tsa暗guá咧聽tâi-bûn ê podcast時，
聽tio̍h（kann-ga̍k）這ê詞，
guá進前sī無聽kuè這ê詞，
毋koh ē tàng臆ê出來ì-sù，
就suî起床tshâ字典，
無毋著（kann-ga̍k）真正sī監獄ê ì-sù。
今仔日guá念這ê詞予guá牽手聽，
伊甲guá剾洗káng，
你發音遮爾無piau-tsún，
nā-sī出去共人講，
it-tīng會予人笑sí，
guá真毋甘願。
kám有人知影台文濁音beh按怎liān-si̍p？
感謝
Ngē-táu, pháiⁿ-pháng. Bô, khùn-lân mā khah iâⁿ.
Tâi-lâm mōe-á kà ê hong-sek kài hó chhiò, ē-sái chham-khó khòaⁿ-māi
Chit hong-bīn góa ke-kiám ū keng-giām 
Góa ê chhiú-tōaⁿ tō sī: chhōe chi̍t kóa khah ū nāi-sim koh ē tàng hun chheng-chhó lô im chha-pia̍t ê pêng-iú... Koh lâi tō ti̍t-ti̍t liān-si̍p kúi cha̍p pái, kúi pah pái...
Thâu pō͘, lí ē chai-iáⁿ "chèng-khak" ê im si án-chóaⁿ, m̄ koh kóng bē chhut lâi. Āu--lâi, kóng khah bān ê sî-chūn, kóng ē chhut lâi. Bóe-·a khah ē chū-jiân kóng chhut chèng-khak ê im. Góa kàu taⁿ tiāⁿ tiāⁿ ka-tī teh thau liān-si̍p ·a.
Nā chèng-keng chhōe bô pêng-iú, 萌典 kā i phah lí beh ài thiaⁿ--ê, tòe leh liām mā sī hó hong-hoat.
https://www.moedict.tw/'%E7%9B%A3%E7%8D%84
Chit-ê iáⁿ-phìⁿ ū ēng sī-kak-hòa ê hong-sek kái-soeh lô-im, hō͘ lâng chai-iáⁿ "án-chóaⁿ lô".
Hoān-sè mā ē-tàng chiàu i só͘ kà, lo̍k ka-tī ê siaⁿ-im ēng nńg-thé gián-kiú khòaⁿ-māi. Ná án-ne liān-si̍p tiâu-chéng, mā ná chhōe lâng tàu thiaⁿ giām-siu kai-tōaⁿ sêng-kó.
感謝先覺tap-hok，講實在的，beh khuànn-ū全羅，guá mā beh 用真濟sî-kan，guá 愛足tsia̍p liān-si̍p。
Khòaⁿ kú to̍h koàn-sì--lah, kî-si̍t góa ē-hiáu siá Tâi-bûn mā sī 1 tang gōa niâ.
Chò-hóe lâi ha̍k-si̍p 
Lí ētàng chhuē chi̍dkuá ji̍bsiaⁿ chiab bô siaⁿbú ·ê jī ê ko͘jī(word) lâi liām.
Phìlūnkóng: a̍bá(盒仔), téngji̍dá(頂日仔), atog'á(阿啄仔)
Hō͘ nââu kuànsì sog·khí·lâi ê kámkag.
Ū chi̍t-ê hong-hoat: Iōng Liân-lô (Chi̍t-ê sû-lūi tiong, thâu-chi̍t-jī sī ji̍p-siāⁿ, ia̍h-sī āu-piah ê jī iōng p,t,k,ng khí-thâu).
Khip-á : Si̍t-chè ê im ē piàn-chò "Khī-bá".
Khak-á : Si̍t-chè ê im ē piàn-chò "Kha-gá".
Ē-keng-á : Si̍t-chè ê im ē piàn-chò "È-kēng-ngá".
Lí lâu-téng hit ūi tiō sī ka-tī kā Lô-má-jī ti̍t-chiap ōaⁿ chò siá hia ê lô-im 
Liān-si̍p to̍h liān-si̍p, to bô leh chò-chhat kóng？Thah tio̍h ng-ng-iap-iap？