寫 chit 篇、第一是有一工 Niau-á 兄問我：「汝 ê 台獨倒底是省？」、第二是我時間多 lah.
但是汝 ài 注意、我不是 gâu 講論 ê 人、而且我 ê 台語無 kài 好、所以內底 ê 理路不是 tī 㒰一條線レ行。
就我來看、起造台灣民族、是姑不而將 khah 多、頭腦清楚 khah 少。
Khah 多人是像我 chit 欵 ê, 「國語」講好好 ah 是按盞 ài 講台語？
228 有人レ記念着好 ah.
結果レ？
華人講語言着 ta̍uh-ta̍uh-á 變，講支語 boaih 緊，恁台獨朗レ創意識形態。
「和解共生」着是不通繼續講 228 ê 事志，無恁着是レ起無空，無想卜團結。
閣有足多 ê lah, 我 kan-na 是 chhìn-chhái 提二項出來講 niā.
橫直 chit 平我看超過 5 成本底着是日子會凍過，有創一卦正義 ê 儀式着好世 ah.
無想着華人hiah-nī 僥倖，逐項朗 bē-giàn.
到今不但是正義無 ê neh, 連咱 gōng-gōng 支持 ê 「新台灣民族」朗 kui-ê sak 倒。
華人逐工喝台獨着是强卜 kā THBK 創 hō͘ 死，對「新台灣民族」 mā 是仝欵 ê 道理。
中華民族 kah 台灣民族朗會 kah 「新台灣民族」相掙 ê.
Chit 馬因無講話 kan-na 是中國帝國主義 khah 危險 niā.
不閣我 mā 相信，chit 馬中華帝國强卜 kā 中華民族 kui-ê 食掉，因 mā 是 ài ta̍uh-ta̍uh-á 寫一卦台文。
爲省？姑不而將 ah.
其實我講「新台灣民族」、正港 ê 台灣人 nā 見着應該是 chiok gāi-gio̍h ê, 因為 he 本地着是中華民族 ê 「修正主義」 niā.
Che 着是我進前講 ê, 汝 kanna ài 公平 kah 正義、無想 beh 改政府 a̍h-sī 制度、汝看「中華民國」 bē 爽 kanna 是伊 kā 汝 tau thâi niā.
問題是汝 tóa tī 德行 lap-khut 邊仔、tī 英國、逐家票 tǹg-tǹg レ着 soah ah, 西班牙 khah kē 一 sut, 喝獨立 ê hō͘ kéng-chhat phah.
Tī THBK, 歹勢、汝 nā 講公平正義、汝着是起無空 ê 台獨亂黨。當然、汝 nā 是外人着 ê 講 THBK mā 是有苦衷 ê, 不閣我着是 beh 起台灣民族 ah, 我寫 he 創省？統戰華人？有蔡英文一 ê 着有夠 ah lah.
另外着是、nā 準講無中國 tī 後壁新台灣民族早着無去 ah, chit 點我 kah 劉仲敬無㒰, 因為我看着 ê 是 chit 馬「台灣華語」 beh 無去 ah, 逐家 chiah 開始緊張。
但是 leh, 中國 tī 後壁喝「統一」、本來已經接受 「THBK tī 台灣」、想 beh 「穩定」 ê 人想着 hông thâi ê 記持着倒返來 ah.
所以華人用因 ê 理路來想、當然是講恁台獨是共產黨 beh kā THBK sak 倒 ê àu 歩。
Che 着是 THBK 第二 ê 問題：無骨頭、tú 着共產黨着跪落去 ah.
結果因不但檢討、顛倒講台灣人朗廢兵。Heⁿ, 有影。
我用中世紀 ê 規矩來論：征服王 William 是一 ê 不知 thâi 外多 Saxon ê 歹人、但是伊有骨頭 kah LP, 無人有法度 kā 伊討一粒沙過。
KMT nā 見 KST nā 驚，早着 hông 看現現 ah. 本來 kā katī 準做中華民族 ê 自然會講共產黨 mā 是一條頭路。
咱 chit 陣 iáu bē 精神 ê 台灣人、不 bat 見過 hiah-nī 僥倖失德 ê, katī kā katī 騙「美國歹、中國好」、尾了看着中國 chhèng 起來、馬上去 phô͘ 因 ê LP.
我所講 ê 「新台灣民族」着是華人頭殼內レ騙人 ê 「台獨」。因按呢想是因為無了解 mā 無需要了解、因已經有中華民族 ah, 是按盞 ài 了解咱？
Chit 馬 ê 問題不是華人 ah, 是汝 katī, 因 kui 組害了了顛倒是好事。
汝 ê 想法 nā kah 我頂頭寫 ê 相成、汝其實 beh 起 ê 是「新台灣民族」、he 本地是「中華民族」。
現此時台灣民族 kah 新台灣民族會合作、kanna 是為着反抗中華帝國主義，發現講、二平朗 ài 有武力 kah 共同體。
汝 ài 起共同體、着 bē 使烏白舞。第一是語言、第二是宗教。歹勢、chit 平無 chhìn-chhái chit 項菜、講 chhìn-chhái 着是 beh hông 食掉、kui 氣去睏睏レ卡幸福。