Bô sáⁿ ji̍t-siông m̄-koh mā-sī chng-kha-lâng ê ji̍t-siông……
Lâi tah hó͘-thâu-phang ê siū.
Chit-khoán èng-kai sī kiò-chò "o͘-bóe-á" ê hó͘-thâu-phang.
In jōa-thiⁿ ê sî-chūn tī gún-tau chhân piⁿ chò chi̍t-ê siū chin tōa,
pún-lâi gún lāu-pē beh chhōe lâng lâi chhú-lí,
m̄-koh siūⁿ-siūⁿ--ê koh kám-kak mā-sī bô su-iàu sat-seng,
hoán-chèng mài kòe-khì piⁿ-á mā bē án-chóaⁿ.
Chit-má tang-thiⁿ lāi-té í-keng khang ah,
góa to̍h khì thiah khòaⁿ-māi.
Goân-lâi gōa-kháu sī chi̍t iân piah niâ, lāi-té sī ū chiok chē chàn--ê.
Góa ka-kī mā-sī thâu-chi̍t-pái khòaⁿ-tio̍h lāi-té,
kám-kak chin lī-hāi, mā hō͘ ta̍k-ke khòaⁿ-māi.
Che-sī gōa-kháu, in-ūi bô phang leh ûi-chhî, í-keng phòa-phòa-nōa-nōa:
Lāi-té chhin-chhiūⁿ lâu-á-chhù, chin chē chàn: