#無法度對in講 #無法寄望未來20年_ê_in
#台灣語文學系背景論菜鳥仔未來 #台文投資會
最近做roC訓練役軍職（＊）才接觸一般18~阮仝沿--ê 少年仔，大部份人對台文無siáⁿ概念，一般人著 leh「你這 siáⁿmi̍h 咁會曉講？」無著國校仔時唸謠、比賽，免講 in 知影 ê 事實是台語真少講，我知影台語攏無--ê 對話已經是一款常態，入去才聽有自然對話中有台語--ê，當然台語會出現時機通常是 1句 ê 額，句首、句尾時使用無著中語愛補，我 kanna 有法度講今語言愛平等、有 leh 發展、國家語言發展法、教育、媒體--niâ，人會問講這咁是 lí ê 興趣？我回答這是基本--ê（做台灣人），我無 siáⁿ 專業--lah tio̍h ta̍kê iáu 袂曉--niâ。
我變做內底人際交流台語會出現 ê 一 pha 燈，ta̍uhta̍uhá 人 beh kah 我鬥陣會開始講台語、論世事。
#無法度對in講
總--sī 我無法進一步對 in 講台語著愛直講，著，講實在咱這沿若無法度 tī 短時間少年時有法度用台語台文做各種專業生理技術、ín 頭路、辦生活大細事免講有閣卡美好 ê 幸福安全基礎進前，我無法度對 in 講，我今有法度--ê 著盡我可能做一 ê 人會信táu、想 beh 來學習、免講來往時閣需要做假--ê 彼--ê 著好，kanna 有法度反省再反省。
＊roC訓練役軍職：今20年來有人性化向有影，當然 in roC傳統規矩是有 ah 愛演無講真路用，mah 蔡英文相片會看新兵食飯--neh。我觀察做兵 ê 人（包括目前已經簽入去 beh 閣做--ê 仝the）大部份攏真單純--lah，想法各異 mā 有影，閣講。
#無法寄望未來20年_ê_in
另外我台灣語文學系背景用「台英B2(↑)、客中級、日語(N2~N3) 等台外歷史語文觀念」＆這６年平常收集資料（有公開）基礎來做「研究」無一定現有路用，ah 咁愛照目前狀況投入roC台灣語文教育是真 tiûtû，當然我菜鳥仔卡無效有影 ah 在學時中學教程讀無若認真讀研兼教程閣愛2 3年才有可能免一年一契 leh 教「一班一禮拜一節」，講實在才一節閣無我頭前講--ê 基礎（＊）進前，我看我上上--leh 會 kā 伊變哲學課來講台灣世界，重點是我想到底是無可能閣去寄望未來20年 ê in 來替咱完成咱今做袂到--ê，無著閣做ｏｏ會ｏｏ部助理 kâng 有預算--ê 鬥相工（短期？進前短期做過無法完全發揮我所學＋實際面＆預想差異＋菜鳥仔無經驗傳承是做 kah 真悽慘）、閣來媒體是愛看--neh，前輩gâu人今著有--ah--neh 無我好出力--ê 位，翻譯出版、軟體應用--ê 有 leh 讀有做過有要求算有作品 ah 無穩定生活保障進前愛認真 liâu--loeh 穩定進步我看是真惡．．．
#台文投資會
＊基礎：做生理、ín 頭路等 ê 幸福安全基礎，kàn 咱若支持者一年薪水寄付一個月咁有法度，若「起政府」leh 現時 roC民主選舉、公家機構運作時 iáu 無法度（繼續面對體制歧視日常戰鬥），咱若設台文投資會看咱台文（符合一定規定要求）有 siáⁿ 好生理、發展這咁有法度做？我今無法度講咱台文今有 siáⁿ 知識是世界優勢，所以「柴火」先有，鼓勵咱來「設計機器」拚看māi，透過這來 kā 關係愈 bā 愈會 hông 信táu，咱 tio̍h 台文日子生活透過巧巧撇步、各種社團互助建立基礎來 leh roC殖民--lih 過卡好？
#台灣語文學系背景論菜鳥仔未來
若頂懸--ê 我攏無法有效貢獻我想著卡認真去學資訊藝術有興趣--ê，當然做 roC職業兵報考軍官 ia̍hsī 選項（聽講軍官 kài thiám 有影），若我想--ê「基礎」今攏無影個人幻想，現實有影愛面對，ah 我著普通語文才調＋iáu 無成才 ê 興趣、研究 mihá 做一寡--niâ，體能算有--lah 單手豹腰健身 kúiāê 等我有法度，講 kah 尾，教育軍事 ê 才調經驗是今咱上要緊愛發展--ê。