Téng lé-pài-la̍k góa khì Tōa-tiū-tiâⁿ khòaⁿ koa-á-hì,
tú-á-hó ū chiau-tāi ê phiò to̍h khì khòaⁿ bián-chîⁿ--ê. 
Che sī góa jîn-seng thâu-chi̍t-pái khòaⁿ hiān-tiûⁿ ê koa-á-hì,
lāi-té ián-oân chhēng ê saⁿ sī góa leh o̍h chò saⁿ ê sian-seⁿ chò--ê,
pún-lâi sī chin kî-thāi,
m̄-koh khòaⁿ-tio̍h soan-thoân soah gāng--khì.
......Tī Hàn-jī ê Piⁿ-á siá--ê ná-ē sī "XI WANG" ???????
Che kám m̄-sī koa-á-hì???
Kám m̄-sī kóng Tâi-gí?
Tān-sī Tâi-gí ê "犀" sī liām "sai" neh?
Nā m̄-sī kóng Hôa-gí, "犀望" kah "希望" kin-pún bô koan-hē ah?
Siūⁿ bô tàu-té siáⁿ-mih chêng-hêng,
m̄-koh mā-sī khì khòaⁿ ah.
Hó-ka-chài sī kóng Tâi-gí bô-m̄-tio̍h.
Lām Hôa-gí ê chêng-hêng mā bô chìn-chêng khòaⁿ-tio̍h ê Bêng-hôa-hn̂g hia giâm-tiōng,
kan-na ū kóng chi̍t-kù "服務業",
koh ū chi̍t-kù āu-piah ū "嗎？"--ê niā.
Tān-sī kò͘-sū piáu-ta̍t bô-sáⁿ chheng-chhó,
khòaⁿ bô-sáⁿ ū…… 
Hoán-chèng to̍h-sī tī kóng hi-bāng ê kò͘-sū tiong sú-iōng sai-gû-kak chit-hāng tiōng-iàu ê tō-kū lâi ho͘-èng...
Góa ka-kī sī kám-kak tī iōng Hôa-gí lâi chò siong-koan ê sî-chūn to̍h í-keng sit-pāi ah……
Chò-hóe khì khòaⁿ ê pêng-iú mā kóng che si̍t-chāi bô hó-khòaⁿ,
kiò góa nā-ū ki-hōe it-tēng ài khì khòaⁿ Tn̂g Bí-hûn--ê,
kóng kah che oân-choân bô-kâng chúi-chún 
.
M̄-chai-iáⁿ ū-lâng khòaⁿ-kòe bô?