Iû-koh piàn tōa-kho͘, khai-sí lâi ūn-tōng

日常 Ji̍t-siông
1

Kin-á-ji̍t, góa khì giām-hoeh, tong-jiân ū pōng thé-tāng, chin put-hēng, góa ke 4 kong-kin, tong-jiân che choa̍t-tùi m̄-sī 1 kang to̍h ē ū hiah tōa ê piàn-tōng, góa ū kàu chē kó-goe̍h bô ūn-tōng, chìn-chêng hân-liû lâi koh khah gâu ut-chut, kiaⁿ kôaⁿ lóng khah gâu chia̍h, bān-bān to̍h koh lia̍p-chek khí-lâi...

Só͘-í kin-á-ji̍t khai-sí chhàm-hóe, mā ū hêng-tōng, góa koh khì khiâ kha-ta̍h-chhia, khiā 20 gōa hun-cheng, kám-kak koh bē-bái, ū lâu 1 kóa kōaⁿ, mā ū chhau kah ē chhoán, chit-chūn chē tih chia teh phah jī, sui-jiân sī kha ē sng, tān-sī khiâ-chhia chìn-chêng sió-khóa-á ut-ut ê sim-chêng, choân-jiân siau-sit, kài chán, èng-kai koh ùi kin-á-ji̍t khai-sí, koh lâi piàⁿ 1--chām, lâi kā thé-tāng kè-sio̍k kiám-khin.

Kî-si̍t kóng khí-lâi, thé-tāng góa pēng-bô kài iàu-ì, m̄-koh chit-chióng sim-chêng siōng ê pêng-chēng, sī góa siōng kài su-iàu--ê, che chîⁿ lóng bé bô, jî-chhiáⁿ koh bián-chîⁿ.

Bē-bái lah, ūn-tōng chin-chiàⁿ sī hó tāi!

6 Likes
2

Kám-siā感謝 hun-hióng分享! Góa我 tha̍k讀 lí你 siá寫--ê的 che這 góa我 mā嘛 chò-hóe做伙 kah佮 lí你 hoaⁿ-hí歡喜 khí--lâi起來--á仔!

2 Likes
3

Oah, án-ne ū kàu hó, góa mā chin hoaⁿ-hí. :laughing:

2 Likes
4

Ūn-tōng mā sī ūi tio̍h beh khah chē leh :rofl:

2 Likes
5

Beh (chia̍h?) khah chē--leh? :thinking:

2 Likes
6

Tio̍h XD kî-koài jī ná ē bô khì. It-tēng sī thâu-tú-á chia̍h siuⁿ chē liân jī lóng chia̍h khì

3 Likes
7

Kî-si̍t góa chăng khì ūn-tōng liáu, kui-kang lóng chok gâu iau..., sió-khóa-á thòng-khó͘... :rofl:

2 Likes
8

Ū ūn-tōng bô iàu-kín, chò lí chia̍h XD

2 Likes