《囝仔王子 Gínná Ôngchú》

《囝仔王子 Gínná Ôngchú》
«Le Petit Prince» in Tâioânese

粘乜注文!Available now!

甲我買:

治册局買:





(Lô-má-jī tī ē té)
(Scroll down for English)


汝咁八買台文册?咁有共讀乎了?我有買幾那本。不閣有冬時仔讀甲足辛苦个。

有冬時仔一卦漢字不知卜按盞讀。着算講字典尋有、無定一字幾那音、我卜揀叨一个?字典那無、着閣恰不免講。

有冬時仔內容、用語足「文言」。那像是共華文也「漢文」直接讀做是台語。台語白話个水氣刀讀袂出來。無定嗎看無省有。

有冬時仔排版・設計、特別羅馬字个部份、感覺欠一戌仔......美感?此嗎袂凍怪人唖。治台灣設計羅馬字實際經驗本成着恰少。那「漢羅」我加治感覺漢字甲羅馬字無介「四配」。羅馬字無親像日語假名・韓語諺文。假名也諺文甲漢字藏做伙嗎誠順眼、四示、足水。一咀四角字、參一卦大細濶狹無一致个羅馬字、我看到只拵夭無慣勢。漢羅寫法嗎無合漢字傳統「直咀」設計。

無、我着想着講、加治來做一个「見本」。我「理想」台語册个形。

抵好、我有看着莊惠平治2004年翻譯个 Le Petit Prince (The Little Prince、華語號做《小王子》)。抵好、莊先生到只馬夭未出紙本。嗎抵仔好、我做囝仔个時拵足愛讀只本册。我知影有其他台語翻譯个 The Little Prince、我加治嗎有買。不閣、我出只本、保証汝不八看過只欵个台語册。只个板本叨位特別賛?

上重要、只本朗用着足口語个台語、讀着真水氣。絕對不免煩惱看無、听無。父母那讀乎囝仔听、因嗎听有。學習台文个少年仔家讀乎阿公阿媽听、因嗎听有。嗎有可能產生逐欵人對台語・台文个興趣。

閣有幾那項足特別个所在。

對正手平掀開有 100% 水冬冬羅馬字台文設計。字骨我加治特別調整。調符扭恰大小可、乎讀者看甲順順順。逐字个寸尺・位置・籠空等等、朗斟酌共調整。按呢羅馬字本身个美感、讀者恰看會着。

那對倒手平掀掀レ、着有足水、足好讀、有影合台語理路 100% 在來台灣漢字。只欵漢字、多數慣勢講台語个台灣人看恰慣勢。我定定听人反應講、教育部个漢字因看無省有。只本寫在來漢字、我宅乎介多人「試」。不八特別學過台文漢字个人、大部份嗎看有。唖當然、幾那字恰罕得看着、我有特別記 Ruby 羅馬字、乎讀者順手讀有。

册尾閣有樵全个羅漢對照表。朗總幾那千語詞甲對照个漢字。那卜學羅馬字也是台語在來漢字、一本册刀扐條唖。按呢、不管汝咁八看台文册、八學羅馬字、八學教育部个「推薦閩南語漢字」、我希望逐家來買一本(也是買二本、一本送朋友!)共讀看覓。

我希望只本册有法度做甲水台文示範个目標。按呢着歡迎來享受只本古錐閣深个囝仔册。歡迎逐家來看阿勇台語、嗎是我只世人頭擺出册、歡迎來看囝仔王子!

按盞買:

  • 直接甲我買。7-11也全家店甲店、也是郵寄甲厝裡。請寫信息乎我。2月初5上市。
  • 册局:誠品、金石堂、博客來等大間網路册局。過年了後上市。

Lí kám bat bé Tâi-bûn chheh? Kám ū kā tha̍k hō͘ liáu? Góa ū bé kúi-nā pún. M̄ koh ū tang-sî-á tha̍k kah chiok sin-khó͘ ê.

Ū tang-sî-á chi̍t kóa Hàn-jī m̄ chai beh án-chóaⁿ tha̍k. Tō sǹg kóng jī-tián chhōe ū, bô tiāⁿ chi̍t jī kúi-nā im, góa beh kéng tó chi̍t ê? Jī-tián nā bô, tō koh khah m̄ bián kóng.

