最近有一个「咖啡廳店員講台語，予頭家感覺sông-piah-piah 」ê新聞
予我想起前我一站仔做散工時，嘛會予同事禁講台語，人客koh會ná買ná棄嫌我講台語無標準，橫直台灣ê環境tùi台語真無友善，逐家心內lóng知影。
所以á，敢有人整理「台語友善商店」名單，ia̍h-sī有這種認證？
GOOGLE頂干焦揣tio̍h客語商店。雖罔有台語招呼店，m̄-koh𪜶無整理出一个好查詢的名單出來。
若是你知影佗位有台語友善商店歡迎你留tī答覆，逐家食好鬥相報～感恩(✿◡‿◡)
我目前知影ê台語友善商店：
台北：
永和時代鐘錶
心得： Tī手錶界有名ê「綠茶店」，因為來永和時代鐘錶頭家tio̍h會請你啉綠茶，這間店ê價數ē-sái講全台灣上好，你google tio̍h知影這間店評價偌好。我頂擺去買錶時講台語，頭家娘真歡喜，𪜶嘛用台語回應。
新竹：
強運米粉湯
心得： 環境清氣，湯頭好啉，烏白切鮮koh甜
@thooa0w0 lí 好 
我有用google Map 來新開一ê「台語友善店」ê地圖。想講ta̍k-ê 會使做伙來編一ê台語友善店ê地圖，未來凡勢也有機會去利便著人。
原來有人teh收ah。
Chìnchêng toh ūlâng teh siuchi̍p chénglí ah
汝是咱ê寶貝：台湾話台湾人台湾國生活箍仔
Tī ū miâ-toaⁿ chhut--lâi í-chêng, góa kám-kak ē-sái lóng chhì khòaⁿ-māi. Bīn-phôe khah kāu leh.
Hûiⁿ-ti̍t ke̍k-ke tō sī hông chhiò, bē kiám chi̍t teh bah.
Góa tī Tâi-pak siōng-pan ê sî, lóng kah bē pn̄g ê thâu-ke-niû kóng Tâi-gí, kiat-kó i tiāⁿ-tiāⁿ ke hō͘ góa chiok chē liāu. Kui-ē lâng lóng hō͘ i chhī tōa kho͘ XD
góa tī lâm-pō͘ tō m̄ bat hoân-ló chit chióng tāi-chì...
Góa lâi chhòng 1-ê hō͘ lâng ka-tī ìn--ê chhì khòaⁿ-māi.
Tiōng-tiám sī ài ū lâng chhui-sak. Che khah hùi-khì..
Kám-siā hun-hiáng 
Liáu-kái, góa sī siūⁿ nā-sī chhit-thô sî ē-sái chò chham-khó, ke kā chiah ê tiàm-ke chi-chhî. Góa mā kám-kak ū-sî-chūn kóng Tâi-gí khah ū iu-tāi ψ(｀∇´)ψ
Chìn chàn, kám-siā lí ê tap-hok
Khòaⁿ-khí-lâi chìn hó-chia̍h( •̀ ω •́ )✧
我感覺你拍的字排版足特殊的，是家己同時拍漢字佮羅馬字是毋？
這篇有教ôh!
台語無「嗎」
「敢是家己同時拍漢字佮羅馬字」按呢khah好喔！
著乎！一時袂記得，多謝指點
Tī 台大 hù-kīn ê 雪可屋ka-pi-thiaⁿ,thiaⁿ tio̍h thâu-ke kah in kiáⁿ leh khai-káng sī kóng Tâi-gí(in kiáⁿ khoàⁿ--khí-lâi beh 10-hòe).
Chiok hán-tit tī 台北 thiaⁿ tio̍h gín-á kóng Tâi-gí.
M̄-koh he ê gín-á sī tùi lāu-pē kóng Tâi-gí,tùi lāu-bú kóng Hôa-gí.
雪可屋
106台北市大安區溫州街86號
02 2367 3036
https://goo.gl/maps/3osQsTYp9ExrgPKP8
Góa the̍h chèng-hú--ê lâi kái, án-ne khó-lêng khah ū ōe-tê.
Tóng-àn tī chia:
http://bit.ly/HoangengKongTaigi
Khòaⁿ khiài sī beh kóng: Kóng Tâi-oân-ōe ê lóng sī ti??? 
Che tah-chóa sī kóng Tâi-oân-ti khah hó, èng-kai khah bē siūⁿ khì hū-bīn--ê lah... 
