煉乳考查，台灣有在地煉乳公司！細漢是 kanna 食鷹牌，進前有買雪印--ê，lóng 外國--ê，這改我想我會買飛燕牌試看māi，感覺真台灣，beh 來做CHOCO霜仔～
Ah 烏鶖牌圖名看--起--來真在地，tio̍h 是無寫 o͘chhiu 寫 he UC，網站無公司故事 koh leh 賣梅花奶水（？）工廠 mā kah 我 tī 台中，in tī 大甲
當然 in 卡俗是用牛乳粉＆食用油去做，我感覺無差--ah
＝＝＝
6 Likes
Tsin tshù-bī khuànn-tio̍h lí hun-hióng gû-ling-ko! guá tú-á-hó tsîng tsi̍t-tsàm--ah mà ū pí-kàu kuè gû-ling-ko.
guá tong-tshoo sī tsò tsit-ê Tâi-uân pán-pún ê Keylime pie bar, m̄-koh guá iōng Tâi-uân pún-thóo sng-kam-á (citrus depressant) tshú-tāi lê-bóng.
guá sing iōng Hui-iàn pâi, kiat-kó tiō-sī in-uī in sī iōng gû-ling-hún tsò ê, tsò tshut-lâi ê Sng-kam-á custard ê pōo-hūn tsuânn ū hún-hún, sua-sua ê kháu-kám, kám-kak tsin sit-pāi😭
tsí-hó koh tsáu--khì bé tsit kuàn Ji̍t-pún Hokkaido ê gû-ling-ko, ū-kàu kuì! Ká-ná tsit-kuàn kiōng-beh $450-500 khoo Tâi-phiò. M̄-koh sī iōng tshenn ling tsò ê, tiō tsiok sun-kháu, bô sua-sua ê kháu-kám.
Guá leh siūnn Tâi tsè ê gû-ling-ko khó-lîng nā-sī iōng tì su-iàu kún kuè ê si̍t-phóo, gû-ling-hún ē iûnn--khì, khó-lîng tiō khah bô-tsha?
nā-sī ū hìng-tshù, Keylime pie bar si̍t-phóo tī tsiah: Key Lime Pie Bars With Vanilla Wafer Crust Recipe - NYT Cooking
2 Likes