Ta-ke pîng-siông-sî kam ē khì liān-bah-king(kiān-sin-pâng) ūn-tōng? Lóng ē liān siánn-mih tōng-tsok?
6 Likes
guá kan-na tsò thé-tshau niā-niā
1 Likes
Bô teh khì kiān-sin-pâng. M̄-koh chòe-kīn khai-sí tī chhù iōng "chhiū-leng tòa" (resistance band kám án-ne kóng XD). Kám-kak mā sī kài ū hāu
2 Likes
Guá ka-kī mā-ū, iōng kú í-king tn̄g nn̄g tiâu a. Lí iōng ê sī khuah ê ā-sī e̍h ê?
1 Likes
Lí iōng lōa kú tō tn̄g--khì?!
Góa chiah bé chha-put-to nn̄g kó͘-goe̍h niâ. Iōng chi̍t keng kiò "muva" ê Tâi-oân chhiúⁿ-siong chò ê e̍h pán ê.
1 Likes
Ta̍k-ke kám-kak Bicep curl(二頭肌彎舉) iōng Tâi-gí beh án-tsuánn kóng khah suí-khuì?
1 Likes
Tâi-gí lāi-té leh kóng tōng-tsok ê sû tsin-tsē, huān-sè ē-tàng kā Ing-gí ê liān-bah-king tōng-tsok tsi̍t-ê tuì tsi̍t-ê.
push：sak(捒)
press：sak(捒)
bench press：the-leh-sak
pull：giú(搝)
squat：khû(跍)
back squat：phāinn-tāng-khû ā-sī kng-tāng-khû
lift：giâ(夯)
deadlift：piànn-sí giâ
row：pê(扒)
lunge：hānn(迒)
curl：uan-khiau(彎曲)
Kî-tha ná-tshiūnn "clean", "jerk", "thrust" bô thang-hó tuì-uānn ê, guá kám-kak tio̍h ti̍t-tsiap liām tsò "kho-lín", " jià-kheh", "suah-suh".
Tse guá ê siūnn-huat. 
4 Likes
Chìn-chêng góa ū bé chi̍t siang giâ-tāng ê, chhēng siuⁿ kú ê-á-té soah lak-khì. Theh khì pó͘-ê sai-hū hia kô͘, chiaⁿ kha kô͘ hó, soah ōaⁿ tò kha lak. Kui-khì bé sin-ê. Chhēng la̍k tang mā sǹg kàu-pún ah.
Sin ê kah kū ê sī kāng pâi-chú kāng hêng-thé, kán-ná sek-chúi kah châi-chit bô kāng.
Sin ê sī chit siang Adidas Powerlift, ê-á āu-tenn ū chhu khah koân. Án-ne nā-sī kha-kin khah ân ê lâng,
tī chò phāinn-tāng-khû ē khah ún.
Chit poàn nî lâi keng-kah-thâu lú liān lú pá-sit, chi̍t kóa saⁿ lóng chhēng bē loh , sūn-sòa thàn nî-cheh chêng chi̍t pái chóng ōaⁿ.
1 Likes
Tī Tâi-tiong chhōe tio̍h sin thâu-lō͘. Thâu-lō͘ khak-tēng liáu-āu, tē it kiāⁿ tāi-chì tio̍h sī khòaⁿ kong-si kiⁿ-á kam ū liān-bah-keng. M̄-chai sī hiān-tāi-lâng khah chù-tiōng pó-ióng, ā-sī Tâi-tiong-lâng khah ài ūn-tōng, tī hit-khoán chng-kha só͘-chāi, soah ū sì-gō͘ keng thang-hó kéng. Hā-pan liáu-āu ū só͘-chai thang-hó khì ah.
2 Likes
Ta̍k-ke chi̍t lé-pài ūn-tōng kúi-pái?
Chi̍t lé-pài chò kúi-pái ūn-tōng?
- chi̍t pái
- nn̄g saⁿ pái
- sì gō͘ pái
- ta̍k-kang
0 voters