秀樹甲新助是幼稚園个好朋友、逐工坐仝一 pang 校車做伙上下課。有一工下課、秀樹招新助來因兜耍、新助講伊卜先返去換衫 chiah 來。校車个路線代先經過秀樹因兜 chiah 到新助因兜。秀樹落車共ùn-chiàng 阿伯 seh 多謝、閣共新助講：「liâm-mi 見嗚！」新助：「好啊！」。
秀樹行入因兜大樓、看着新助kho̍k-kho̍k chông、共喝：「新助仔！汝不是 chiah 治車頂 …」新助無塊 hiù 伊、繼續 chông。秀樹：「小等レ啦！」新助 chông 入去電梯。電梯門關卜 bā 个 sūn、秀樹赶緊市乎打開：「新助仔！汝卡定着レ！勿閣 kho̍k-kho̍k chông 啦！」
不久煞無 khoàiⁿ 新助、秀樹嗎感覺怪怪：「新助仔 ná 無治電梯？？？我明明都看伊 chông 入去啊！」秀樹坐着電梯市 7 樓、到位電梯門打開、行出來到因兜門脚口大聲 hiu：「 阿母！我返來啊！」秀樹因老母無應聲。伊閣 hiu：「 阿母！我返來啊！」 由原無人應聲。秀樹扒起去椅古頭仔卜市電鈴 chiah 看着門牌番寫 802：「Ĕ！ 奇怪！者不是阮兜？者是 8 樓？咁講我市不着樓？」
秀樹閣行倒返去坐電梯、伊市 7 樓、到位電梯門打開、煞 khoàiⁿ 土脚寫 6、秀樹 gâng 去：「Ná 會按呢！我 to 市 7 樓啊！」秀樹閣市 7 樓、到位電梯門打開、煞 khoàiⁿ 土脚寫 8、秀樹全然沙無：「電梯是故障是不！來扒樓梯好啊！」
秀樹行對樓梯口卜行落去 7 樓、到位煞 khoàiⁿ 土脚寫 6、秀樹大着驚：「Ná 會按呢！無 7 樓！7 樓是去叨位！7 樓無去啊！啊！！！」
秀樹驚一下赶緊坐電梯落去 1 樓、行出大門越頭算看大樓有幾 chàn 樓：「１、２、３、４、５、６、７、８、９！9 樓無不着啊！7 樓有治レ啊！」
秀樹只拵看着阿母對因兜行出門、秀樹眞歡喜、大聲 hiu：「 阿母啊！我治者！阿母啊！」不久因阿母朗無共應、干礁共伊 ia̍t 手。因老母行對電梯喜平去、秀樹想講來電梯當因阿母、秀樹代先閘着電梯、市 7 樓、到位電梯門打開、煞無 khoàiⁿ 因老母、土脚由原寫 8。
秀樹驚甲嗎嗎哮：「阿母！汝鬥底治叨位！咱兜治叨位！」只拵秀樹又閣看着新助 kho̍k-kho̍k chông、chông 入去電梯、伊又閣 tòe 尾後 jiok、喝：「新助仔！小等レ啦！汝勿閣四界 kho̍k-kho̍k chông 啦！」Jiok 到位電梯門當塊關、秀樹赶緊 nǹg 入去、新助又閣無治電梯 ·lin、只拵電梯雄雄關 bā。
秀樹眞着驚、想卜打開電梯門煞打袂開、電梯加治起行、來到樓尾頂。秀樹 chông 出電梯、ǹg 樓脚看、伊看着幼稚園个校車駛到因兜大樓門口、閣看着「伊加治」對車頂行出來、只个「伊」閣對樓尾頂个伊奸臣仔笑。
只拵秀樹以經驚甲破胆：「只个咁不是 thâm-tú-á 个我！咁講只馬个我 …」
伊又閣看着新助遠遠 chông 對伊者來：「阿樹！咱來做伙耍啦！」新助那來那倚秀樹个時、秀樹 chiah 發覺新助怪怪、兩眼無神、面色白葱葱 ná 鬼、發出來个氣質 im-thim im-thim 、甲平常時个新助完全無仝。
秀樹驚甲機機叫、赶緊 chông 入去電梯卜 soan、新助嗎 jiok 到電梯口、只時電梯門以經關 bā、電梯加治起行、到位電梯門打開、秀樹赶緊 chông 出來。
秀樹看着新助 khiā 帶因兜門脚口卜市電鈴、驚甲哀哀叫。新助越頭看着秀樹：「阿樹、汝是發生省乜代志。那會哀甲 chiah 凄慘。」秀樹：「汝 ná 治者！汝 chēng thâm-á 着治阮兜電梯 kho̍k-kho̍k chông …」新助：「Thâm-á？？？我 chiah 抵到位 ·neh。 汝是塊講省？阿樹汝今那日 ná 會怪怪？」
只時秀樹因老母開門、看着秀樹：「阿樹汝返來啊嗚！Ĕ！ 新助嗎治レ！歡迎汝來阮兜嗚！」秀樹：「阿母 … 汝咁是阿母？者咁是咱兜？」秀樹因老母：「我當然是阿母啊！者當然是咱兜啊！汝只个囝仔是發生省乜代志是不 …」秀樹看着門牌番 702、確定是因兜个門牌番 chiah 安心行入門。