古早古早、有一个所在、天星閃閃薛薛、風秀秀叫、靴有帶一个囝仔、伊个名號做阿星。阿星眞好賢、足愛問東問西。
有一冥、阿星担頭看天頂。一抛光射過去、七彩个門着打開。
一隻肥卒卒个小妖精對喜扇門行出來、輕聲細說講：「我是麻糍精。Tòe 我來。我卜共汝講人類个歷史。」阿星牽麻糍精个手、行入喜扇七彩个門。
入門了後、因降落治一片 tiām chiuh-chiuh 个樹林仔。阿星看着一陣人坐帶 hóe-khîn(營火)邊。因身軀頂穿个衫朗是動物个皮、閣治邊仔个岩石（足大塊个石頭）畫圖、因塊畫動物。者个人着是原始人、因看着阿星、對伊微微仔笑：「阮是汝个祖先。阮當塊學生存。」阿星嗎微微仔笑共麻糍精講：「因袂輸是勇敢个探險家。」麻糍精：「此是人類歷史个開端。」
麻糍精牽阿星个手閣飛起去天頂、thàng 過喜扇七彩个門、降落治一片濶罔罔个平洋。靴有人塊掖種子、有人塊飼羊仔、閣有人塊起細加間仔个厝。因是作嗇人。作嗇人共阿星講：「阮無閣四界流浪。阮食阮加治種作个食物。」阿星共因打博仔、呵老因眞爻。麻糍精：「此是庄頭社會个開端。」
續落因來到一个充滿奇異个所在。靴有金字塔（kinjitō）、足高足高、高甲抵天。靴有大大間个廟寺、和尚念經閣有 eh-khò͘ 。靴有城池、固守城吝个住民。麻糍精：「逐个 saⁿ-kap 合作、起大厝、做大代志。」阿星看甲落下咳。
閣續落因來到閙熱滾滾个世界
酷錄ー 酷錄ー 酷錄ー
機械塊紡个聲
電火博仔會發光
大船出帆
人人朗塊讀册
發明新乜仔
阿星：「逐个朗塊革頭壳想新个埃智亞。」
麻糍精：「人類不八停止想像。」
路尾因飛起去天頂、nǹg 入去喜扇七彩个門。
出來个時、
看着人穿宇宙服（uchūfuku/space suit）
機器人四界抛抛走
囝仔人看光 phiâng-phiâng 个銀幕塊學習
車加治塊駛振動
阿星：「 Oah！ 此咁是未來！有到水！」
麻糍精：「汝！阿星！嗎是只个大閣水个歷史个一部份！」
阿星甲麻糍精相覽了、着倒返去喜扇七彩門。倒來到因兜天以經光。
