今仔日發行个《廖添丁 - 稀代兇賊の最期》，應該是頭一个有台文字幕个電動
這是一个3D橫向卷軸動作Geh-m̄。因用bàng-gà風格表現日本時期个大稻埕，簡單却無秤彩
難度有簡單甲困難兩種模式，着算死去唖嗎會凍治袂遠个所在重來，對動作遊戲苦手个ī者算眞友善
會使看出開發團隊對台灣歷史甲台文，有多多考察研究。
台文部份基本上是用敎育部推薦用字濫一卦羅馬字，口白个台語氣口十足，不是直接對官話翻譯。
收集要素嗎眞趣味，會凍看着詳細日本時代个歷史紹介。劇情閣有提着眞多課本無教个台灣歷史，此方面乎我感覺眞心適
若卜講缺點，着是添丁个model面部建模，詳細共伊看着感覺怪怪个
此馬耍着第二章開頭定，總結來講，我映望這會是台灣，閣卡是台語電動个一个新開創 
有Steam甲Switch兩个平台。Steam版此馬買有拍折，若有興趣愛赶緊買o̍͘h
