〈恐怖情人逐日ê例行公事〉
01
Kā目睭擘開 走揣
你ê形影
你敢知影 逐日予我精神ê 予我ùi美夢轉到無聊世間ê
從來毋捌是ùi窗仔迵過ê日頭光
是我反爿ê時陣無感受著身軀邊ê
彼个體溫
你ê氣味 愈來愈稀微
我是驚惶 你毋知影我每一工起床攏是流著目屎
目屎恬恬 目屎袂講話 目屎是啞口
你無法度聽著啞口講話 你聽袂著
你聽袂著啞口mā有故事 mā有想法 毋過你無法度了解
你袂了解
我ê惡夢 毋是美夢結束 毋是無聊ê世間
你袂了解
02
彼个kā你講話ê查某是啥人？
這个訊息是啥人傳ê？伊beh揣你創啥？
加班？你敢誠實是佇公司加班？
敢是頂擺彼个破麻kā你招？恁beh去佗位？
你敢是佮意著別人？
你敢是想beh離開我？
03
我愛你愛我愛你愛我愛你愛我愛你愛我愛你愛我愛你愛我愛你愛我愛你愛我愛你愛我愛你愛我愛你愛我愛你愛我愛你愛我愛你愛我愛你愛我愛你愛我愛你愛我愛你愛我愛你愛我愛你愛我愛你愛我愛你愛我愛你愛我愛你愛我愛你愛我愛你愛我愛你愛我愛你愛我愛你愛我愛你愛我愛你愛我愛你愛我愛你愛我愛你愛我愛你愛我愛你愛我愛你愛我愛你愛我愛你愛我愛你愛我愛你愛我愛你愛我愛
愛？
04
上恐怖ê是我愛你soah無了解你
05
三更半暝毋敢睏
倒佇眠床頂無beh創啥 干焦leh等待
等待你ê跤步聲 等待你開門 等待你
等待你看著我leh等待你
你ê氣味愈來愈清 你ê體溫kā我攬牢牢
有你ê愛kā我包圍 我才有通眠夢
06
「你若是我佇這个無聊世間上尾一个看著ê人就好ah」
07
「想欲kā你刣死」
你金金看著按呢講ê我 你敢袂驚惶？
為啥物你看著我微微仔笑 敢是leh笑我戇？
你kā我攬牢牢 我倚佇你ê心肝窟仔 你敢袂驚我等一下就刺破你ê心臟？
「若是予你刣死敢若袂䆀」
你是用按怎ê心情講出這句話？
我袂了解
08
「我愛你」
我毋知影我是為啥物leh流目屎 你恬恬無講話
百外擺ê相姦 你ê體溫你ê氣味你ê lān-chiáu你ê潲你予我ê全部全部
我攏
收袂著
身體kah靈魂毋捌鬥陣 啞口ê故事mā無人會知影包含我
「我若是你佇這个無聊世間上尾一个愛著ê人就好ah」
啞口敢若是按呢講ê
09
上恐怖ê是我愛你soah無了解你mā無想beh去了解你
10
你袂了解我ê惡夢就是你愛我毋過 我
我干焦 我
我愛你愛我
。
備註：
Bat看過足濟情緒kah用詞攏真激烈ê華語詩，就想講用彼个形式寫台語ê詩看覓～
請多多指教～