碼米愈斯(Bé-bih Lù-suh Babe Ruth)是米國職業野球歷史上、siōng介代表性ê双刀流(二刀流)選手、會投閣會貢、八做投手kah外野手、生涯中期漸漸固定用打擊者个身份来出賽。帶領某斯棟紅襪仔隊(Bó͘-su-tòng Boston Redsox)嬴tio̍h三pái个世界大賽冠軍、嗎帶領梁約俱央企斯(Niú-iok-khuh Iáng-khi-sù Newyork Yankees)嬴tio̍h 4改个世界大賽冠軍、是米國野球史上、siōng介出名ê球員之一、逢敬稱做是野球之神。2005年tī米國所舉辦ê投票活動《siōng偉大ê米國人》冬中、碼米愈斯排治第14名、去逢選做是米國siōng介偉大ê人物、排治第14位。
囝仔時
1895年、碼米愈斯出世tī米國東部包治摩市(Pau-tí-mo͘h Baltimore city)。因爲家境無好、因父母為tio̍h卜擔起厝內个柴油鹽米醬醋茶、逐工無閑塊做空課、足骨力塊趁錢、soah致使講無喜號ê心神kah時間通去照顧碼米愈斯、對伊个敎育有疏忽去。無人管教ê碼米愈斯煞泉仔無意中去學歹去、親像講會去共人偷提物件啦、含人寃家相打啦、種種不良个行為。做學生囝仔讀册个順、伊去hông退學五pái、一直到第六擺去學校讀冊、tú-tio̍h一个成愛心ê老師馬謝次(Má-sia-chhù Marshez)了後、chiah真正改變伊ê一生。馬謝次用伊个愛心去共碼米愈斯感化、hō͘伊總算是下決心卜共永擺仔所有ê pháiⁿ習慣朗總改掉。因爲碼米愈斯無愛讀冊、馬謝次着搥運動方面去探伊ê潛能、soah按呢来去發見講碼米愈斯tī野球方面ê天分、泉仔教伊骨力練野球。乎碼米愈斯tùi一个kui工浪柳嗹、含人絞群成黨ê m̄成gín-á、變做一个熱愛野球ê熱血少年。
因為碼米愈斯ê手骨粗勇、臂力袂呆。頭起先ê守備位置是捕手。不離過碼米愈斯个慣用手是倒手、永拵仔倒手ê野球手套iáu未量產、無省人塊做、所以那對手塊盜壘偷走个順、伊tio̍h愛代先kā手套剝掉、了後隻閣kā球傳慰二壘去。着凖講是按呢靴無方便、伊云那有才調通靠伊驚人ê臂力kā對手封殺掉、有一工、碼米愈斯因hit隊ê投手一直去逢貢安打、碼米愈斯tī事先無接着通知ê狀況下、peh起lih甲投手崙仔頂、擔任投手、碼米愈斯不八做過投手、所投出來ê球速煞真緊、閣真gâu nǹg。此後碼米愈斯泉仔改做投手去。
大聯盟生涯
碼米愈斯初初是用投手个身份去kah 包治摩金鶯隊来簽約、m̄-koh金鶯隊tī 1914年發生財政問題、泉仔kā伊轉賣hō͘某斯棟紅襪仔隊、繼續塊做投手。因為伊優秀ê成績kah防禦率(ERA)、碼米愈斯成做紅襪仔隊斯當時ê王牌投手。
1920年紅襪仔隊用十萬篐美金ê價siàu、kā伊賣去hō͘央企斯。因為許拵仔央企斯以經有幾nā位優秀ê投手、碼米愈斯泉仔轉任做外野手。煞因爲按呢閣来展示着伊貢皇魩籠(Hông-but-láng 全壘打 Homerun)ê天分、嗎因為án-ne去創造bē少記錄。1935年閣逢慰央企斯賣去某斯棟勇士隊、tī喜年来結束伊个職業生涯、宣布退休、留bē少記錄治レ、其中714枝皇魩籠个記錄、一直到1974年chiah去乎杭俱阿郎(Hàng-khuh A-lông Hank Aaron)破去。
1936年成做頭批入選野球名人堂ê 5人之一。1998年運動新聞kā伊排帶百大野球員ê第一位。1999年由球迷選入世紀球隊。梁約俱央企斯 mā 將伊背號3號个球衫、永久退休。2006年去乎碼里放次(Bé-lí Pàng-chhuh Barry Bonds)打破倒手打擊者siōng chē皇魩籠个記錄。
碼米愈斯个咒咀：故事个起頭是治1918年某斯棟紅襪仔提tio̍h世界大賽冠軍了後、球隊个頭家為着卜解決財務問題、講kā球隊陣容中个王牌明星碼米愈斯、高價賣hō͘世仇梁約俱央企斯。此本成是一个商業ê行為娘、m̄-koh某斯棟紅襪仔煞tī此後ê八十六冬內、朗kah世界大賽冠軍無緣、無閣提着世界大賽冠軍。一直到2004年chiah koh再度嬴着世界大賽冠軍。民間流傳八十外冬前、碼米愈斯知影講ka-tī去乎紅襪仔隊賣掉ê時bat講過：「我咒咀紅襪仔隊tī我百年了後个一百冬內、永遠朗the̍h bē-tio̍h總冠軍」。
皇魩籠个預言：1932年ê世界大賽、碼米愈斯tī第三个打席、手伸出去、指向搧搭(siàn-tah center中外野)ê露天看台。後一球着kā投手所投ê球貢慰手指頭仔所指ê看台方向、ba̍uh 一枝皇魩籠。
碼米愈斯是米國野球界siōng介偉大ê球員、mā是永遠ê傳奇英雄。事實、治喜ê年代、野球ê發展是卡偏向小球文化ê比賽、1900年代到1920年代甚至閣hông講做是野球ê死球時代。斯當時野球个比賽用球m̄-nā不比只馬个比賽用球隻哖仔賢彈、有彈性、投手koh通騫嘴瀾球(手指頭仔戈卦嘴瀾、也是屁卦嘴瀾、落去沙球来騫)、所以講卜貢長打、球卜貢遠是真惡貢。按呢个緣故對打擊者是非常个不利、不隻打擊者一般的朗kan-taⁿ想講卜kā球貢慰防守ê籠縫着好、in想講八搭大下共hàiⁿ出去卜ba̍uh 長打个機會成kē、風險koh siuⁿ高、按呢根本刀袂和。M̄-koh、一直到碼米愈斯貢皇魩籠个表現chiah hō͘逐个了解tio̍h大砲ê皇魩籠效應、共野球引𤆬到新ê境界。
1919年碼米愈斯iáu tī紅襪仔隊塊做投手ê時、着以經塊創造歷史啊。當年伊單季貢29枝皇魩籠、打破許拵仔个記錄、1920年、1921年koh連續破大聯盟單季皇魩籠个記錄、1927年koh創下單季151場比賽貢60枝皇魩籠ê記錄。Bat 6改去the̍h着打點王、12改去提着皇魩籠王、職業性命有四个球季打點卡加150分、四个球季皇魩籠貢超過50枝、十个球季皇魩籠貢超過40支、chia ê記錄到taⁿ iáu是大聯盟个記錄。