已經有袂少人咧使用li̍p-tô-oán即个講法，按呢「使用li̍p-tô-oán即个詞」嘛會成做需要尊存个習慣。
而且亻因國家名佇亻因語言个唸法是台灣人較生份个，照原音來翻譯个詞可能僫推捒。
台語通過華語仰是日語个漢字來翻譯嘛毋是頭擺啊。
即兩種翻譯方式可能會產生競爭，最後每一个譯名會生啥乜款，iáu是愛靠台語人个習慣佮語感來決定。
我暫時个繼續講li̍p-tô-oán，因為我感覺按呢別人聽較有。