我認為知識傳播應該愛是免費--ê 咱學語文無需要背，無需要 pùnsò（垃圾）單詞冊，啞免低路課本，因為 chia--ê（這些）根本 tō 無法度乎學習者感覺有趣味有路用，我舉一例，你咁有想過，啞是有人 kā（跟）你講過「Bye」這詞 ê 原意是 siàⁿ（什麼）？
伊其實是英語古寫法＂God be with you＂ê 意思，神 kah（跟）你做伙，尾仔變 be with you，最後變做＂Bye＂－ 非常文化意涵 ê 一句話，這是我講--ê 目前課本 ê 低路，無法度乎你 kah 生活有關聯、有了解
我另外講一例，親像這（圖一）＂ininder＂，品牌叫 Kinder 咱攏知，ah 你咁知影這 Kinder 是 siáⁿ 意思？
Kinder 是德語 ê 囝仔，chūánne（就這樣）英語有 Kindergarten，幼稚園，不是 Childgarden，英語是一種各種語言透濫書寫 ê 一款語言，這是羅馬字書寫語言 ê 正常
用這來講一例，英語 tī 歷史關係受法國人統治過，多多名詞甚至會有兩種講法，親像，你咁 bat（曾）想過英語 chhòngsiàⁿ（幹麻） 愛用 Purchase 閣用 Buy，明明意思是仝款（一樣）？另外羊豬仔牛叫 Sheep、Pig、Cow，肉 soah 是 Mutton、Pork、Beef？
另外趣味--ê 是，咱這外來語 Chiokohlétok（招閣禮篤／巧克力）tī 各種語言攏真成（像），德語：Schokolade、露語羅馬字：Shokolad、義語：Cioccolato、日語羅馬字：Chokorēto、法語：Chocolat、英語：Chocolate
－－－－－－
所以我希望講--hoⁿh，語言是 se̍ksāi（認識）知識 ê 鎖匙，咱勿受縛 leh（在）中文世界，當然台文是好，資料無夠是有影
你若有閒有才調學，咱做伙來學習，我只是一位 #無資本無薪水_家私材料咧準備 ê #台文系準畢業生 真無路用，今只有辦法免費提供 chia--ê，語文教育愛是免費
我會用咱做伙看影片（圖二）、查資料 ê 方式來學習，你若聽無我聽有會解說，乎你辭典免查，就算你不知愛看、查 siàⁿ，我是通（能）根據你所愛、所專業去乎你建議、教你我平常 ê 學習方法，做伙來精修！
目前我語言認證是（圖三）
１．台語中高級，台文 tú（剛）學一年時去考--ê，到今已經四年閣過--ah
２．客語中級，我是通乎你學習建議包括資源等，因為身軀邊基本無人 leh 用，我聽讀卡有中級程度
３．英語 Toeic 845，我是露（婐）考，考前知影有 200題--niâ（而已），倡議考試 pùnsò 參考冊我是一頁無摸，我真 tūlān（幹）大學強制外包英檢測驗，免講報名時特別來批講我台文名愛特別證明（ah 幹我 nà 有才調舞這去護照換新）
到考場狀況啞無乎我失望，親像調查母語無台灣語言選項要求台灣考生寫是中語，我隨 chhìnchhài（隨便）寫一碼，顛倒會要求香港學生母語調查碼寫廣東話，閣有官方代碼明明寫 Taiwan，考官自行講這代碼是中(華民)國，kàn！
目前日語 N2 準備中，另外對我卡多能力有興趣，這篇來看，不時更新．．．
台文系準畢業生 leh 思考出路，有閒歡迎來建議 ＞＜
－－－－－－
有需要愛講 ô͘，我 mic 愛來去買，看人數規模時間才來 chhiâu（調整），我認為這是 ta̍kkang（每天）愛學--lah，無壓力啞無法度過量，只是愛做，親像簡單運動健身食飯 ánne（這樣）
－－－－－－
最後補充我目前對咱台文箍仔 ê 想法
「土匪來搶了，派人監控驚你報仇反擊前因勿講，我今是感覺咱台文親像一棟 súisúi 外表，欠水欠電 ê 厝，水電無才調處理只好裝潢閣卡好、房間設計空間規劃愈幼路，人愛褒當然褒外表，總--是欠水欠電．．．」
就是講，愛有本錢（企業等做伙來）才有武，有武才有法律、教育，法律教育執法完善才有資格收「保護費」（親像中殖，kàn！）