Chăng kah pa̍t-lâng khai-káng, kóng-tio̍h kam-chià kah án-nóa chhú-lí i-ê tōng-sû.
Góa-tio̍h kóng, kam-chià eng-kai sī ēng siah ê-khoán.
Ū-lâng tio̍h èng m̄-sī kan-na siah o͘h, iáu-ū chi̍t-tōa-tui leh.
Goân-lâi hiah-nī chē!
Khòaⁿ-kàu ū chi̍t-tōaⁿ kóng-siáⁿ-mih sī ham. Lāi-té leh kóng tn̂g--ê kiò làu-ham té--ê kiò cha̍t-ham.
Góa-tio̍h siūⁿ-tio̍h DNA lah, jiám-sek-thé ê tāi-chì.
Jiám-sek-thé, siong-sìn ta̍k-ke lóng kìⁿ-kòe. Tiō chi̍t-ê X-hêng ê mi̍h-kiāⁿ mā, koh-ū, lâng sè-pau lāi-bīn ū 23-chó͘.
M̄-koh, sī-án-chóaⁿ in ài chò X-hêng leh? Che sī in-ūi sè-pau beh ngó͘-ngó͘-hun ah. DNA ài kah tàn-pe̍k-chit lām-chò-hóe ha̍p-sêng X-hêng tāi-seng, án-ne sè-pau chiah ē-tàng chèng-siông hun chò nn̄g-ê sè-pau
Kam-chià ū chat, che jiám-sek-thé mā-ū chat. Che ba̍k Eng-gí hō-chò "centromere".
I-ê chat ū sì-ki kha-chhiú, it-poaⁿ sī nn̄g-ki tn̂g--ê nn̄g-ki té--ê.
Góa-siūⁿ, che m̄-tio̍h kah kam-chià kāng-khoán?
Tn̂g--ê hō-chò "làu-ham"; té--ê tiō-kiò "cha̍t-ham".
Án-ne kóng, eng-kai sī chin sù-sī.