Ū tang-sî-á lōe-iông, iōng-gí lóng chiok "bûn-giân." Ná chhiūⁿ sī kā Hôa-bûn ā Hàn-bûn ti̍t-chiap tha̍k chò sī Tâi-gí. Tâi-gí pe̍h-ōe ê súi-khùi to tha̍k bē chhut ·lâi. Bô tiāⁿ mā khòaⁿ bô siáⁿ ū.

Ū tang-sî-á pâi-pán, siat-kè, te̍k-pia̍t Lô-má-jī ê pō͘-hūn, kám-kak khiàm chi̍t sut-á... bí-kám? Che mā bē tàng koài lâng ·a, tī Tâi-oân siat-kè Lô-má-jī si̍t-chè keng-giām pún-chiâⁿ tō khah chió. Nā Hàn-Lô, góa ka-tī kám-kak Hàn-jī kap Lô-má-jī bô kài "sù-phòe." Lô-má-jī bô chhin-chhiūⁿ Ji̍t-gí ká-bêng, Hân-gí gān-bûn. Ká-bêng ā gān-bûn kap Hàn-jī khǹg chò-hóe mā chiâⁿ sūn gán, sù-sī, chiok súi. Chi̍t chōa sì-kak jī, chham chi̍t kóa tōa sè khoah e̍h bô it-tì ê Lô-má-jī, góa khòaⁿ kàu chit chūn iáu bô koàn-sì. Hàn-Lô siá-hoat mā bô ha̍h Hàn-jī thoân-thóng "ti̍t chōa" siat-kè.

Bô, góa tō siūⁿ tio̍h kóng, ka-tī chò chi̍t ê "kiàn-pún." Góa "lí-sióng" Tâi-gí chheh ê hêng.

Tú hó, góa ū khòaⁿ tio̍h Chng Hūi-phêng tī 2004 nî hoan-e̍k ê Le Petit Prince (The Little Prince, Hôa-gí hō chò "Sió Ông-chú"). Tú hó, Chng S.s. kàu chit-má á bōe chhut chóa-pún. Mā tú-á-hó, góa chò gín-ná ê sî-chūn chiok ài tha̍k chit pún chheh. Góa chai iáⁿ ū kî-thaⁿ Tâi-gí hoan-e̍k ê "The Little Prince," góa ka-tī mā ū bé. M̄ koh, góa chit-má chhut chit pún, pó-chèng lí m̄ bat khòaⁿ kòe chit khoán ê Tâi-gí chheh. Chit ê pán-pún tó ūi te̍k-pia̍t chán?

Siōng tiōng-iàu, chit pún lóng iōng tio̍h chin kháu-gí ê Tâi-gí, tha̍k tio̍h chin súi khùi. Choa̍t-tùi m̄ bián hoân-ló khòaⁿ bô, thiaⁿ bô. Pē-bú nā tha̍k hō͘ gín-ná thiaⁿ, in mā thiaⁿ ū. Ha̍k-si̍p Tâi-bûn ê siàu-liân-á-ke tha̍k hō͘ A-kong A-má thiaⁿ, in mā thiaⁿ ū. Mā ū khó-lêng sán-seng ta̍k khoán lâng tùi Tâi-gí, Tâi-bûn ê hèng-chhù.

Koh ū kúi-nā hāng chiok te̍k-pia̍t ê só͘-chāi.

Ùi chiàⁿ chhiú pêng hian khui ū 100% súi tang tang Lô-má-jī Tâi-bûn siat-kè. Jī-kut góa ka-tī te̍k-pia̍t tiâu-chéng. Tiāu-hû giú khah tōa sió-khóa, hō͘ tha̍k chiá khòaⁿ kah sūn sūn sūn. Ta̍k jī ê chhùn-chhioh, ūi-tì, làng khang téng téng, lóng chim-chiok kā tiâu-chéng. Án-ne Lô-má-jī pún-sin ê bí-kám, tha̍k-chiá khah khòaⁿ ē tio̍h.

