最近 kā 大學最後一節通識修了，原本 kánná 想欲修英語--ê，尾仔啞是愛面對，決定挑戰無人用台語參與、用台文上台報告 ê 殖民狀況。
實在無 siáⁿ 好閣驚。
Ta̍k改 對我 lóng 是真要緊 ê 報告，袂當凊彩，照常上課加這項，無拚瞑工做袂好，尾仔 lóng 真順利，先生大部份會鼓勵，無直接鼓勵 ia̍h 袂感覺惡意，對先生 mā 會卡熟sāi。一位教數學--ê 講伊想欲考台檢，一位上課順勢講起伊 hit陣 大學有教授台語教微積分．．．
若講起學生反應，意外--ê 是船年校內反送中講座有香港學生講伊知影我，原底伊是上課 beh 困--去，聽著台語隨精神。大部份學生 lóng 會聽我講，mā 會有噗仔聲，若驚人聽無，直接看報告，我 ia̍h是 會台文先寫才英文／中文，無著圖用卡多，這無技術困難，傳承知識無問題，若閣有人不滿，我看這是咱愛共同面對--ê，我個人經驗差不多是十人有一人有這款＊症頭，因為你是 Tâioân人，欲尋你麻煩
真正，論真講，咱無 siáⁿ 好閣驚，有講有機會，若機會無--去，後改修正過錯，等待機會，一定愛把握。
不是講通識 lóng 無台語上課，有--啦，我轉學前 bat 旁聽過音樂系開--ê，頭兩節愛修課--ê 唱一首台語歌，我聽是真緊張，彼時台語台文都無好無自信，ah，我旁聽免唱，mā 有上課前會放台灣翠青教ＯＯ台灣史--ê，伊是無台語教--lah，今學校有台灣語文學系，阮系先生開--ê mā 是有台語台文
（歡迎分享上課台語台文經驗
我這學期有上tio̍h一ê台灣近代史ê課程，ah老師lóng是用台語上課mā chiok有台語文ê意識，m̄-koh講義、考試大體iáu是華文。Chin歡喜ê一kái經驗是goán leh講台灣教會女子教育ê時老師有揀一篇府城教會報ê文章，我sûi gia̍h手講我想beh讀這篇，感覺ka-tī讀liáu bōe-bái，老師mā kā我鼓勵。
kám sī tâi-tāi ê Chiu oán-biáu lāu-su?
Bô--neh, goán ha̍khāu kà gēsu̍t--ê, khò sǹg chin khinkhó--ê
Heⁿh, góa kóng ê sī Chiu Oán-iáu ê khò bô m̄ tio̍h.
