Tī teh 1627 年，有一ê 皇帝，伊ê 身世是一 ê 足傷心ê 故事。
彼工透早有一點仔寒，風微微仔吹 -- 來，樹葉 ta̍uh-ta̍uh-á 飄 -- 落 -來。
「今仔日，thài-ē 小可仔寒寒，我想我愛穿 khah 厚 --ê 衫 oo!」阿珠講 kah teh phi̍h-phi̍h-chhoah。
有一 ê 足粗殘 ê 查某人想 beh 對彼ê 阿珠想空想縫， beh 害死伊腹肚內底ê gín-á。
「Aih，你有照我吩咐ê 代誌做無?」彼 ê 奸巧 ê查某人叫做阿美仔，伊是一ê 足 hiông ê人。伊對伊 ê 下跤手人講。
「有--ah! 你交代 ê 藥仔，我lóng chhuân 好勢--ah!娘娘m̄-bián 煩惱--o͘h!」伊講 kah 足有信心 --ê!
這 ê 時陣，彼 ê 君皇ah koh m̄-chai 伊上愛ê 查某人，阿珠 beh hō͘ 伊另外ê 妃陷害。
「我 ê 藥仔敢好--ah?最近身體無爽快，有可能是有身ê 關係喔! 我愛 kah 細膩--leh!」阿珠講 kah身軀 teh phi̍h-phi̍h-chhoah，kiōng beh昏--去。
「Aih，你去灶腳chhôan 好 ê藥仔倒 -- 入 - 去，跤手愛 kah 緊--leh--喔!」
「我 chai-iánn--lah！趁無人趕緊用喔!」
這時，he毒藥kā 伊 khǹg 入去beh hō͘ 阿珠lim ê 藥湯內底。
阿珠這 ê 時陣並無發現伊 beh lim ê 藥仔hō͘人動過跤手--ah!
阿珠 ê 下跤手人驚他ê gín-á 會無 -- 去，趕緊phâng 藥仔hōo伊lim，m̄-koh 伊m̄-chai-iánn he藥仔 hō͘ 人動過跤手--ah!
「我 lim 好--ah!感覺身體有 kah好--ah! 多謝你喔!」阿珠對伊 ê 下跤手人阿竹仔說多謝。
彼 ê 君皇伊上愛ê 妃阿珠，伊 koh m̄-chai iánn 伊 ê愛人已經 hō͘ 彼ê 阿美仔下毒藥，彼ê 阿美仔就代誌大條--ah!
隔工，恐怖 ê 代誌發生--ah! 阿珠伊無醒 -- 去 - 來，而且伊ê 眠床lóng 是血，伊 ê 下跤手人阿竹看著，驚kah beh chhoah-sái--ah!伊趕緊chhōe人kā 君皇講。
過無偌久，彼ê 君皇趕緊去伊心愛 ê 查某 ê房間，beh kah 看 māi 伊這馬身體ê 情形an-ná!
「阿珠ah，你緊醒-- 去 - 來，我 beh kah 你講話，我是你ê 翁--lah!」君皇看著伊按呢，伊是足傷心 kap 鬱卒 --ê，koh 哭 kah 目屎 sì-lâm-suî。
這時阿珠 ê ba̍k-tsiu thí開--ah!伊講：「我是按怎ah!敢講昨昏我 lim ê 藥仔有問題? 」阿珠講話無啥氣力。
「我 ē 叫下跤手人去查看 māi，是啥人kā你陷害 --ê! 阿珠你放心，我一定會ē lia̍h-tio̍h 害你 ê 兇手!」君皇講 kah 足大聲--leh!
過無幾工，君皇已經調查出來是啥人 teh 動跤手，彼ê 害人 ê 阿美kap 伊 ê 下跤手人，真正是chhoah teh 等--ah!
「阿美，你足雄 --ê，敢對我心愛 ê人下毒手，來人--ah! Kā 伊拖去大牢!」君皇講kah氣phut-phut。
阿美仔伊hông 關入去內底，逐工lóng gōng-sîn，嘛分bōe 清楚這馬是 ē-chai-á ia̍h-sī 暗時仔。
「君皇，我ê gín-á 敢保會tiâu? Hō͘ 彼ê 人創治kah按呢， 我實在是足傷心 --ê，ah chún講伊是一 ê好人，結果變kah 按呢!」阿珠講話講 kah beh 無力--ah!
「你放心，我一定chhōe上好ê 太醫 kā 你醫，咱 ê gín-á 會保tiâu，你放心--lah!」阿珠聽君皇按呢講，伊就加足放心 --ê，嘛足有信心 --ê!
（半冬過 -- 去--ah!）
「咱 ê kiáⁿ 出世--ah，有夠歡喜 --ê!」阿珠講 kah流目屎。
「好佳哉我 chhōe-tio̍h bōe bái ê 太醫，ah 無若 làu-the，我絕對叫人kā 阿美chām-thâu!」君皇講 kah 面lóng紅貢貢，buē-sū 足受氣 --ê。
「你 m̄-bán 氣--lah! Gín-á m̄-sī 好好， m̄-bán hiah-nī 絕情-- lah!」阿珠講che 想 beh kā 君皇姑情。
「你就是傷過好心koh 善良--ah，我會愛你m̄-sī無原因 --ê，m̄-koh彼ê 惡人我bōe 放伊出 -- 來，伊實在傷過兇--ah!」君皇講 kah 面 lóng 紅 -- 去--ah!
「好 lah! Mài koh 講--ah! 咱講 pa̍t-hāng 好--無? 你看，咱 ê gín-á 足古錐 --ê neh!」 阿珠講 kah 微微仔笑。
「以後，我這 ê位就是 beh hō͘ 這 ê 查埔kiáⁿ喔!阿珠請你放心喔!」君皇拍胸坎保證。
「好--ah! 有你 tī leh，我加足放心 --ê，ah 我先歇睏 --chi̍t-ê喔!」阿珠講 kah teh hah-hì--ah!
「按呢，我就 mài 攪擾你--ah! 你好好仔睏喔!」君皇講 soah，就離開伊 ê 房間。
（1 冬 koh 過 -- 去ah!）
「我 ê 寶貝 gín-á，是按怎你就按呢過身--ah!我真正有夠傷心 --ê!」阿珠哭 kah有夠悲傷 --ê，自從伊 ê gín-á 過身了後，伊就逐工lóng teh 哭，一直哭bōe--soah，結果soah 傷心過度，伊破病-- ah，本來伊 ê 身體就無啥物好--ah!這件代誌了後，伊 ê 身體koh jú bái。過無偌久，伊就去做仙--ah!
因為傷過傷心，這 ê 君皇tī in-bó͘過身這冬了後，嘛 tòe 伊去--ah!
Che 是一 ê 悽慘 ê 愛情故事，君皇伊是一 ê 足癡情 ê 查埔kiáⁿ。
＊刊tī台文戰線NO.56(2019/10月)