Nā ùi tò chhiú pêng hian hian ·le, tō ū chiok súi, chiok hó tha̍k, ū iáⁿ ha̍h Tâi-gí lí-lō͘ 100% chāi-lâi Tâi-oân Hàn-jī. Chit khoán Hàn-jī, to-sò͘ koàn-sì kóng Tâi-gí ê Tâi-oân lâng khòaⁿ khah koàn-sì. Góa tiāⁿ tiāⁿ thiaⁿ lâng hoán-èng kóng, Kàu-io̍k-pō͘ ê Hàn-jī in khòaⁿ bô siáⁿ ū. Chit pún siá chāi-lâi Hàn-jī, góa the̍h hō͘ kài chē lâng "chhì." M̄ bat te̍k-pia̍t o̍h kòe Tâi-bûn Hàn-jī ê lâng, tāi-pō͘-hūn mā khòaⁿ ū. Ah tong-jiân, kúi-nā jī khah hán-tit khòaⁿ tio̍h, góa ū te̍k-pia̍t kì Ruby Lô-má-jī, hō͘ tha̍k-chiá sūn chhiú tha̍k ū.

Chheh bóe koh ū chiâu-chn̂g ê Lô-Hàn tùi-chiàu-pió. Lóng chóng kúi-nā chheng gí-sû kap tùi-chiàu ê Hàn-jī. Nā beh o̍h Lô-má-jī iā sī Tâi-gí chāi-lâi Hàn-jī, chi̍t pún chheh to lia̍h tiâu ·a. Án-ne, put-koán lí kám bat khòaⁿ Tâi-bûn chheh, bat o̍h Lô-má-jī, bat o̍h Kàu-io̍k-pō͘ ê "thui-chiàn Bân-lâm-gí Hàn-jī," góa hi-bāng ta̍k-ke lâi bé chi̍t pún (ā sī bé nn̄g pún, chi̍t pún sàng pêng-iú!) kā tha̍k khòaⁿ māi.

Góa hi-bōng chit pún chheh ū hoat-tō͘ chò kah súi Tâi-bûn sī-hoān ê bo̍k-phiau. Án-ne tō hoan-gêng lâi hióng-siū chit pún kó͘-chui koh chhim ê gín-ná chheh. Hoan-gêng ta̍k-ke lâi khòaⁿ A'ióng Tâi-gí thâu chi̍t pún, mā sī góa chit sì-lâng thâu pái chhut chheh, hoan-gêng lâi khòaⁿ Gínná Ôngchú!

Án-chóaⁿ bé:

  • Ti̍t-chiap kap góa bé. 7-11 ā Choân-ke tiàm kah tiàm, iā sī iû-kià kah chhù ·ni. Chhiáⁿ siá sìn-sit hō͘ ·góa. 2/5 chiūⁿ-chhī.
  • Chheh-kio̍k: Sêng-phín, Kim-chio̍h-tn̂g, Phok-khek-lé téng tōa keng bāng-lō͘ chheh-kio̍k. Kòe-nî liáu-āu chiūⁿ chhī.

Kiàn-pún (Tē it chiuⁿ): https://drive.google.com/file/d/1mmEhHheXmjhwVE_1QQ1pDl8Uai4Zj_I1/view?usp=sharing


Have you ever bought a Taioanese book? Have you actually gotten all the way through one? I've bought quite a few by now, but reading them can be quite a trying experience.

Sometimes I don't know how to read a character. Even if it's in the dictionary, there might be a bunch of readings, so which one should I use? If it's not even in the dictionary, forget it.

Sometimes the passages and word usage are very "stilted." It's like you're trying to read Mandarin or Hanbun as if it were Taioanese. The beauty of everyday down-to-earth Taioanese is totally lost. If I can even understand it.

Sometimes the typesetting or design, especially the Lomaji side of things, are missing some kind of... aesthetic? I can't blame anyone, real-world experience of designing for Lomaji in Taioan is pretty limited. And if it's Han-Lo, I always find that Hanji and Lomaji don't "go together" that well. Lomaji aren't like Japanese Kana, or Korean Hangul. If you put some Kana and Hangul together with Hanji, everything looks perfect, like they were designed to go together (because they were). But a line of Hanji with the odd shapes and sizes of Lomaji all smushed in together, even today I still can't get used to it. And with Han-Lo, you can't really design for traditional vertical text, unless you want readers to get a neck injury.

So, I figured, why not make a kind of "showcase"? My "ideal" version of what a Taioanese book should look like.

I just so happened to come across Chng Hui-pheng's 2004 translation of Le Petit Prince (The Little Prince). And it just so happened that Mr. Chng had never published his translation. And also coincidentally, this book was one of my favorite books as a child. I know there are other Taioanese versions of The Little Prince, I've even bought one. But I guarantee you've never seen a Taioanese book like this. So, what's so special about this one?

