Lâi chhéng-kàu kok-ūi iú-chì sian-chìn,
娘 siá-chò niâ, 嶺 siá-chò niá,
che tong-jiân sī bô būn-tê,
m̄-koh m̄-chai kok-ūi kám-ū kám-kak kóng,
teh tha̍k ê sî-chūn āu-piah ē piàn-chó iaⁿ, góa kám-kak góa lóng sī iaⁿ nē,
嬴 sī tha̍k iâⁿ, thâu-chêng koh kā ka-siōng n, to̍h sī góa niâ ê hoat-im, án-ne góa ê 娘 hoat-im sī niâⁿ neh!
m̄-chai iáⁿ kok-ūi sian-chìn sī sáⁿmi̍h khòaⁿ-hoat?
3 Likes
Chiàu góa ê lí-kái, chú-im m-, n-, ng- ê bó-im lóng sī phīⁿ-im.
- niâ = niâⁿ
- chū-ngó͘ = chū-ngó͘ⁿ
Só͘-í he phīⁿ-im sī m̄ bián siá niâ (niâⁿ).
4 Likes
mia = biâⁿ
niâ = liâⁿ
ngiâ = giâⁿ
5 Likes
Kî-si̍t góa khah chá lóng bô siūⁿ kòe chit ê būn-tê, i siá niâ, góa mā tha̍k niâⁿ, niá góa mā ka-tī piàn niáⁿ, oân-choân bô hoat kak--tio̍h, góa it-ti̍t lóng bô chiáu jī tha̍k, só͘-tì góa kin-á-ji̍t chiah ē ū chit-ê būn-tê, chin-chiàⁿ sī hiông-hiông khì hoat-hiān--ê 
Goân-lâi phīⁿ im chhōa thâu ê jī ū chit-chióng hiān-siōng!
Chin kám-siā 
Góa mā bat siūⁿ ·kòe. Góa hit-tang-chūn ê kiat-lūn sī: hoat m, n, ng chia-ê siaⁿ-bó ê sî-chūn phîⁿ-im sī chū-thâu kàu-bóe lóng ū, góa kin-pún bô-hoat-tō͘ kóng "niâ" āu-piah soah bô phîⁿ-im, ngē beh hoat tio̍h ài piàn-chó "niâ-ā" chiah thang tī "ā" ê pō͘-hūn kā phîⁿ-im hìⁿ-tiāu. Só͘-í èng-kai bô siá ·chhut ·lâi mā bô-iàu-kín
1 Likes
Tio̍h! tio̍h! tio̍h! góa kah lí kāng-khoán, kin-pún tō tha̍k bē chhut--lâi 
Chin kám-siā lâi chò-hóe thó-lūn ^^
2 Likes
娘寫作niâ，讀做niâⁿ。共理，嶺寫niá讀niáⁿ。
遮是因為置寫羅馬字ê時陣，有ê字若是鼻音作聲母就會和韻母ê鼻音省去，免寫出來。
親像：
- 麵 mī = mīⁿ
- 讓 niū = niūⁿ
- 迎 ngiâ = ngiâⁿ
以前有和儂討論過即ê現象，我本來認為無「鼻音省略」即款載誌，毋過對方就提出「麵 mī = mīⁿ 」（中古漢語 [mien]），我tsah理解其中ê原理。
毋過其他ê字，像「罵」mē，我個人ê看法是：「罵」本來是無鼻音的「mē」，但是因為m是鼻音，suà發生連音，予ē變作ēⁿ，所以咱在（teh）講「罵」ê時陣，有時會講「mēⁿ」。
5 Likes
Kám-siā lí chiah siông-sè ê hôe-ho̍k, chin ló͘-la̍t.
2 Likes
免客氣 XD Tú仔好因為較早寫Wikipedia ê時陣有看著別ê編輯者補充，卻（koh）牴（tú）著儂會使作夥討論，tsiah知影即ê現象。 ^v^
2 Likes
Lán oân-ná ē-ēng-tit án-ne lí-kái:
Nia = Liaⁿ
Mia = Biaⁿ
Ngia = Giaⁿ
Hō͘ ta̍k-ke chham-khó khòaⁿ-māi.
2 Likes
A-ian chin ló͘-la̍t, lí piàn ian góa soah m̄-chai beh phah lí ê miâ bô 
2 Likes
"A-ian" oân-ná ū-iáⁿ góa ê miâ, chhiūⁿ goán a-kong miâ lāi-té ū 1 jī Choân-chiu ê "Choân", lâng thàu-té ē ka kiò "A-chôaⁿ". ^^
1 Likes
Liáu-kái, án-ne to̍h lóng kiò
1 Likes