Lí ài kā kiāu ah! （你愛共kiāu啊！）

日常 Ji̍t-siông
1

Kin-á-ji̍t今仔日 koh閣 tú-tio̍h拄著 tī佇 kio̍k-thoân劇團 chò做 ho̍k-chong-su服裝師 ê tōa-chí大姊, i伊 kā共 gún阮 kóng講 i伊 siōng-pan上班 ê sî-chūn時陣 tú-tio̍h拄著 ê tāi-chì代誌:

Ū有 chi̍t-kang一工 chi̍t-ê一个 chō͘-lí助理 leh咧 pang幫 ián-oân演員 tàu鬥 kè-thâu-chang假頭鬃, in-ūi因為 m̄-sī毋是 kui規 téng頂--ê, ài愛 iōng用 giap-á鋏仔 kò͘-tēng固定, it-ti̍t一直 tàu鬥 bē袂 hó-sè好勢. Piⁿ-á邊仔 ê sai-hū師傅 khòaⁿ看 bē袂 lo̍h-khì落去 to̍h就 hoah喝 chi̍t-siaⁿ一聲:
"Lí你 ài愛 kā共 kiāu撬 ah啊!" (Giap-á鋏仔 ài愛 kiāu撬 li̍p入 thâu-chang頭鬃 chiah才 tàu鬥 ē會 hó-sè好勢 ah啊!)

Kiat-kó結果 chin真 iù-siù幼秀 ê ián-oân演員 soah煞 kiò-sī叫是 sī是 leh咧 hoah喝 i伊, kóaⁿ-kín趕緊 thiaⁿ-ōe聽話 khai-sí開始 kiāu撟:
"Góa我……Góa我……Góa我 kàn-lín-niâ幹恁娘!!"

Ta̍k-ke逐家 lóng攏 péng-kòe反過 :joy:

7 Likes
2

Gún Sin-tek chia kóng "and" tiāⁿ-tiāⁿ kóng "kiau".
Góa kiau lí, lí kiau goá.
Tâi-lâm lâi ê tông- chhong thiaⁿ--tio̍h, to̍h kóng, hó͘, lín kóng-ōe ná chiah chhō͘...

Hāi goá āu--lâi it-ti̍t bô siáⁿ káⁿ án-ne kóng. It-ti̍t kàu chòe-kūn tùi ka-kī ê khiuⁿ-kháu khah ū sìn-sim, chiah káⁿ khioh tńg--lâi ēng.

5 Likes
3

阮雲林海口的親情講and嘛是講kiau.

2 Likes