Processing: vivaldi_2022-04-21_16-40-57.png...
原來 π 是直徑（diameter/直径） kah 邊相添（circumference/周囲/邊和） ê 比例關係！我有影開始 leh 想咱基本學科 ê 訓練無應該閣分科，著用主題一步一步去講
親像數學愛直接應用講自然物理化學生物環境天文通訊記錄機器控制預測（註1）、語文課 mā 愛講世界文化藝術歷史政治社會、體育身心理人際代誌 ê 意義 mā 閣會牽去科學生物社會歷史去、藝術音樂遊戲講古講新當然 mā 是會去 kah 語文化歷史政治社會世界牽牽做伙，勿閣離地 m̄知 leh 學 siàⁿ--ah，代誌攏是有交插，有路用--ê。
我是相信講咱 m̄免 siàⁿ 攏會曉、咱 ia̍h m̄是聖人代誌攏著，至少咱自由這點愛講，咱是愛引chhōa 後輩，kā in 講咱看過 ê 山頭、可能有 ê 世界，凡勢咱 kākī 無法度到，咱是 ētàng kā 後輩 相thīn，hō͘ in 資源、資料、經驗--lah，hō͘ in 去 kah in ǹg望--lih 山頭愛有 ê 力量。
註1：古早人地球 gōa 大如何算開始來講數學發展史到問題收集發現、趣味專案、解決生活問題直接應用來算各項變數實驗觀察等，這項先舉--lah。