Tī chi̍t ê tó-sū ū chi̍t tīn lâng teh tiàm chò-hóe. Lóng-chóng 1000 lâng. In ê ba̍k-chiu sek-chúi koh-iūⁿ. In ê chong-kàu kìm-chí in chai-iáⁿ ka-tī ba̍k-chiu ê sek-chúi, mā m̄-chún in thó-lūn chit-ê gī-tê. Só͘-tì, ta̍k-ke lóng khòaⁿ ē tio̍h pa̍t-lâng ê ba̍k-chiu, m̄-koh m̄-chai ka-tī ê, mā bô kiàⁿ thang-hó chiò. Nā-sī ū lâng chai-iáⁿ ka-tī ba̍k-chiu ê sek-chúi, i tio̍h tī keh-ji̍t ê tiong-tàu tī chèng-lâng bīn-thâu-chêng chū-sat. Ta̍k-ke lóng tio̍h khòaⁿ, che sī gî-sek ê chi̍t-pō͘-hūn. Só͘-ū ê lâng tùi in ê sìn-gióng lóng kài khiân-sêng, mā chai-iáⁿ ta̍k-ke lóng kāng-khoán khiân-sêng, che mā sī ta̍k-ke ê kiōng-sek.
Tī che 1000 ê tó-bîn lāi-té, 100 ê lâng ū nâ-sek ê ba̍k-chiu, lēng-gōa 900 ê lâng sī chang-sek. In tong-jiân m̄-chai chit-ê thóng-kè sò͘-kì, in-ūi in kan-na khòaⁿ ē tio̍h tû-liáu ka-tī í-gōa 999 lâng ê ba̍k-chiu.
Chi̍t kang, chi̍t ê ū nâ-sek ba̍k-chiu ê gōa-lâng chō-hóng chit-ê tó-sū. I chin kín tō tit ·tio̍h tó-bîn ê choân-bīn sìn-jīm. Ū chi̍t àm, i tī chi̍t-ê ta̍k-ke lóng tī ê tiûⁿ-ha̍p piáu-ta̍t tó-bîn ê jia̍t-chêng khoán-thāi. I iáu m̄-chai-iáⁿ tó-bîn tùi ba̍k-chiu sek-chúi ê khiàn-sńg, bô-tiuⁿ-tî kóng ·tio̍h:
“Goân-lâi chia mā ū kah góa kāng-khoán, ba̍k-chiu sī nâ-sek ê lâng ·neh!”
Chhiáⁿ-mn̄g, chit-kù ōe ē tùi tó-bîn chō-sêng siáⁿ-mih-khoán ê éng-hióng? Chit kù ōe hō͘ tó-bîn siáⁿ-mih chu-sìn?
(Che sī logic/ló͘-chek/ bī-tê, chhiáⁿ m̄-bián chhōe kò͘-sū siat-tēng ê khang-khiah. Tó-bîn lóng sī logic chhiau-kûn ê lâng, siau-sit mā chin lêng-thong, tiōng-iàu chu-sìn lóng bē làu-kau ·khì.)
Tiám-tuh: hām nâ-sek ba̍k-chiu ê sò͘-bo̍k (tê-bo̍k lāi-té kóng 100 lâng) bô siáⁿ koan-hē.
Che sī kúi-nā tang chêng pa̍t-lâng kā góa kóng ê tê-bo̍k. Siūⁿ-kóng chit-khoán ōe-tê hoān-sè ē-tàng chhì-kek thó-lūn
3 Likes
miau715
2021 正月 13 16:21
2
Èng-kai bē chō-sêng jīm-hô kái-piàn? In-ūi ta̍k-ke pún-lâi to̍h khòaⁿ ê tio̍h bat-lâng ê ba̍k-chiu, ta̍k-ke mā lóng chai-iáⁿ chiah ū nâ-sek ba̍k-chiu ê lâng, i kóng ê chit kù hoān-sè sī ta̍k-ke lóng chai-iáⁿ ê tāi-chì?
Kongthui
2021 正月 13 16:35
3
Nā chún-kóng tê-bo̍k kái--1-ê, kán-taⁿ 1-ê lâng ba̍k-chiu chhiⁿ-sek ē án-choáⁿ?
