#KTV台文議題 #音樂民調
阮台中學生昨暗去車頭附近唱KTV，人 leh 唱我手機仔 ná 點歌，發見有一區乎做「金曲排行」，當然足好玄咱台灣歌 ê 競爭力，時行度是 ánnòa，這上準--ah，至少是40歲前，可能20歲這緣 ê 調查統計
咱 lóng 知影無台文意識--ê iáu 會聽台灣歌，ia̍h是 kā 伊當做表演 ê 語言 ná 古早北管 kāng款，生活9成 袂去用，有知影--ê 真chē koh 無膽用，m̄知 leh 驚 siàⁿ，真正想無 mā 真了然
有一kóa事實，我有驚--tio̍h，有一 ê 真明顯 ê 圖型（pattern）
前11頁，台語歌我看是無20...15首，一頁50首，春--ê lóng 中語歌（伊寫國語這愛改我愛去講，咱愛知今國家語言發展法，台灣各族語是國語（進行中）若指 Mandarin，中(国)語、華語、中文）
前三頁有兩首台語歌，2首 lóng tī 第一頁，無頭名，tio̍hsī「茄子蛋」ê「浪子回頭（41名）」 kah「浪流連（14名）」，nā beh 講全台灣語言上 chhèng--ê，iáu leh 食頭路會聽--ê，tio̍h in，這無爭議--ah，頭二名 kánná 是中語新歌，八三夭「想見你想見你想見你」、盧廣仲「刻在你心底裡的名字」
幹，nà 有人會去KTV唱中國話，這排行 tī 第8頁，línniâ--leh，我國中先生台灣人 koh 歡喜放這首乎阮班聽，這真正只有辦法騙國中生
島嶼天光第11頁下，我聽人講318不是真好 ê 收soah，mā 不是真好 ê 運動經驗，有真正參與--ê 是會討厭這塊歌，當然，歌詞愛唱「大聲來唱歌」（第11頁 koh 有 call me maybe 這我國中時--ê）
12頁開始～18頁是台語完全主宰--ê，完全無中語，代表這基礎真 cha̍h腹，這幾頁會有部份英語、日語、港語 tī--leh
19頁～22頁（排行尾）「完全」是港語 kah 日語歌。
若 beh 講kóa 好--ê 先做結，新歌，目前是茄子蛋--ê，親像「運將情歌（KTV 寫： Happy！！！運將情歌，真古錐...）」，有 roC標準化台文小標(字幕)，袂凍講是 bái--lah，KTV mā 有真chē 新歌 ia̍h是我高中時知影 ê 歌無收，真可惜，tio̍h，閃靈 CthoniC「火薰時代」，kāng期有關直接講台灣人犧牲 ê 歌 kah 團，論陰德做人到今 tio̍h 這首上有價值