＊台灣語文學畢，問咱第一線教育工作者：請問咱完整 ê 台灣語文（國語文課綱形式完整12年）應該生 siáⁿ款？進前《台語文中學教學教材》出版阮先生寄一本 hō͘ 我，有問阮先生這路問題，伊想法無詳細講，大概 mā 知影這路問題。
就我了解目前高中小一禮拜一節，教師數量差中語10倍有--ê 台灣語文課是用學外語方式去安排課程內容，若準咱有完整--ê 教育資源，伊愛是siáⁿ款？？？
（補充個人觀點 leh 留話區）
我知影咱台文作家、使用者這三十年 mih仔 有影寫 kah 一牛車 tútio̍h 厝eⁿ--ah，所以這到底是 beh 按怎用，我相信咱以早無選擇讀 roC國語文課 應該是無講ta̍k篇課文攏愛--ê--lah，ah 咱是 beh 按怎 hō͘ 學生會歡喜 kah意 感覺學習有意義--leh，ia̍hsī 講學生有歡喜、感覺學習有意義 chia--ê 一點仔著無要緊親像 in chitmà roC leh "lu"--ê ánne...？
論真講我啞是最近幾ā年才知影人歐美國語文課是讀完整 ê 冊去教mih仔（詳細歡迎補充，有關英美教 in 國語文，我 túá 問 AI 有卡清楚--ah，通常課本 m̄sī 主要教材），m̄sī 親像咱今 roC國語文課 kéng 各種作家課文片段 ánne leh 舞--ê 親像看一堆頭殼內記無半撇因為對大部份人真正是無感覺、教學現場普遍無鼓勵討論思考、m̄知影意義，上課來睏、看小說、漫畫卡有影（害--ah，咱台文課若感覺無聊 beh 看各種主題有意思--ê ia̍h 無通仔看，kám 著看外語--ê？這陣開始翻譯協商各種出版應該啞愛30年，無著手機仔頂頭四界póe tio̍h好？）
著是講有總總以上＂Why＂ê 代誌（beh 按怎盡量 hō͘ 學生真心感覺學習有意義）愛先討論，確定策略戰術，閣來若論台文課，做一位現代人應該學--ê，我目前簡單想是分做三類pa̍k做伙互相加強，一是基礎應用，寫日記（觀察、表達情感投射、描述場景人事物、對話氣氛等），二是思想，針對各種問題議題去論述、分析、尋資料、論證觀點、勇敢辯論哲學思考 ê 能力，三是世界觀，世界各主題文學、非文學作品（親像產業故事、報導自傳有關社會歷史等）／文獻欣賞，最後 tio̍h 愛 gia̍h筆實驗、鼓勵發表（閣有是愛用主題去學，m̄是用文體去學，文體是次要看狀況條件使用，內容才是主要）
講實在「這三類」我著無法度講我 tī 阮台灣語文學系有學通透才畢業--ah，到今ia̍h是感覺不足（這有影 kah 阮科閣分做語言、文化組有關係，總--sī 我一直認為阮本科無論有分組無，畢業生普遍能力水準無夠是有影，ah 別科專業--ê 若無閣來加學台文，用台文講 in 會曉 ê 專業知識 ánne 咱 māsī 袂成功，雖然就我了解非台文本科--ê 學台文會卡認真過台文科--ê 這是有影）
可能 ia̍h 我菜鳥仔無經歷 siuⁿchē 社會現實（？），我一直想講若 chitmà 無法度完整去教我以上想--ê 這三類，無法度有組織一陣人來討論來完整，不如放sak beh 尋台文頭路 ê 想法閣去修練，尋一份對我卡有未來--ê 頭路才看以後台文教育 beh 按怎組織按怎舞才會完整，橫直 chitmà 照 ánne 行是袂卡好，總--sī 愛 kākī 開一間
－－－－－－
＊台灣語文學系畢最近roC做兵了，台英B2(實際↑)、客語中級、日語N2無過差聽力日常繼續用，關心世界議題語文歷史科學等，興趣mih仔、餅pháng kākī 做，體能有過志願役標準今不時運動 sńg 橫篙中
1 Likes
美國高中攏是予學生讀重要ê小說。我ia̍h會記leh ê有 John Steinbeck ê The Grapes of Wrath、Of Mice and Men。F. Scott Fitzgerald ê The Great Gatsby。J. D. Salinger ê The Catcher in the Rye。Harper Lee ê To Kill a Mockingbird。mā有讀 Hemingway。後來開始讀一寡古早英語，親像是早期現代英語ê莎士比亞，中古英語ê The Canterbury Tales。上古英語ê Beowulf。
應該沒啥物是”現代”寫ê。Siōng接近ê冊，To Kill a Mockingbird，mā是1960年代就寫ê。
4 Likes