11126
(碰碰丸)
1
毋知是佇幼稚園抑是小學，過舊曆年前聽老師講春聯个「春」佮「福」愛貼倒个，才會春到、福到，圍爐愛食魚，才會年年有餘，許時陣我夭毋知華語佮台語無仝个所在，煞共𪜶講个當作台灣个風俗。
到即幾年認真學台語，今年過年才重新想著即个問題，
台語內底「魚」佮「餘」年諧音，圍爐食魚毋是因為卜年年有餘，「到」个白話音佮「倒」嘛無諧音，台語人貼春佮福个聯仔，攏是貼正个。
台灣風俗个詮釋權予華語人提去，予文化入侵佇不知不覺中發生，發生佇無法度反思个人身上，有影恐怖。
補充：台灣原本嘛無過年咧守歲，彼是外省人帶來个。但是元宵佮八月半有囡仔晏睏，予大人長歲壽个風俗。
2 Likes
我今仔日貼春聯時者發覺台語無「福『倒』春『倒』」只欵文化，自細漢到今朗是乎人按呢敎育个，問父母因朗感覺無省問題 
阮兜治金門有領着幾組中國産个春聯，一開始無注意着，折開來看竟然是倒平寫到正平，眞正是無文化个國家 
不閣貼朗貼好啞，憑段重貼 
台灣𤆬來个春聯，正常多啞
1 Likes
adkert
(adk)
3
1 Likes
着𠳝，我貼治三樓彼組中國産个有對聯，不閣大門个無，舖文時袂記啞 
我昨昏治網路頂高有問一个中國網友，原來因春聯朗是對倒平開始，而且是寫正體字。字體照傳統，書寫方向煞顚倒，乎我感覺淡薄仔奇怪 
