新手請先好好仔讀咱个問答・𤆬路說明。「食飽未」主要是卜乎人一个全台語个社交平台。此不是講干焦塊討論台語定、任何主題朗會使得！
是按盞無愛直接用面册、推妥等其他主流社交媒體？
一般主流社交媒體只馬朗有一卦有志建立「台語篐仔」。此當然誠好！不閣到今閣定定抵着真「無受歡迎」个狀況。《食飽未 Chia̍h pá ·bē》完全無仝。治者台語是主流个溝通語言。只要汝寫有規矩个台語文字、咱朗袂排斥。
我會曉講台語、不閣袂曉寫台文、我卜按盞做？
咱有一个專門「學台語」个開講埕。自學資源治靴朗尋有。閣通問有關台語也是台文个問題。
足賛成！卜按盞鬥相共？
主要愛定定來波文！另外有幾若項通鬥相共：
- 指導 - 初學者朗對無仝背景來、可能有足多問題。有耐心个有志請看「學台語」埕看咁有省通鬥相共。
- 翻譯 - 那看着怪奇个台語也是夭未翻譯（英文）个部分、請治「本平台」埕來講。
- 做埕長 - 同意食飽未个概念、有法度保持冷靜个態度、看有台語个有志。先參加一段時間即來甲阮講汝有興趣做埕長。
For people just getting started and not yet conversant in written Taioanese, head over to the Learning Taioanese sub-category to look for self-study resources or to ask any questions you may have.