Most importantly, the book is written in a very natural, everyday Taioanese. It's a pleasure to read, or listen to. You don't have to worry about not understanding it. Parents can read it to kids, and they'll follow along no problem. Young people learning Taioanese can read it to their grandparents, and they too will be able to follow without issue. It could be a great way to get your friends and family interested in Taioanese!

But there's much, much more.

When you open it on the right-hand side, you'll see beautifully detailed 100% Lomaji Taioanese. Even the fonts were specially chosen and modified, with the Taioanese letters personally designed by me. Tone symbols are bigger, to make for easy reading. The size, placement, and spacing of every letter and symbol was handled with care down to the smallest detail. In this book, I hope Taioanese readers can finally see Lomaji as beautiful in its own right.

But if you open it on the left-hand side, you get wonderful, easy-to-read, tried-and-true Taioanese Hanji. These Hanji are more readable for Taioanese speakers than certain hotly contested "standardized" characters. I've heard a large amount of complaints and feedback from people saying that they can't make heads or tails of the Ministry of Education's "recommended" characters, but I've tried this book with a number of people, and even those without formal education in Taioanese Hanji have mostly been able to read it. Of course, for those rare characters people are less likely to be familiar with, I've added Ruby Lomaji to help with a consistent reading experience.

And at the end of the book, there's even a Lo-Han glossary with a few thousand words, listing both Lomaji and Hanji for easy reference. If you want to learn Lomaji, or Taioanese Hanji, this one book takes care of both. So, whether or not you've ever read a Taioanese book, learned Lomaji, or learned the MOE "Banlamgi Hanji," I hope everyone will pick up a copy (or two - send one to a friend!) and give it a try.

I really hope this project can succeed as a "model" for a well-designed Taioanese book, and that Taioanese authors and publishers will begin to pay more attention to the details we take for granted in "normal" languages. So with that, I invite everyone to come and enjoy this adorable yet profound "children's book." It's my first time publishing a book, so I hope everyone will enjoy reading Gínná Ôngchú!

How to buy:

  • Direct from me. 7-11 or FamilyMart pickup, or delivery by post. Please send me a message. Available from 2/5.
  • Bookstores: Eslite, Kingstone Books, books.com.tw and other big online retailers. Available after the Lunar New Year holiday.

Reading sample (Chapter 1): https://drive.google.com/file/d/1mmEhHheXmjhwVE_1QQ1pDl8Uai4Zj_I1/view?usp=sharing

28 Likes

Án-ne ín chheh ài khai jōa-chē chiah ìn ē chhut-lâi?

3 Likes

Siuⁿ chē, iû-kî kè-siàu kài ho̍k-cha̍p, bô hó kái-soeh. Kán-tan kóng: só͘-ū ìn chhut lâi ê chheh nā bē liáu liáu, góa chhau pêⁿ-chhiú, koh khiàm chi̍t sut-á :sweat_smile:

5 Likes

Ē liáu-chîⁿ tō chin hāi. Âi ū thàn chiah chò ē kú-tn̂g.

4 Likes

Bô m̄ tio̍h. Chió liōng chho͘-pán èng-kai sī bô hoat-tō͘ thàn chîⁿ. Nā kah tē 2 soat, tē 3 soat... án-ne khah ū.

7 Likes

請教一下,此本冊个漢字、羅馬字用兮 font 分別是 siáⁿ?

2 Likes
  • Lô-jī: EB Garamond
  • Hàn-jī: 小塚明朝
  • 封面 - Góa pún-lâng ēng mô͘-pit siá ê

M̄ koh EB Garamond kap 小塚明朝 lóng ū tiâu-chéng, kap goân-té sió-khóa-á ū chha.

4 Likes

小塚明朝 sió-thióng bêng-tiâu

2 Likes

原來是小塚明朝!撨 glyph 甲那眞費氣呢、漢字个部份、走馬仔(辵字朋)朗是二點兮、閣有 “tú” 彼字是專工造兮。應皆夭閣有其他調整。

3 Likes

我調整chhău 30个。連「真」刀愛調整、原底「真」(甲所有含「真」形个字)个邊仔無連下底彼劃。

部份字形(像二點「辵」)字體本身有、不閣逐字愛加治揀形。足費氣、有影。哈哈

5 Likes

應該是博客來頭擺藏(勸)台語在來漢字甲台語羅馬字 :slight_smile:

