#台文進一步教學思考 & 2014新台語運動感想

#台文進一步教學思考
這教學原底是朋友相招來教,照課程安排一禮拜兩點鐘免幾禮拜,阮大部分同學是有辦法用辭典等資源日常自學

若進一步我看課程是愛生活中去思考,親像分享新/舊詞 ê 構詞分析(ia̍hsī 提問造新詞來激頭殼)、語句用法等來訓練咱 ê 造詞/造句/文學能力(分析作品),這是需要長期來學習 kah 分享討論--ê

詳細探討我 ê 分類是有

  1. 書寫方法探討:如何改進書寫方法會教卡輕鬆讀卡緊卡好,親像 "Tâioânjī台灣字" leh 探討無用 " - " 書寫,1941《大學精詳》有可能是頭一本以這 ê 原則書寫出版--ê,台文前輩 mā 有人 leh 用 ia̍h是 tī 論文提--tio̍h 這種改變 ê 想法

  2. 古今歷史事件&文獻閱讀:起源到現代衝突事件了解,了解鄰國到世界各語文歷史文化發展狀況 mā 真要緊,咱是有「台語文記憶、台語文數位典藏資料庫」(各種19、20(1)世紀 台文 文章)

  3. 語言學:發音方法到相關現象等,無介了解是無影響,這是愛專門去研究--ê

  4. 作品/作者:分析,無一定台文作品,思考如何用台文表達

  5. 用語用詞構詞方法/詞源思考創新:了解各種詞源、咱 ê 文化底蒂到創新

  6. 教學方法探討:如何教卡好,學習順序、教學意義、活動方法等

  7. 媒體傳播方法學習:如何經營/表現,先觀覽目前已有 ê 台文創作者到各種創作者如何崛起(くっき),簡單是看伊歷史 ê 改變來分析

  8. 台文美感探討運用:親像如何 tī 台文規範下設計會卡水卡唌--人,tī 各種素材,衫仔、揹仔、雨傘、碗箸 到 khanpáng,音樂 mā是

  9. 台文家私探討研發:這卡技術面,目前我想 ê 是台文輸入相關--ê

  10. 台文運動攻防:突破中語殖民體制/社會對台文阻力現象 ê 策略戰術組織探討
    ------

若有心歡迎做伙來交流。

#2014開始ê新台語運動

看 ITâigí ê "Hackpad" chiah 知 這ê 計劃上早應該是2014年 開始,chiah 了解我入大學校外學台文到轉學讀專門科 mā 算是第一代 ê 新台語運動參與者,2016有算是卡好用 ê 輸入法家私出來、詞典、各種類型 ê 創作 leh 行 leh 試,我 mā 有出力(創作寫文...儘量--lah),一直到今2021年 beh 畢業 ê 這陣是真正加真完整--ah

Ánne 今 參與--ê 是第二代 ê 新台語運動者--ah
(有高中大學生 tngleh 學 tngleh 關心是有影--lah~

iTaigi愛台語 新台語‧運動(Hackpad)

2 Likes