我知。毋過我嘛攏盡量去讀 POJ 再來應[1]，若看無，我嘛會請教、發問。我嘛毋捌要求過別儂一定愛寫教育部漢字、莫寫在來字，因為我个理解是這个論埕有鼓勵逐家先捷寫臺文，在來字、POJ、TL、教育部漢字攏無禁止；所謂「無禁止」，應該是講啥儂攏莫要求別儂一定愛用佗一種字來寫，敢毋是？
我拍漢字毋是因為我有啥物情結，干焦著是因為我拍漢字比拍羅馬字加足緊。我嘛接受鼓勵我加寫羅馬字，毋過希望毋是佇討論遘後壁無爽快个時陣，講啥「我咧 hue」，煞講我咧寫「中華語」。意見無仝著交流毋是？我嘛毋捌講我个見解袂當改變，請毋免共我當做歹儂。
@Thiⁿ 兄已經講，伊毋是看無漢字，是「hân-bān 讀中華語」。我著好玄：著講這个主題（topic）內底好矣，我當時寫中華語个話？我會使爽快承認：我臺語猶毋是學遘誠純，當然無才調共學術用詞照臺語語感翻譯，我會去直接用我佇華語文章內底學著个詞。這敢著是 @Thiⁿ 兄認為我咧寫中華語？無要緊，若確定是這个問題，我攏會使共彼寡仔詞語寫英文，若伊認為我寫文猶是「傷華」。
毋過除了這，我閣有佗位寫「中華語」是咱逐家歹讀个？會使講予清楚。著我調整，我著調整。Presupposition 是請符合事實狀況來講，莫 tshìn-tshái 予逐家誤會我是佇遮寫中華文。
[1] 若像 @aióng 講論連劃个文，我無時間讀長文 POJ 我嘛有講我先放棄參加，莫加喙造成困擾。