治木栅帶足久、只馬知影加治帶兮所在兮過去•歷史•文化、有影是拾着寶！
文山（Bûn-san）：卡早號做「拳山堡（kûn-san-pó）」、尾仔在地仕紳共改做發音較瓦兮「文山堡（bûn-san-pó）」。
木栅（Ba̍k-sa）：卡早移民為着卜防原住民出草、做木栅。
景尾（Kéng-bé）：佇木梘上尾的所在、所以號做「梘尾（Kéng-bé）」。治日本時代、改做「景尾」。戰後、改做「景美」。
木栅路：日本時代是輕便車路、鋪鐵枝兮人力車、因為木柵者兮炭礦足多。
萬芳（Bān-hong）：因為有「萬」隆煤礦甲「芳」川煤礦。
馬明潭（Má-bêng-thâm）：卡早有8个原住民治潭lih泅水、其中1个淹死（im--sí）、另外7个治潭邊哭、因「哭」兮發音着像「má-bêng／má-lêng」、尾仔着號做馬明潭。
溝子口（Kau-á-kháu）：因為治梘尾溪兮溪尾、所以號做「水尾（chúi-bé）」。閣因為靴抵仔好治附近山溝流去梘尾溪兮入口、所以閣號做「溝仔口」。