1 Likes
Kongthui
2021 正月 13 18:32
4
Góa chai-iáⁿ he hàn-jī tha̍k lô-chip. M̄-koh in he hàn-jī goân-té tō sī im-e̍k. Soah m̄ tı̍t-chiap kóng 盧叔lô͘-chek , khah óa-im.
1 Likes
Hio͘h, kám-siā, chi̍t-sî bô chù-ì, siuⁿ óa-khò su-ji̍p-hoat kah Hôa-gí, soah bē-kì ·tit chit jī pún-lâi to̍h-sī im-e̍k. Ló͘-chek khak-si̍t khah óa. Mā bat khòaⁿ lâng siá 路則lō͘-chek .
1 Likes
Mài hiah-nī siá-si̍t lah
Tó-bîn chìn-chêng m̄-chai-iáⁿ só͘-ū tó-bîn ê ba̍k-chiu sek-chúi thóng-kè. Éng-oán ē khiàm ka-tī chi̍t ê sò͘-kì.
Chit tê, nâ-sek ba̍k-chiu ê lâng sī 1 ê ia̍h-sī 100 ê, lóng ē chiàu sio-siāng ê lí-lō͘ hoat-tián. Lí ē-sái chiàu che koh siūⁿ khòaⁿ-māi:
1 Likes
Kongthui
2021 正月 13 19:15
7
miau715
2021 正月 13 19:17
8
Kongthui
2021 正月 13 19:25
9
Chit-ê to͘-ha̍p, tōa-pō͘-hūn ê lâng ē khoàⁿ-tio̍h ū 2-ê lâng ba̍k-chiu sī nâ-sek. M̄-koh hit-2-ê ba̍k-chiu nâ-sek--ê, in kan-taⁿ khoàⁿ-tio̍h 1-ê. In tō lâi chhui-lūn.
Kiám-chhiá góa ba̍k-chiu m̄-sī nâ-sek, án-ne góa tō bián-sí. Chóng--sī chún-kóng góa ba̍k-chiu m̄-sī nâ-sek, án-ne lēng-góa hit-ê i só͘ khoàⁿ, bô pa̍t-lâng ba̍k-chiu sī nâ-sek, só͘-pái i keh-tńg-kang tō khì sí.
Sū-sit hit-ê lâng keh-tńg-kang iā bô khì sí. Só͘-pái tō koh chhui-lūn.
P->Q, ~Q->~P.
Khó-kiàn tē-3-kang ū 2-ê lâng khì sí.
2 Likes
miau715
2021 正月 14 11:12
10
To-siā lí! Án-ne góa liáu-kái ah. Tó-bîn lóng siūⁿ ū-kàu chē--neh…… nā ōaⁿ-chò sī góa chò tó-bîn, ta̍k-ke khó-lêng to̍h lóng m̄-bián sí ah
1 Likes
Khak-si̍t nā ū lâng khah bô hiah khiân-sêng, che to̍h bē hoat-seng. Chóng ·sī chit khoán logic tê-bo̍k lóng án-ne, ta̍k-lâng lóng gâu su-khó, sǹg-siàu bē-su tiān-náu, mā lóng bô têng-tâⁿ
Nā ū lâng ū hèng-chhù kè-sio̍k kā siūⁿ...
Chhiáⁿ-mn̄g gōa-lâng kóng hit kù ōe, hō͘ tó-bîn siáⁿ-mih sin chu-sìn?
Tiám-tuh: nā-sī i kā hit-kù ōe ēng BCC thoân hō͘ 1000 lâng, ē hoat-seng siáⁿ-mih tāi-chì? Sī-án-chóaⁿ ē kah tong-chiòng kóng-ōe ê kiat-kó ū cheng-chha?
Góa hit-chūn thiaⁿ-tio̍h tê-bo̍k ê sî-chūn, sûi to̍h siūⁿ-tio̍h kiat-kó, m̄-koh chit-ê pō͘-hūn to̍h khai khah chē sî-kan chiah bêng-pe̍h kî-tiong ê tō-lí.
1 Likes
Chit-ê tê-bo̍k ū chiok chē pán-pún, m̄-koh goân-lí lóng sio-siāng. Góa kā góa chú-iàu chham-khó ê lâi-goân khǹg ·kòe ·lâi:
Tong-jiân mā hoan-gêng ū hèng-chhù ê lâng kè-sio̍k thó-lūn.
1 Likes
