kángTo͘
(Káng-to͘ ブルース)
1
Nā kóng in-ūi bē-sóng chiah bô ài o̍h PE̍H-ŌE-JĪ, án-ne chin-chiàⁿ sī siūⁿ siuⁿ chē ā, in-ūi liân bē-sóng to̍h sī khan-thoa ê lí iû chi it, bô kóng chhut chhùi ê hit kú ōe, to̍h sī bô lī-sûn, o̍h beh chhòng sáⁿ?
Nā sī sim-lāi chin chiàⁿ jīn-ûi o̍h ē-hiáu siá ka-tī ê bûn-jī sī chi̍t kiāⁿ chì tiōng-iàu ê tāi-chì, án-ne khòaⁿ siáng bē sóng, in-ūi i leh iōng pe̍h-ōe-jī só͘ í góa to̍h bô siūⁿ beh o̍h?
Góa kài ài ōe tô͘, kiat-kó góa khòaⁿ goán tau hāng-á kháu ē-hiáu ōe tô͘ ê lâng kài bē-sóng, só͘ í góa to̍h bô ài o̍h ōe tô͘ ā?
Góa kài ài chú-chia̍h, m̄-koh góa hit-kang khì hit-keng chhan-thiaⁿ, khì hō͘ in ê tû-chí khì tio̍h, só͘-í góa to̍h bô ài o̍h chú-chia̍h--ah?
Góa chok siūⁿ beh ē-hiáu kóng Ji̍t-bûn, m̄-koh mó͘-mí kóng Ji̍t-pún ōe ê lâng, i kā góa mē, só͘-í góa to̍h bē-giàn o̍h Ji̍t-gí--ah?
Bô chit lō tāi-chì--lah, tio̍h bô? Chi̍t tōa tui phian chhut-lâi ê chioh-kháu, lí mā beh sìn, thiaⁿ kah hīⁿ-khang phak-phak chin-chiàⁿ sī "Hâu sâ hâu thian chng".
Si̍p tāi lí iû chi It: I kā góa pháiⁿ, góa bô ài o̍h--ah lah.
3 Likes
Chit-khoán hiān-si̍t ê lâng, chit-má ūi-tio̍h Chi-ná-gí ê hó-chhù khòaⁿ Tâi-gí bô.
Tâi-gí nā ho̍k-chìn sêng-kong, in beh o̍h tio̍h bē-hù--loh.
3 Likes
kángTo͘
(Káng-to͘ ブルース)
3
Láu-si̍t kóng, beh o̍h m̄ o̍h sī kò-jîn ê chū-iû, góa si̍t-chāi sī bô sáⁿ mi̍h ōe thang kóng, m̄-koh góa ē tiau-kang lâi liām che, sī in-ūi ū ê lâng khak-si̍t to̍h bô siūⁿ beh o̍h, m̄-koh iû-koh ài ké kóng kài siūⁿ beh o̍h, chí-sī án-chóaⁿ án-chóaⁿ chi̍t tui lí-iû, khoaⁿ kah chok siān--eh, bêng-bêng to èng-chhài, koh tī hia leh ké ū sim, si̍t-chāi āi kài kò͘ lâng oán.
3 Likes
Chit-má koh ke chi̍t kù: Góa mā ē-hiáu kóng Tâi-gí, lín hia--ê siá Tâi-bûn--ê sī kài gâu nih, beh tāi kâng pháiⁿ!
: Chit 2 kiāⁿ tāi-chì tàu-té ū siáⁿ-mih koan-hē... ( •᷄⌓•᷅ )
1 Likes
kángTo͘
(Káng-to͘ ブルース)
5
Chit piàn ê khí in sī ū lâng khì hông B, hông B chún soah, soah kóng kah piàn-chò, i bêng-bêng to̍h sī leh thui-kóng Tâi-gí (góa siūⁿ kā i B ê lâng chí sī sú-iōng chiá, bô thui kóng), góa ka-tī koh kui-kang kóng Tâi-gí, sī án-chóaⁿ beh B kóng Tâi-gí ê lâng?
Koh lâi tāi-chì koh kè-sio̍k kún-ká, piàn kàu to̍h sī lín chit phài thài-tō͘ lóng ū kàu bái, siáng beh o̍h, lú seⁿ lú che ōe...
1 Likes
Beh chhui-sak o̍h Tâi-gí, tio̍h sī ài chhōe-tio̍h ē kian-sim koat-chì o̍h Tâi-gí ê lâng, hoān-sè tio̍h-sī sim-lāi iáu-ū hit ê kin, iá tio̍h-sī tùi Tâi-oân ê thiàⁿ-thàng.
In kóng chhui-sak soah kóng kah kah in bô jīm-hô tī-tāi, ū sim-sek lo̍k-thiòng chiah beh o̍h chi̍t sut-sut-á.
In ê thāi-tō͘ bē-su sī tùi Tâi-oân bô kám-chêng ê gōa-kok-lâng.
1 Likes
Che su-iàu ki-iân kah sî-kan, góa chìn-chêng mā kāng-khoán.
Éng-kòe lí nā mn̄g góa kám chi-chhî pún-thó͘ gí-giân hoat-tián kah kàu-io̍k, góa choa̍t-tùi lóng ē chi-chhî, m̄-koh he to̍h-sī khiā hn̄g-hn̄g su-khó, tit ·tio̍h chi̍t ê "pún-lâi to̍h èng-kai siú-hō͘ bûn-hòa" ê kiat-lūn niā-niā, bô kám-kak he kah góa ū tī-tāi.
Góa chiok òaⁿ chiah hoat-hiān ui-koân si̍t-bîn ê khang-chhùi, ēng gí-giân ê hêng-sek lâu tī góa sin-khu-téng. Che sī góa o̍h ê sî-chūn chhōe chu-liāu, chiah bān-bān-á lí-kái ·ê, lí-kái o̍h Tâi-gí chit-kiāⁿ tāi-chì kah o̍h it-poaⁿ gōa-gí bô-kâng. Só͘-í chí-iàu ū khai-sí chiap-chhiok chóng-sī khah-iâⁿ bô.
2 Likes
CteaX55
(Tek D.)
9
十大理由 (x
十大屁由 (o
Beh學bôài學爾lah。
講真ê，毋過就是羅馬字，是有guā否學？
英文用26ê字母，每隻ê攏會用著，母音卻隻大堆，學起來攏無問題。
抑台語會用著ê字母比英文卻較少，母音mā 6 ê 爾爾。
學英語無問題、學日語無問題，學台語就問題攏來ah？
無心beh學就閃較邊ah lah，beh哭𩚬去高速公路面頂哭𩚬lah。
2 Likes
