假包(pâu)漢文先生

一般的那是卜敎英語个老師、英語着愛會曉聽、會曉寫、會曉讀、閣兼會曉講、此是成基本个要求。也是講卜敎數學、敎自然科學个老師着愛會曉八數學甲自然科學搭通敎。卜敎人演奏樂器个老師、本身云那着愛會曉喜項樂器搭有到格通共人敎。

以上所講、朗是一般的个常識、但是只个社會、有眞多代志是足無道理、生本着是一个歪斜个社會。其中一个例着是講、咱永擺仔做學生仔个順、朗有塊上喜號漢文个課、啊照講那卜敎咱漢文个老師、加治生成愛會曉寫漢文隻着、不久咱靴个「漢文先生」根本不八塊寫漢文。因敎歸世人个漢文(上無嗎十外仔外冬)、加治煞含一篇仔漢文都不八塊寫、啊嗎袂曉寫、上介害个是閣袂勘レ人魠、便那有人堯疑因个漢文能力、喜个人着會逢講「對師長不敬」、也是講「不受敎」。按呢閣通佔喜缺領薪水、騙咱者个戅學生仔、汝共聽看幾句个。

今仔日那是有一个初中个數學老師、講參喜號一元一次个方程式都袂曉解、汝共看會去乎學生仔投甲泉仔無册通敎無着好。啊不久「漢文先生」、寫袂出一篇个漢文、煞朗無學生囝仔敢去共挑戰、汝共看按呢有食力無、只个社會有歪斜無。

3 Likes