國語文 kám 愛 用 因--ê kā 因 演倒?做伙來講

「國家語言發展法,台灣各族語是國語
若指 Mandarin,中(国)語、華語、中文」

這是 chitmà ê 狀況,咱知影。

總--是 in 控制 ê 國語文 猶原 是 9成9 中文,繼續 kā 台灣各族語國語排除 在外,in tio̍h 殖民貴族,khiā koân山 看 咱 賤民 相phah,咱 是 山kha 無 siáⁿ 要緊 ê 課綱,賤民農奴納稅8 9成 來 服務 因,hō͘ 因去開華語文獎學金 hō͘ 外國人,各大學設立華語文中心(馬英九時期教育部法規),in 殖民體制 ê「國小教程」有必修一門「國音 kah 講話」siàⁿ--ê,阮學校開--ê 到今國音 iáu 是中語 niâ,彼箍 教--ê koh 會 soan(酸)笑 講 台灣語文學系 ê 學生愛特別注意,這到地是 siáⁿ貨?

Bat 寫 in ê 電批 去 kā 教育部 講 愛 改,罐頭訊息回連我 ê 問題 tō 無愛應。

Ah 咱用 石頭 ánnòa tio̍h khian 袂tio̍h 因,he 發展法寫假--ê,咱知影。

Bat 想過罷課 mài 去 因 學校,in ê 殖民義務教育罰幾百箍是無 siàⁿ,因殖民到今無人 ánne 抗議--過,m̄是自學 koh 愛 kā in 報備 hit款 ŏ͘...總--是 gín仔 無 人顧,台灣各地 iáu 無真健全 ê 家庭組織,我 ia̍h無 gín仔,一箍 phùi囝 講話 niâ 是 真 見笑...

這陣我 koh 寫 in ê 電批 hō͘ 真無路用 ê 監察院,in tio̍h kā 我--ê hō͘ 教育部 看,我 尾仔 koh 收tio̍h 罐頭訊息--ah。

回顧 咱 前輩 bat 去 教育部 頭前 開 記者會 siàⁿ--ê,其實 ia̍h 無siàⁿ,tio̍hsī 愛 繼續 出 聲,有 成果,ta̍kke lóng 來 鬥 一kha。

其實 5000人連署 這 咱 iáu 無 真正式,正經 ê 去做--過,我 ê 意思是,hit款 凊彩 kakī 想 tio̍h 創,無組織 tī 網路 幻想 khioh 人 結果 khioh 無人,hŏng 咱 對敵 看 衰siâu--ê 無準算,親像 bat 有人提案愛 kā 國語文 課綱 正名 華文,o͘ ,這是頭殼歹去是m̄,國語文 tio̍h 已經定義是台灣各族語,lí chitmà beh 承認 伊 ê 特權 hō͘ 伊 永遠留 tī hia???

基本我是 ánne 想--ê,mài hō͘ 殖民教育繼續拖繼續無愛回應。

咱愛有組織,人先箍有,一定有夠,咱愛知影代誌會改m̄是100% ê 人 lóng 有法度來做來知影,咱愛先有一陣堅定 ê 10%會關心 chia--ê,做伙發聲,透過這 ê 5000人連署練功,繼續支持照 in 理所寫愛有 ê 結果「國家語言發展法,台灣各族語是國語,台灣各族語委員必須合併國語文課綱委員,華語文獎學金改做國語文範圍,華語文中心改做國語文中心...(有siàⁿ 歡迎 tī 下kha 補充)」愛隨有改變、承諾,無咱會閣想後一步

Koh有 現有教師 lóng 愛去學習 tī 一段時間內學會曉用兩款台灣各族語去上課 siàⁿ--ê,研討會、用詞規範 siàⁿ--ê,如何平等 ê 落實台灣各族語文化教育到社會,m̄是今國高中幾ā年後一禮拜加一節 ê 騙鬼,咱愛臨時提案,今 tio̍h 愛改!

橫直 chitmà tio̍h 箍人--lah,有聲卡贏無,ia̍hsī 咱 koh 有siáⁿ 想法?:)

9 Likes

我前幾工頭殼內雄雄有一个想法,若是台語家庭的囡仔等in到欲去國校仔上課的sūn,拒絕去國校仔上課,理由是「囡仔袂曉講北京話,嘛聽無北京話...等等」,閣揣議員立委kā代誌舞大,逐年攏來做。

4 Likes

補充,罐頭訊息一有關教程是講以後會特別有「本土語文教程」,哭iau,koh beh kā 咱隔離,問題無愛應,證明國家語言國語文是做假?

罐頭訊息二是監察院發函教育部,教育部送電批來 hō͘ 我,問題「國語文全中文真有問題教育部違法」無回覆,照講 in ê 國高中 幾ā年 後會有開課,我幹,20年前 前輩抗議,我2歲到今猶原 lóng 是隔離策略

3 Likes

是 lah…...我一兩年前 bat 宣傳愛罷課無人 hiùlān,咱 tio̍h 知影有 gíná 愛顧愛教是無 咱 想--ê hiah 簡單,我 chiah 講我感覺真見笑

1 Likes

目前是想,有心--ê 先箍幾 ê,做伙想/負責文案、圖 siàⁿ--ê 宣傳方式,文圖若出來,核心團隊確認,chiah 去進一步 chhōe 台灣家庭團體、政社文團體來做伙參與確認人數&可行宣傳方式,chia ê lóng 確定 chiah 去提案,chiah hō͘ 伊四界湠。

3 Likes

Tio̍h ā,nā-sī ū gín-á beh kò͘ tiō bô it-tēng ē án-ne siūⁿ.:disappointed_relieved:

1 Likes