去乎列帶「中文書」、「中文/方言」、不龜、彼是台灣啊未建國、去乎舊中國植民个「政治」因素、映望不免閣外久、台文冊未閣逢列帶「中文書」、「中文/方言」。

二戰進前、越南語云那去逢歸治「漢語系」。矮夫悲某乜社傳个管理員成愛講省乜「寫漢字台文、着會去逢準做中文來款待、寫白話字搭未逢準做中文來款待」、越南治塊二戰進前、着塊寫羅馬字越南文、喜拵不是云那去逢歸治「漢語系」。

4 Likes

我落个册送到位啊。我落三本、先 tháu 一本。另外喜二本、送乎有緣人。

Góa lo̍h ê chheh sàng kàu-ūi ah. Góa lo̍h saⁿ pún, seng tháu chi̍t pún. Lēng-gōa hit nn̄g pún, sàng hō͘ iú-iân-jîn.

6 Likes
5 Likes

囝仔王子是一本古錐閣深个囝仔册。振內个台灣話、朗真口語、不免煩惱讀無、听無。請好好仔享受只本無國界个文學經典、希世之寶。

汝那是少年仔、買兌(返去)、讀乎阿公、阿媽听。讀乎小弟小妹听。

汝那是少年阿爸、少年阿母、買兌(返去)、讀乎汝囝仔听。

汝那是中年人、買兌(返去)、讀乎父仔母听。

汝那是少年公仔、少年媽、買兌(返去)、讀乎恁金孫听。

6 Likes

台字田 : http://188.166.188.8:8000/

List item

2 Likes

台字田只欵字、我呌伊「台灣漢字」。台灣漢字、那會曉講台語、用台語来呼漢字、着凖不八学過台文、店治台灣只號漢字社會、慣勢講台語个人、嗎普普仔讀有、過訓練、着會凍讀着順示順示、未㧎㧎。

Tâi-jī-chhân chit khoán jī, góa kiò i "Tâi-oân Hàn-jī". Tâi-oân Hàn-jī, nā ē-hiáu kóng Tâi-gí, ēng Tâi-gí lâi ho͘ Hàn-jī, to̍h chún m̄ bat o̍h kòe Tâi-bûn, tiàm tī Tâi-oân chit lō Hàn-jī siā-hōe, koàn-sì kóng Tâi-gí ê lâng, mā phó͘-phó͘-á tha̍k ū, kòe hùn-liān, to̍h ē-tàng tha̍k tio̍h sūn-sī sūn-sī, bē khê khê.

中華民國喜套我呌伊台閩字。台閩字有一个奇怪个現象、慣勢講台灣話个人、不八学過只套字、會泉仔未曉乎音。不久那用永擺仔治學校学中國式漢文(文言文)个訓練来「讀」、煞讀有意思、此成變態、無應該按呢。

Tiong-hoa Bîn-kok hit thò góa kiò i Tai-bân-jī. Tâi-bân-jī ū chit ê kî-koài ê hiān-siōng, koàn-sì kóng Tâi-oân-ōe ê lâng, m̄ bat o̍h kòe chi̍t thò jī, ē chŏaⁿ bē-hiáu ho͘-im. M̄-kú nā ēng éng-pái-á tī ha̍k-hāu o̍h Tiong-kok-sek Hàn-bûn(Bûn-giân-bûn) ê hùn-liān lâi "tha̍k", soah tha̍k ū ì-sù, che chiâⁿ piàn-thāi, bô èng-kai án-ne.

1 Likes

烏李送~ 𤆬汝来去遊台灣~
阿勇仔~ 𤆬汝来去迺天星~
做伙含囝仔王子走尋人生个意義
永遠保持囝仔善良、天真个心
O͘-lí-sáng~ Chhōa lí lâi khì iû Tâi-oân~
A-ióng--á~ Chhōa lí lâi khì se̍h thiⁿ-chhiⁿ(Chheⁿ)~
Chò-hóe hām Gínná Ôngchú cháu-chhōe jîn-seng ê ì-gī
Éng-oán pó-chhî gín-á siān-liông, thian-chin ê sim.

6 Likes

Chitchūn lâng ū kóng "Petit" sī kóng "sè (sinhêng)" bô ittēng sī nîhòe
"Sèlia̍p ôngchú" ?

Góa tī Bīn-chheh ìn:

https://m.facebook.com/story.php?story_fbid=307797924170289&id=106611414288942

2 Likes