(Tē 1 pha)
我kah-ì做ê 代誌很濟，讀冊、tuâⁿ 鋼琴、sàn-pō͘、聽音樂、寫作、做手藝品、chiūnn-bāng、se̍h-ke chia--ê 代誌我攏足kah-ì--ê.
我chi̍t hāng chi̍t hāng 講：
Tē-it 是讀書，我足kah-ì 讀書--ê，sui-bóng 我毋是讀書ê liāu，m̄-koh pîng-siông時我攏ê看kok-tsióng bô-kâng款ê 冊，pí-jû 小說、教育--ê、音樂--ê，iah koh有台語--ê，chia--ê 冊我攏kah-ì讀。M̄-koh我mā ē 讀pa̍t chióng--ê，hôaⁿ-ti̍t chí-iàu 看著bé-bái--ê，攏 ē 讀.
Tē-jī，是聽音樂kap tuâⁿ 鋼琴；我逐工it-tīng愛聽hia--ê，我足 kah-ì 聽 ê khik，ah koh ū tuâⁿ鋼琴，sui-bóng 我毋是tsū細漢tō o̍h--ê，我是teh 讀大學ê 時o̍h--ê，m̄-koh鋼琴已經是我ê 好朋友ah!
Bô-lūn tī我快樂a̍h-sī 傷悲ê時，攏會當hō͘我pîng-chēng ê心情。
我kah-ì tsò--ê chia--ê代誌，hōo 我bē孤單，真正是我足ti̍k-pia̍t ê 朋友lah!
我細漢ê時 tō足愛學習--ê，m̄-kóan是看冊，做作品、學電腦、寫字、tuâⁿ琴a̍h-sī 運動，我攏足有興趣--ê。
(Tē 2 pha)
Nā講著看冊，我 chua̍t-tuì sī排頭名--ê，tik-pia̍t 是愛看kuí--â chiòng luī thàu-lām ê 冊；有天文、音樂、故事冊、英文冊、小說ia̍h-sī 是ang-á 冊，我攏足kah-ì看。
我 iû-kî 是愛看音樂ê冊；ē-kì-tit我讀小學ê時，參加合唱團 pûn pîn-á，in-uī 我 pûn liáu bē-bái，所以tō ka-li̍p 社團kè-sio̍k liān。
我mā chin gâu做手工藝品，親像做 hīnn-kau ia̍h-sī chò 壓花，我攏足gâu--ê，tī我讀國中ê時，是國二社團壓花社ê社長。In-uī tsò 社長，tī lāi-té我ke學著chin-chē sin--ê 物件，si̍t-chāi是足滿足--ê。
我mā chin gâu pûn樂器，m̄-kuán是pin-á、lap-pah、chhuì-khîm 我攏ē hiáu，āu--lâi我teh讀大學ê時， koh khì o̍h鋼琴，koh ū siu kòe 學生, ū chit ê經驗，我mā kám-kak真歡喜neh!
學習 ē hō͘-lâng快樂。 in-uī我有kok-chióng bô-kâng ê興趣，hō͘我 ê 生活ching-ka 足濟kong-chhái!
＊刊tī台文罔報NO.295(2018/10月)