Kin-á-ji̍t beh kah ta̍k-ê lâi kóng chit jī, sī goán pâ tiāⁿ-tiāⁿ leh iōng ê “ Phàng”
Chit ê "Phàng" m̄ sī lán lâng leh chia̍h ê hit khoàn iōng mī-hún khì hang ê mi̍h-kiāⁿ "Pháng" . Chiàu goán tau ê ēng-hoat, chit jī ū:
Hoān-sè, tāi-khài.(khah chú-iàu)
Lí che só-sî lak lo̍h khì kau-á té, phàng chhōe-bô ah.
Àn-sǹg khì chò bó͘ tāi-chì
Eh, góa kin-á-ji̍t hoat-phiò tio̍h-chióng phàng beh lâi-khì chia̍h chi̍t tǹg chheⁿ-chhau ‧ê, lí beh chò-hóe lâi bô?
Goán pâ sī Ka-gī-lâng, bóe-á góa khì jī-tián lāi chhōe hoat-kak kóng goán tau leh kóng ê chi̍t ê "Phàng" kài-sêng sī "Phah-sǹg" ê im sio-liân khí-lâi ê. M̄ chai-iáⁿ ta̍k-ê chhù-nih kám iā ū án-ne iōng?