這套歷史解說,完全乎你想袂到。
埃及金字塔ê起造,毋是對外位搬石頭,是用原地土粉灌模,用Hàm鏡去鎔(iûⁿ)石頭,蝕刻(sit-khek)、澆鑄(kiau-chù)。
對埃及,連到中美洲金字塔,然後南美馬丘比丘,出海到復活節島(Koh-oa̍h-choeh tó),到澳洲,攏有相像(sio-siāng) 个蝕刻、澆鑄灌模技術。
對埃及ǹg東,到印度,到吳哥窟,仝款有澆鑄灌模技術个痕跡(hûn-jiah)。我甚至想起咱澎湖个海底古城,嘛是用規塊石頭去「削」出真媠个直線。
咱以早想講,這若無靠外星文明,咱人實在做袂到。治這塊影片內攏有真完整个解說。
伊講這寡文明遺跡(ûi-jiah),攏是烏人所創造。