佇發生幾擺街頂暴力後，內政部長徐國勇宣布全國掃烏，
只馬已經掠著真濟烏道跋筊集團啊。
但是，愛破案哪有遐緊个？才幾工爾爾就掠著遐濟。
遐个案件咁毋是平時就有頭摠啊？為啥乜平時毋去掠呢？
我想著兩个有可能个理由，
一个是，警察咧辦遐个案件，雖然已經有頭摠啊，
但是暫時毋收網，為个是咧收集較濟證據，
有「想卜掠著更加高層个犯人」等等个理由，
但是只擺頂司連鞭就愛看著結果，所以才趕緊掠人。
第二是，因為警察攏知影，亻因个頂司三不五時就會喝全國掃烏，
為了佇只種个時陣有業績，平常時就先勿掠。
若是第一个理由是真个，宣布全國掃烏就會予警察傷緊去破案，
犧牲一寡辦案个品質。
若是第二个理由，就是予警察平常時掠甲傷消極。
兩爿攏毋是好代誌。間歇性強力執法恐驚毋是好代誌。