台文 tī 中文 Wiki ê 紀錄(修補說明&發現)

意外發現 Wiki 有人寫「台灣華語研究」,對這詞我是真無耐心,第一張是原本寫--ê,第二張我照《國家語言發展法》現狀改用詞&補充詳細來講伊特色到底是「按怎來」,總講一句,殖民,若無台灣各族語伊會真緊乎正中国語同化

論真有用這詞--ê 我目前看,有日本人開始用,其實日本今有觀光園區連寫台灣語導覽--ê,實際看是繁體中文不是台文,都知影真正會害,ah 日本啞是有出版袂少教真正台語 ê 教科書--lah

圖三是 wiki 寫「國語運動」內有特別講台灣--ê,thiàm--ah,先改一部份,愛有《國家語言發展法》概念,用詞無需要用「本土語言」,最近看著好笑--ê,「本國語文」&「本土語文」對立,今《國家語言發展法》啞未完全落實咱是愛知影,對這篇是愛加補充台灣各族語是如何一路乎殖民 tī 紙本媒體、音樂、電影、電視受審查/查禁,中語是如何一路 tī 頂講--ê 全有特權

圖四是講中華民國國語,補充《國家語言發展法》概念&相關歷史,名稱照文化部一月規劃 ê 標準,改寫講繼續用國語這詞會無精確,總--是這篇是講中國語--ê,只好先寫講內文用「國語」這詞若無特別說明,實際是指華語。

圖五是「台語白話文」講「台文」ê Wiki,我去補充有關文化協會1920年代通過台語白話字普及化&戰後1950年代有台灣省議員要求愛解禁台語白話字 ê 說明...

當然我知影我改--ê 是中文wiki,凡勢有人會惡意去改,橫直,精神成本有限,這不是主戰場,算是我偵察所做 ê 聲明(有白話字wiki,ah 伊是用 POJ 寫伊是閩南語--lah...)

7 Likes

lí eng-kai ē-sái tī "討論" ê ia̍h-bīn hām siá chit phiⁿ ê lâng thó-lūn, jiân-āu kái-siá. a-bó lán mā ē-sái siá lán tâi-bûn ê pán-pún: Wikipedia, chū-iû ê pek-kho-choân-su

In sī kóng chiàu chitmà gígiân bé khì pian--ê (tio̍h, ISO, kokchè piauchún siáⁿhòe)
Ah lán tio̍h bô...kanna ētàng chioh iōng NAN
He sī in Tiongkok khòngchè ê hunlūi ēkha...
Gígiân ū koanhē, beh kakī chi̍t bé m̄sī bēsài, ah chitmà tio̍h...

1 Likes

nā chiàu góa só͘ liáu-kái, Wikimedia sī kin-kù SIL téng-koân ê ISO 639 hoan-hō lâi khu-piat gí-giân. lán nā beh ài chhòng chi̍t-ê tâi-gí ê Wikimedia kè-ōe, ài ùi chiah lâi siūⁿ pān-hoat.
https://iso639-3.sil.org/code/nan

2 Likes

Bô kokka kiâⁿ bē kàu hia, tosiā chuliāu chhâ--tio̍h.

https://meta.wikimedia.org/wiki/Requests_for_new_languages/Wikipedia_Taiwanese_Hokkien

khah-chá ū lâng sin-chhéng kòe Tâi-oân Hok-kiàn ōe ê Wikipedia, m̄-koh sī iáu-beh sêng-kong. nā ū hèng-chhù, lán ē-sái lâi gián-kiú.

Góa chitmà sī khah bô beh chò che...tio̍h, m̄sī tiōngtiám.
Lán chitê nîtāi, tha̍k--ê iáu bô kàu.

góa chìn-chêng bat kóng kòe.
lán Tâi-oân ê chu-liāu tī Wiki bīn-téng
hō͘ Chi-ná lâng lī-iōng Tōa tiong-hôa khu pa̍k chò-hóe.
lán beh kái lóng ê hō͘ in kái tńg-khì

4 Likes

lán ē-tàng chhì khòaⁿ chō͘ chi̍t-ê "user group", chhiūⁿ che, Paiwan Wikimedians User Group - Meta.

nā thong-kòe koaⁿ-hong ê jīn-tēng, lán thang-hó ū chi̍t-kóa pó͘-chō͘. jiân-āu lán ē-tàng pān oa̍h-tāng chio koh-khah-chē lâng lâi ka-ji̍p tâi-gí wiki.

chìn-chêng góa ū hām wiki ê gí-giân úi-oân-hōe lāi-té ê lâng kau-liû, góa chai-iáⁿ in lāi-té ū lâng chin tiōng-sī choân-kiû chāi-tē-hòa ê hoan-e̍k (translatewiki). lán nā kah bo̍k-chêng bân-lâm-gú (nan) ê translatewiki lāi-té ê iōng-sû lóng-chóng hoan-e̍k. it-tēng ē siū in chù-ì. kàu sî-chūn, lán ē-tàng ū ki-hōe lâi chú-tiuⁿ lán chia-ê chú-iàu kòng-hiàn ê lâng lóng tī tâi-oân. lán ē-sái chiông-án-ne sin-chhéng kái-miâ, chhì-khòaⁿ.

3 Likes